Connect with us

Lajme nga vendi

Premtime të vazhdueshme për pensionistët në Tetovë në praktik e kundërta, ata ankohen me pensionet që marrin është e pamundur të mbulohen të gjitha shpenzimet

Published

on

Kryetar i Shoqatës së Pensionistëve në Tetovë Selver Memeti është shprehur se pensionistët kërkojnë rritje lineare të pagave. Ai këto komente i ka bërë pas takimit që ka realizuar me Ministrin teknik të punës dhe politikës sociale Gjoko Vellkovski. Memeti është shprehur se funksionarët gjithmonë përpara zgjedhjeve vijnë dhe i takojnë pensionistët, japin premtime por nuk realizojnë asgjë. “Ne jemi të mendimit se do të realizohen kërkesat tona por pa ndryshimin e ligjit për pension, nuk mund të vijë deri tek plotësimi i kërkesave tona sepse nuk mund të bëhet rritje lineare, por me vendim kemi vetëm rritje me përqindje. Fillimisht duhet të ndryshohet ligji dhe më pas të realizojmë rritjen e pensioneve në mënyrë lineare dhe mendoj se do të arrijmë këtë kërkesë tonë ta bëjmë realitet. Është e vërtetë se para zgjedhjeve vijnë funksionarë, premtojnë, por premtimet ngelin vetëm premtime”, tha Kryetar i Shoqatës së Pensionistëve në Tetovë, Selver Memeti.

Ndërkohë, Ministri teknik i Punës dhe Politikës Sociale Gjoko Vellkovski ka thënë se fatkeqësisht pensionistët për herë pas më shumë se 70 vitesh dolën në rrugë për të protestuar për të drejtat e tyre.

“STATISTIKAT TREGOJNË SE RRETH 100 MIJË PENSIONISTË TANË JETOJNË ME NJË PENSION NËN 20 MIJË DENARË NË MUAJ DHE NËSE KËTË E LLOGARISNI KJO ËSHTË NËN RROGËN MINIMALE. TASH E KENI TË QARTË SE SI KËTA NJERËZ IA DALIN NË FUND. PRANDAJ JEMI KËTU PËR T`I DËGJUAR NË KËTO DY MUAJ, KURSE PAS 8 MAJIT, DO T`I PËRVISHEMI PUNËS QË TË REALIZOJMË KËRKESAT E TYRE”, THA GJOKO VELLKOVSKI.

Kërkesat tona kanë qenë të njëpasnjëshme thonë pensionistët por Ministria e Punës dhe Politikës Sociale, por edhe Qeveria, asnjëherë nuk kanë pasur vesh për të dëgjuar hallin tonë.

“NE SI PENSIONISTË DOLËN NË PROTESTA DHE KËRKUAM MË TEPËR PENSION POR S’NA MORI ASKUSH. ÇDO DITË QË FUTESH NË MARKET GJËRAT JANË GJITHNJË E MË TË SHTRENJTA, NUK DËGJUAM NJË HERË TË ULEN ÇMIMET. GJITHNJË KEMI KËRKUAR RRITJE TË PENSIONEVE, SHKUAM EDHE NË SHKUP PARA MINISTRISË MADJE ME AUTOBUSË, DHE ASNJERI NUK DOLI AS TË NA PYES SE ÇKA KËRKOJMË PËR ÇKA KEMI NEVOJË. FOLËN DISA PERSONA DHE AQ. NËN 30.000 S’MUNDESH KOT, NUK IA DEL MUAJIT, UNË MARR 20.000 PO S’MUND T`IA DAL, 13.000 RRYMA MË KA ARDHUR ÇKA TË BËJ”, THA NJË PENSIONIST.

Advertisement

Edhe pensionistët e Tetovës, disa herë kanë protestuar edhe në Tetovë edhe në Shkup, ku kërkojnë që rritja e pensioneve të bëhet në mënyrë lienare, por deri më tash ende nuk është plotësuar kërkesa e tyre. Shumica e pensionistëve jetojnë me një pension minimal.TV KOHA

Lajme nga vendi

Fushata zgjedhore/ Troshanovski: Mosmiratimi i Kodit Zgjedhor mundëson keqpërdorimin e resurseve shtetërore

Published

on

Mos votimi i ndryshimeve të Kodit Zgjedhor sipas rekomandimeve të OSBE/ODIHR tregon se partitë nuk dëshirojnë t’i braktisin praktikat e vjetra të cilat mundësojnë shumë mjete financiare dhe resurse shtetërore në interes të partive dhe jo në interes publik. Kështu vlerëson kryetari i Institutit për Demokraci “Societas civilis”, Marko Troshanovski.

Ai në intervistë për REL tha se, rreth 2,7 milionë euro do të derdhen në portalet e internetit të sapoformuara dhe nuk kanë pronarë, as politikë redaktuese, që nuk dinë nëse do të publikojnë më tej ose jo.

“Kemi situatë ku një kompani paraqet nga katër, pesë portale, prej të cilave çdokush do të mund të marrë nga 15 mijë euro, para për të cilat ka indikacie serioze se keqpërdoren ose për rifinancim të fushatave ose përfundojnë ne xhepa privat. Momenti i dytë është përdorimi i veturave në fushatë. Deri më tani rreth 400 nga mbi 1.500 institucionet i kanë paraqitur veturat e tyre zyrtare, përkatësisht tabelat e tyre të regjistrimit që qytetarët të mund të shohin nëse i përdorin në fushatë”, tha Troshanovski.

Duke folur për fushatën zgjedhore, Troshanovski tha se deri më tani ka qenë e denjë sa i përket mediave tradicionale. Ndërkaq, sipas tij, pjesa më e madhe e fushatës së zezë dhe të ndryrë është zhvilluar në rrjete sociale.

“Ajo do të radikalizohet në mënyrë të pashmangshme me afrimin e fundit. Nuk kemi qenë ende dëshmitarë të përballjeve politike, ku më së shumti dalin në shesh këto dukuri negative në komunikimin politik”, tha Troshanovski.

Sa i përket ndryshimeve kushtetuese dhe anëtarësimit në BE, Troshanovski tha se ndryshimi i kornizës negociuese është kryesisht skenar i pamundur, duke shtuar se, vendi nuk ka kapital diplomatik për të bërë një gjë të tillë.

Advertisement
Continue Reading

Lajme nga vendi

Ahmeti përkujton dëshmorin Mujdin Aliu në 25 vjetorin e rënies së tij në Koshare

Published

on

Kryetari i Bashkimit Demokratik për Integrim, Ali Ahmeti ka përkujtuar dëshmorin Mujdin Aliu në 25 vjetorin e tij të rënies heroike.

Ahmeti shkruan se Aliu ishte rritur nën frymën e atdhedashurisë ndaj dha kontributin e tij në luftën e Kosovës, ku ra heroikisht në Kushare.

Statusi i plotë:

Kujtojmë sot në 25 vjetorin e rënies heroike në betejën e Koshares, heroin e kombit Mujdin Aliu.

I rritur me ndjenjën e thellë të atdhedashurisë në vatrën e tij familjare, Mujdini do t’i përgjigjej pa ngurrim kushtrimit që lëshoi Kosova dhe me gjakun e tij do të ujisë rrënjët e lirisë së saj.

Advertisement

Bashkë me shokë do t’u jepnin goditje të fortë forcave ushtarake serbe në Koshare duke thyer kufirin e vendosur nga ana e tyre mes Shqipërisë dhe Kosovës.

Lavdi e përjetshme Mujdin Aliut dhe të gjithë dëshmorëve të kombit!

Continue Reading

Lajme nga vendi

VIDEO: Shkendija i rikthehet luftës mposhti Sileksin me rezultat 6-1

Published

on

Në një nga edicionet më bindëse të kësaj pranvere, Shkendija mposhti Sileksin me rezultat 6-1 (1-1), në ndeshjen e xhiros së 27-të të LPFM, ku tre gola në shtëpi erdhën nga këndi.

Shkendia ishte bindëse, ajo arriti të “thyejë” Sileksi me 6:1, edhe pse në një moment rezultati nën Sharën ishte 1:1. Megjithatë, Tetovci tregoi të gjithë cilësinë e tij dhe arriti të fitojë tri pikë të mëdha në betejën për titull.

Continue Reading

Më të lexuarat