Sport
Kontrata e Mbappes me Realin do të jetë më e madhe se 250 milionë euro
Real Madridi e prezantoi Kylian Mbappe në shumë bujë të martën, me Santiago Bernabeun e zhurmshëm dhe me zë të lartë në përshëndetjen e gladiatorit të tyre të ri. Pasi iu përgjigj pyetjeve për më shumë se një orë në konferencë, Mbappe tani do të jetë me pushime për dy deri në tre javë sipas të gjitha gjasave.
Prezantimi i Mbappes përfshinte një tundje me kokë për idhullin e tij Cristiano Ronaldo, duke imituar frazën ‘1, 2, 3, Hala Madrid’ nga prezantimi i portugezit.
25-vjeçari është padyshim blerja e parë që nga Ronaldo që ka sjellë emocione të ngjashme, dhe ai do të paguhet gjithashtu si një superyll.
Sipas gazetës Marca, Mbappe do të fitojë një pagë prej 15 milionë euro neto në vit (30 milionë euro bruto) dhe do të ketë një bonus nënshkrimi prej 100 milionë deri në 115 milionë euro gjatë marrëveshjes së tij pesëvjeçare. Megjithatë, këto shifra nuk përfshijnë objektivat e bazuara në performancë, siç është fitimi i Topit të Artë.
Ka pasur gjithashtu shumë zhurmë për të drejtat e imazhit, me Mbappen që kërkon më shumë se shifra prej 50% e zakonshme e Real Madridit – me gazetën Marca që thotë se ai do të ketë midis 60% dhe 80% të të drejtave të tij të imazhit, gjë që gjithashtu do t’i fitojë shumë miliona euro më shumë.
Nuk është e qartë se sa fitoi ai në Paris Saint-Germain, por të paktën, paga e tij bazë ishte dyfishi i asaj që do të fitojë në kryeqytetin spanjoll. Padyshim që kostoja totale do të shihet ende si ekonomikisht efikase nga Real Madrid dhe Florentino Perez, duke pasur parasysh se ata po sjellin ndoshta superyllin më të madh në botë për vitet e tij kryesore dhe po e bëjnë këtë pa tarifë transferimi.
Duke pasur parasysh transferimin rekord për një sulmues, i paguar nga PSG, është 222 milionë euro për Neymar Junior, Los Blancos do të ndihet mirë për këtë marrëveshje.
Në kampionatin amerikan të basketbollit sot janë zhvilluar vetëm tre takime ku vendasit shënuan një fitore ndërsa ekipet mysafire dy fitore.
Skuadra e Minnesotas zhgënjen para tifozëve vendase në përballjen m ekipin FENIKS duke pësuar disfatë në sekondat e fundit me rezultatin 105-106 Ndeshja ishte mjaftë dinamike pasi të dyja skuadrat pretendojnë të sigurojnë kualifikim në fazën play off. Te skuadra vendase më efikas ishte Edvards me 40 pikë, ndërsa te skuadra fituese të gjithë lojtarët titullar shënuan mbi 10 pikë.
Pa probleme ka fituar edhe Indiana në përballjen me Sakramenton me rezultatin 116-105, Më efikas në këtë ndeshje ishte Nembhard me 28 pikë e 12 asiste.
Nju Orlenas ka pësuar disfatë në përballjen me San Antonia para tifozëve të vetë me rezultatin 132-135. Quenn dhe Marphy realizuan 65 pikë së bashku, ndërsa tek skuadra fituese 8 lojtar realizuan mbi 10 pikë , ndërsa diferencën kësaj radhe e bënë lojtarët rezervë që realizuan 68 pikë
Një fitore e vendase dhe katër fitore e ekipeve mysafire është epilogu i ndeshjeve të javës së 9-të në Ligën e parë të volejbollit në kategorinë e meshkujve. UGD Shtip pëson humbjen e parë
Në kampionatin republikan të volejbollit në kategorinë e meshkujve gjatë fundjavës janë zhvilluara ndeshjet e xhiros së 9-të të sezonit vjeshtor. Derbi i javës që u zhvillua në Shtip mes ekipit UGD Shtipi – Strumica ka përfunduar me fitoren e ekipit kampion 2-3 në sete. Për ekipin vendas ishte kjo disfata e parë në këta pjesë të kampionatit.
Liria e Zherovjanit ka regjistruar fitoren e tretë radhazi kësaj radhe në transfertë mundi Janta Volejn me rezultatin maksimal 0-3 në sete 12-25, 17-25 dhe 16-25. Me këto tre pikë Liria me 11 pikë ngjitet në pozitën e tetë.
Fitore në transfertë laka regjistruar edhe Universiteti i Tetovës kundër Sushevës 1-3 në sete 21-25, 23-25 dhe 19-25. Universiteti Tetovës tani me 17 pikë mbanë pozitën e pestë në tabelë.
Shkëndija edhe në këtë xhiro ka zhgënjyer tifozët pasi në Tetovë pësoi nga Rabotniçki 1-3 në sete 22-25, 16-25, 25-22 she 12-25. Shkëndija me 13 pikë vazhdon të mbanë pozitën e gjashtë
Rezultatet: Vesna Probishtip – Skopje 3-1, Susheva – Universiteti Tetovës 1-3 Shkëndija – Rabotniçki 1-3 ,Janta Volej – Liria 0-3 dhe UGD Shtipi – Strumica 2-3
Tabelën e kryeson UGD Shtip me 25 pikë , para Strumicës që ka 24 dhe Rabotniçkit me 21 pikë. Sa u përket ekipeve tetovare Universiteti i Tetovës me 17 pikë mbanë pozitën e pestë, Shkëndija me 13 pikë është në pozitën e gjashtë, ndërsa Lira në pozitën e tetë me 11 pikë
Shaban Sinani – TV KOHA
Sonte në program janë ndeshjet e raundit të gjashtë në fazën e ligës të UEFA Liga e Kampionëve, ku në program janë 9-të ndeshje interesante ndërsa spikat përballja Inter – Liverpul që luhet në Gjuzepe Meazza’ me fillim në ora 21:00
Sot është dita kur në 9-të terreneve anë mbanë Europës zhvillohen ndeshjet e raundit të gjashtë në fazën e ligës në Ligën e kampionëve është një ditë e mbushur me futboll elitar, ku do të kulmojë me super-duelin Inter kundër Liverpoolit, një përballje që ka tërhequr vëmendjen e gjithë Evropës. Në stadiumin “Gjuzepe Meazza” atmosfera pritet të jetë elektrizuese, me dy skuadra që vijnë me objektiva të qartë dhe me presion të madh mbi shpatulla.
Interi kërkon të tregojë forcën në shtëpi dhe të rikthejë qetësinë pas javëve të vështira, ndërsa Liverpooli udhëton drejt Milanos me synimin për t’u rikthyer te stabiliteti pas polemikave të fundit që lidhen me grupin dhe vendimet teknike. Kjo përballje përbën testin më të fortë të fazës aktuale, me pritshmëri të larta nga të dyja anët dhe me yje që pritet të vendosin fatin e ndeshjes.
Një përballje tjetër mjaftë interesenta do të zhvillohet mes Bayern Munich dhe Sporting CP në një përballje ku gjermanët kërkojnë të ruajnë ritmin. Barcelona ndeshet me Eintracht Frankfurt në “Camp Nou”, në një ndeshje ku katalanasit synojnë tri pikë që do t’i konsolidonin në renditje. Chelsea përballet në transfertë me Atalantan në Bergamo, një sfidë që mund të rezultojë më e vështirë sesa duket në letër.
PSV përballet me Atleticon e Madridit në një ndeshje me ritëm të lartë dhe spontanitet, kurse Monaco – Galatasaray dhe Tottenham – Slavia Prague plotësojnë mbrëmjen me duele që mund të prodhojnë surpriza. Royale Union SG pret Marseje në një ndeshje ku francezët duhet të tregojnë forcë për të mos rrezikuar.
Orari I ndeshjeve të sotme:
16:30
Kairat Almaty – Olympiakos
18:45
Bayern – Sporting
21:00
Atalanta – Chelsea
Barcelona – Eintracht Frankfurt
Interi – Liverpool
Monaco – Galatasaray
PSV – Atletico Madrid
Royale Union SG -Marseille
Tottenham – Slavia Prag
NBA: SAN ANTONIO E PHOENIX TRIUMFOJNË NË TRANSFERTË
VOLEJBOLLË LIRIA SHËNON FITOREN E TRETË RRADHAZI
CHAMPIONSI RIKTHEHET FUQISHËM, VËMENDJA NË “GIUSEPPE MEAZZA”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi1 month agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi1 month agoUniversiteti i Tetovës shpreh ngushëllime për vdekjen e studentes Daorsa Spahija
-
Lajme nga rajoni2 months agoNë 23 komuna përfundon numërimi i votave për asamble