Lajme nga bota
Tragjike: Babai hero tentoi të shpëtonte vajzën, vdes bashkë më të pas përplasjes nga treni
Një karrocë që mbante binjake dyvjeçare ra në rrugën e një treni që po afrohej në Sideni të dielën, dhe me këtë rast, njëra ndër to vdiq bashkë me babanë “hero” që vrapo për t’i shpëtuar.
Njëra nga vajzat shpëtoi pasi karroca ishte në mes të shinave në stacionin hekurudhor Carlton të Sidenit Jugor, tha policia.
Ajo ishte “kryesisht e paprekur” nga treni që me sa duket kaloi sipër saj gjatë rrugës për në qendër të Sidneit në orët e hershme të pasdites, tha policia.
Policia dhe shërbimet e urgjencës mbërritën brenda pak minutave kur edhe e panë karrocën nën tren, e cila ishte ngadalësuar në afrim, por nuk ishte planifikuar të ndalonte në stacion.
Ndonëse njëri nga fëmijët ishte i padëmtuar, vajza tjetër dhe babai i saj 40-vjeçar vdiqën.
Babai “sapo kishte kaluar në modalitetin prindëror” dhe u përpoq të shpëtonte vajzat e tij, tha Dunstan, nga policia.
“Kjo i kushtoi atij jetën, por është një akt tepër i guximshëm dhe heroik nga babai”.
Lajme nga bota
TikTok u gjobit me 530 milionë euro për dërgim ilegal të të dhënave personale të BE-së në Kinë
TikTok është gjobitur me 530 milionë euro për transferime të paligjshme të të dhënave personale nga Evropa në Kinë, në vërejtjen e fundit ndaj kompanive të mëdha teknologjike nga një autoritet publik evropian, raporton Euractiv.
Komisioni Irlandez i Mbrojtjes së të Dhënave (DPC) zbuloi të premten se TikTok kishte shkelur Rregulloren e Përgjithshme të Mbrojtjes së të Dhënave (GDPR) të BE-së dhe urdhëroi kompaninë të zbatojë ligjin brenda gjashtë muajve.
Transferimet e të dhënave personale nga BE në Kinë janë të ndaluara sipas GDPR-së, pasi Kina konsiderohet se ka një nivel të pamjaftueshëm të mbrojtjes së të dhënave personale. Rregullatorët evropianë janë veçanërisht të shqetësuar nga lidhjet e dyshuara midis qeverisë kineze dhe pronarit të TikTok, kompanisë me seli në Pekin ByteDance.
Vendimi i së premtes shënon përfundimin e një hetimi të nisur në shtator 2021, në të cilin TikTok fillimisht i kishte thënë DPC-së se nuk i ruante të dhënat e përdoruesve në servera të vendosur në Kinë. DPC tha se TikTok i informoi ata në prill të këtij viti se kjo ishte e pasaktë dhe se kompania në fakt kishte gjetur të dhëna të përdoruesve të BE-së në servera me seli në Kinë.
“Ndërsa TikTok e ka informuar DPC-në se të dhënat tani janë fshirë, ne po shqyrtojmë se çfarë veprimesh të mëtejshme rregullatore mund të jenë të nevojshme”, tha në një deklaratë zëvendëskomisioneri i DPC-së, Graham Doyle.
TikTok planifikon të apelojë vendimin dhe deklaroi se nuk ka marrë kurrë një kërkesë nga autoritetet kineze për të aksesuar të dhënat e përdoruesve evropianë, tha një zëdhënës i kompanisë për Euractiv.
Lajme nga bota
Tarifat e Trump “godasin” futbollin/ FIFA kërkon përjashtime fiskale për “Botërorin e Klubeve”
Politikat e reja fiskale të Donald Trump në Shtetet e Bashkuara të Amerikës rrezikojnë të prishin planet e FIFA për “Botërorin e Klubeve”.
Sipas “The Guardian”, qeveria botërore e futbollit po zhvillon tratativa komplekse me autoritetet amerikane, ndërsa deri tani nuk ka arritur të marrë përjashtime fiskale për 32 klubet pjesmarrës.
Në muajin mars, FIFA zyrtarizoi shpërblimet për finalistët që do të kapin shifrën 1 miliard dollarë. Skuadra fituese do të marrë 125-8 milion dollarë, duke e bërë “Botërorin për Klube” turneun më të pasur në historinë e futbollit.
Por pa një marrëveshje, klubet duhet të paguajë 10 milion dollarë taksa tek autoritetet fiskale amerikane, pa llogaritur këtu tarifat e vendosura për secilin vend nga ata vijnë.
Një situatë e vështirë, por gjithsesi FIFA beson se do të gjejë gjuhën e përbashkët me presidentin Donald Trump, ashtu si për “Botërorin 2026”, ku ka arritur të marrë disa lehtësira fiskale për ndeshjet që do të luhen në SHBA në lidhje me disa taksa vendore dhe shtetyërore mbi shitjen e biletave dhe të drejtën televizive.
Por koha nuk punon në favor të qeverisë botërore të futbollit. Jo më kot, vetë presidenti I FIFA, Giani Infantino ka vizituar dy herë brenda pak muajsh Shtetet e Bashkuara,m ku është takuar edhe me presidentin Donald Trump./abcnews.al
Lajme nga bota
GODASIN LEPURIN GJATË NGRITJES NË AJËR, MOTORI I AEROPLANIT ME 153 PASAGJERË PËRFSHIHET NGA ZJARRI – PILOTËT DETYROHEN TË ATERROJNË NË DENVER
Një video amatore shfaq momentet dramatike kur nga motori i një aeroplani të tipit Boeing 737-800 i aviokompanisë United Airlines nxjerr flakë, pasi kishte goditur një kafshë gjatë ngritjes në ajër nga aeroporti ndërkombëtar i Denverit të dielën.
“Po del zjarr nga motori i djathtë i aeroplanit”, i paralajmëroi pilotët kontrolli i trafikut ajror, siç u dëgjua në audion e regjistruar nga faqja e internetit LiveATC.net.
“Ne mendojmë se kemi humbur motorin tonë”, u përgjigj piloti.
Fluturimi 2325 i United Airlines u nis të dielën nga Denveri për në Edmonton, Kanada, me 153 pasagjerë dhe gjashtë anëtarë të ekuipazhit në bord.
Ekuipazhi raportoi se kishte goditur një kafshë gjatë ngritjes, tha FAA në një deklaratë. Ata nuk e specifikuan kafshën, megjithatë lepujt u raportuan në pistë në momentin e incidentit.
68 persona dyshohen për tragjedinë në Koçan, po merren në pyetje dëshmitarët
Gjykata e Apelit ua rriti dënimet disa prej të akuzuarëve në rastin “Llaskarca”
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve