Lajme nga vendi
“Andi Demiri nga Tearca: Ylli i Ri Shqiptar që Shkëlqen në Lille!”
Në botën e futbollit, ku talentet e reja ngrihen dhe bien si yje në qiellin e natës, një emër i ri ka filluar të ndriçojë më fort se të tjerët: Andi Demiri nga Tearca. Ky djalosh i mrekullueshëm ka arritur të bëjë atë që shumë të rinj vetëm e ëndërrojnë – ka nënshkruar një kontratë me klubin prestigjioz francez, LOSC Lille. Nënshkrimi me LOSC Lille është një hap i madh për Andin, por edhe për futbollin shqiptar në tërësi. Lille, një ekip që ka njohur suksese të mëdha në Ligue 1 dhe në arenën evropiane, ofron një platformë të shkëlqyer për zhvillimin e mëtejshëm të Andit. Në këtë ambient konkurrues dhe profesionist, ai do të ketë mundësinë të mësojë nga lojtarë të klasit botëror dhe të shkëlqejë nën drejtimin e trajnerëve më të mirë. Ky moment historik për Andin dhe për komunitetin e tij është një dëshmi e fuqisë së sportit për të bashkuar njerëzit dhe për të ndryshuar jetë. Me këtë nënshkrim, Andi ka treguar se një djalosh nga Tearca mund të arrijë majat e futbollit evropian dhe të frymëzojë një komb të tërë. Me sytë e të gjithë botës së futbollit të drejtuar nga ai, Andi Demiri është gati të shkëlqejë në LOSC Lille dhe të bëjë histori. Një ëndërr që u bë realitet jo vetëm për të, por për të gjithë ata që besojnë në fuqinë e pasionit dhe përkushtimit. Andi është ylli që po lind, dhe ne mezi presim të shohim sukseset e tij të ardhshme në fushat e futbollit evropian. Forca Andi, je krenaria jonë! TV KOHA
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve