Një zjarr që shpërtheu herët në mëngjes në një shtëpi moshuarve në periferi të Beogradit, kryeqyteti i Serbisë, shkaktoi vdekjen e tetë persona dhe plagosjen e shtatë të tjerëve, njoftoi transmetuesi publik serb RTS

Ministri i Punës, i Punësimit dhe i Çështjeve Sociale i Serbisë, Nemanja Staroviç, tha për RTS se ata dyshojnë se zjarri ishte zjarrvënie.

Zjarri në shtëpinë e vendosur në Veliki Bork në komunën e Beogradit të Baraevës është shuar me reagim emergjent nga zjarrfikësit dhe është konfirmuar se nga zjarri janë shpëtuar 13 persona.

Autoritetet kanë marrë njoftim për një zjarr në një shtëpi pleqsh herët në mëngjesin e sotëm në orën 03:22, dhe me të mbërritur në vendin e ngjarjes, anëtarët e Departamentit të Situatave Emergjente të Ministrisë së Brendshme të Serbisë kanë gjetur zjarrin në kulm, njoftuan autoritetet.

Gazetari i medias gjermane Bahri Cani, ka komentuar protestat e fundit në Beograd, të cilat po zhvillohen kundër regjimit të Aleksandar Vuçiqit.

Ai përmes një postimi në Facebook u shpreh se Vuçiq nuk ka qenë kurrë më shumë nën presion, madje edhe duke dhënë deklarata shumë të pamatura.

“Kjo atmosferë po ma kujton pak gjendjen e viteve 90-të kur protestonte opozita kundër Millosheviqit, por zhvillimet e tetorit të vitit 2000 kur Millosheviqi u rrëzua nga pushteti me protesta.

Sidoqoftë, në Serbi protestat e studentëve dhe qytetarëve kanë vazhduar edhe gjatë festave të fundit, po vazhdojnë edhe tani, Vuçiqi dhe qeveria e tij po akuzohen se “i kanë duart e përgjakura”…”, shkroi ndër të tjera Cani, përcjell “Bota sot”.

Postimi i plotë

Advertisement

“I keni duart e përgjakura”, vazhdojnë protestat kundër Vuçiqit, ndërsa ai “kërcënon” me njësi paramilitare!

Nuk e di a po e përcillni dhe sa po e përcillni gjendjen në Serbi, por kam një përshtypje që presidenti Aleksandar Vuçiq nuk ka qenë kurrë më shumë nën presion. Kohët e fundit ka dhënë edhe disa deklarata shumë të pamatura, siç i quajnë në Serbi. Ja disa prej tyre: “Tashti të vijnë këtu në studio pesë vetë me automatë, nuk do të trembesha, vetëm i kisha pyetur, ku është problemi…”.

“Mua më ka kërcënuar një prej kriminelëve më të mëdhenj me pistoletë midis Beogradi nga disa metra largësi dhe nuk jam trembur”. “Është krijuar një grup që e quajnë veten lojalistë, që ndërkohë numëron 17.000 anëtarë, për të mbrojtur vendin… kanë shkuar me një kishë të vogël dhe janë betuar në gjakun e tyre për mbrojtje… Ndër ta është edhe vëllau im, është edhe dikush tjetër i familjes, unë nuk jam…”

“A duhet t’i nxjerrë tani ‘beretkat’ në rrugë dhe t’i shpartallojnë për 5-6 sekonda studentët…” “Mund të më vrasin, por nuk ua jap qeverinë teknike”. “Nuk ka birë nane që më detyron”…

Deklarata të tilla ka me dhjetëra, gati çdo ditë. Shumë analistë, e madje edhe psikologë në Serbi po merren me këto deklarata. Por fakt është, Vuçiqi kurrë nuk ka qenë më shumë nën presion në Serbi.

Advertisement

Më së shumti shqetësime ka shkaktuar kjo deklarata për krijimin e një njësie paramilitare (lojalistët) prej 17.000 vetash, që janë zotuar se do ta mbrojnë ate në rast nevoje. Shumëkush në Serbi e ka cilësuar këtë si një përgatitje për gjakderdhje. Ata pyesin, çka i duhet njësia paramilitare Vuçiqit në qoftë se ka policinë dhe ushtrinë? Apo do të mbrohet prej popullit të vetë, prej studentëve, prej kujt?

Kjo atmosferë po ma kujton pak gjendjen e viteve 90-të kur protestonte opozita kundër Millosheviqit, por zhvillimet e tetorit të vitit 2000 kur Millosheviqi u rrëzua nga pushteti me protesta.

Sidoqoftë, në Serbi protestat e studentëve dhe qytetarëve kanë vazhduar edhe gjatë festave të fundit, po vazhdojnë edhe tani, Vuçiqi dhe qeveria e tij po akuzohen se “i kanë duart e përgjakura”…

“Konfliktet e brendshme politike të Serbisë i ka krijuar Kosova”.
Avokati dhe analisti, Spartak Ngjela ka bërë një shkrim në lidhje me shtetet shqiptare dhe krizën në të cilën ka hyrë Serbia.

Se pari, ai tha se duke marrë parasysh zhvillimet e brendshme në shtetin serb, gjithçka po vjen në favor të botës shqiptare në Ballkan.

Madje, Ngjela potencoi faktin se “…e gjithë kriza politike dhe konfliktet e brendshme politike të Serbisë i ka krijuar Kosova”, përcjell “Bota sot”.

Postimi i plotë

Shqipëria sot nuk është më një shtet i dobët, sepse brenda gravitacionit të saj janë dhe tre shtete të tjerë shqiptarë: Shqipëria, Kosova, Maqedonia, dhe një i katërt që po del dhe që është Çamëria.

Advertisement

Serbja po hyn në një krizë të re.

Janë studentët që po kërkojnë të rrëzojnë Presidentin e Serbisë Aleksandër Vuçiç.

Por mund të ketë edhe arsye dhe forca të tjera, sipas pyetjes: Studentet që janë ngritur në Serbi, kush po i drejton?

Aleksandër Vuçiç, presidenti i Serbisë i rritur dhe i edukuar me një gen antiperëndimor dhe prorus, është në krizë tërësore dhe e ka shpresën tek Rusia.

Por gjithçka po vjen në favor të botës shqiptare në Ballkan. Kjo sepse e gjithë kriza politike dhe konfliktet e brendshme politike të Serbisë i ka krijuar Kosova.

Advertisement

Por ne ndërkohë në këtë analizë duhet të theksojmë se sot është arritur pavarësia e Kosovës, dhe ky është një shtet i dytë shqiptarësh.

Por shteti i dytë shqiptar e ka futur të gjithë botën sllave në Evropë në një krizë shpirtërore dhe politike njëherësh. Por më keq që shkon deri në degradim, është Serbia.

Sepse Serbisë tani i ka dalë në skenën politike shqiptaria me tre shtete: Shqipëria, Kosova dhe Maqedonia e Veriut.

Po Serbia?I

Shqiptaria e ka mundur, por ajo bën sikur s’kupton.

Advertisement