Connect with us

Uncategorized

Universiteti i Tetovës dhe Akademia e Studimeve Albanologjike nga Tirana forcojnë bashkëpunimin ndërinstitucional

Published

on

Rektori i Universitetit të Tetovës, Prof. Dr. Kushtrim Ahmeti i priti sot në takim drejtuesit e Akademisë së Studimeve Albanologjike nga Republika e Shqipërisë, Rektorin Prof. Dr. Luan Përzhita dhe Zëvendësrektorin, Prof. Dr. Valter Memisha. Në këtë takim pune ku ishin të pranishëm edhe Prorektori për Shkencë, Prof. Dr. Agon Memeti, Prorektori për Bashkëpunim Ndërkombëtar, Prof. Dr. Shefik Shehu dhe Dekani i Fakultetit Filologjik, Prof. Dr. Berton Sulejmani, u bisedua për vijimin e bashkëpunimit në lëmin e arsimit dhe hulumtimeve shkencore. Rektori, Prof. Dr. Kushtrim Ahmeti shprehu konsideratën e tij për Akademinë e Studimeve Albanologjike, për kontributin dhe rolin domethënës për zhvillimin e arsimit sipëror dhe kërkimet shkencore, ndërsa drejtuesit e kësaj Akademie i njohu me zhvillimet në Universitetin e Tetovës dhe ecurinë e procesit mësimor-shkencor. Ai, po ashtu veçoi Marrëveshjen e nënshkruar kohë më parë mes Universitetit të Tetovës dhe Akademisë së Studimeve Albanologjike, e cila sipas tij duhet zgjeruar edhe me elemente dhe forma të tjera bashkëpunimi, që janë në funksion të projekteve të përbashkëta shkencore, hapjen e programeve të reja, me theks të veçantë hapjen e programit studimor të Arkeologjisë në Universitetin e Tetovës për studime deridiplomike.
Ndërkaq, Rektori Luan Përzhita e falënderoi udhëheqjen e UT-së për mikpritjen në këtë institucion, që sipas tij është emblemë e arsimit të lartë në gjuhën shqipe për shqiptarët e Republikës së Maqedonisë së Veriut dhe më gjerë. Në cilësinë e drejtuesit të Akademisë së Studimeve Albanologjike shprehu gatishmërinë jo vetëm për të bashkëpunuar në projekte të ndryshme, por edhe për ta ndihmuar Universitetin e Tetovës me pedagogë që do të angazhoheshin në mësimdhënie në programin studimor të Arkeologjisë. Ai deklaroi se institucioni i tyre e ka parësor kërkimin shkencor, por edhe studimet në ciklin e dytë dhe ciklin e tretë, duke mos anashkaluar një mori projektesh të realizuara me institucione, universitete të njohura dhe programe të përbashkëta ndërkombëtare.
Rektori Përzhita ndër të tjera deklaroi se, në kuadrin e shkëmbimit të stafit universitar çdo pedagog i juaj mund ta konsiderojë institucionin tonë si shtëpinë e vet, bibliotekat, zyrat, ambientet për hulumtime, nisma dhe projekte me rëndësi.
Zëvendësrektori, Prof. Dr. Valter Memisha dhe dekani i Fakultetit Filologjik, Prof. Dr. Berton Sulejmani referuan për punën që bëhet në botimin e Fjalorit të Madh të gjuhës shqipe, publikimin e botimit “Variacioni sintaksor në të folmet e shqipes: tipare dhe treva”- Përgatitje për Atlasin e Sintaksës Dialektore të Shqipes dhe bashkëpunimin e suksesshëm ndër vite në sesionet e Seminarit Ndërkombëtar të Albanologjisë që organizohet nga Universiteti i Tetovës.
Vizita e sotme e drejtuesve të Akademisë së Studimeve Albanologjike në UT e rikonfirmoi angazhimin e përfaqësuesve të këtyre institucioneve për ta vijuar edhe në të ardhmen bashkëpunimin në fushat akademike me interes të përbashkët, shkëmbimin e stafit akademik, të hulumtuesve dhe studentëve në kuadër të veprimtarive kërkimore-shkencore; si dhe shkëmbimin e literaturës shkencore; hulumtimin e arkivave dhe bibliotekave./aktuale.mk/

Advertisement

Uncategorized

Shoqata e mjekëve të familjes nga shërbimi shëndetësor privat nuk do të punojnë të hënën nga ora 12:00 – 16:00 në shenjë revolte, pasi mbrëm kolegu i tyre u gjet i vdekur me plagë me thikë

Published

on

Mjekët e familjes nga shërbimi shëndetësor privat nuk do të punojnë të hënën nga ora 12:00 deri në 16:00 në shenjë revolte, pasi dje kolegu i tyre u gjet i vdekur me plagë me thikë në parkingun përballë poliklinikës Zhelezara, presidenti i Asociacioni i mjekëve privatë të familjes, Lilija Çolakova Dervishova, tha për MIA-n.

Jemi të tmerruar nga ky akt i urryer. Bëhet fjalë për kolegun dhe profesionistin tonë që gjithë jetën ia ka kushtuar punës. Çfarë do të thotë kjo, se duhet të kemi frikë nëse dikush që nuk është i kënaqur me punën tonë për ndonjë arsye dhe pas orarit të punës mund të hyjë në jetën tonë. Ne do të shprehim revoltën tonë dhe nuk do të punojmë të hënën nga ora 12:00 deri në ora 16:00, thotë Çolakova – Dervishova.

Ai theksoi se është e nevojshme të miratohet Ligji për Veprimtarinë Doktorale që do të përcaktojë saktë kushtet, të drejtat dhe detyrat e mjekëve.

I bëj thirrje Ministrisë së Shëndetësisë që sa më shpejt të kalojë Ligjin për Veprimtarinë Doktorale, i cili do të mbrojë punën e mjekëve. Jemi vërtet të indinjuar dhe të tmerruar nga një akt i tillë, tha Çolakova-Dervishova.

Ministria e Shëndetësisë njoftoi për MPB-në se mjeku nuk ishte i punësuar në poliklinikën Zhelezara, por në një ordinancë private të lëshuar me koncesion.

Advertisement

MPB bëri të ditur se mjeku 67-vjeçar me plagë me thikë është gjetur në parkingun përballë poliklinikës Zhelezara. Sipas njoftimit, ai është gjetur nga djemtë e tij, të cilët kanë nisur ta kërkojnë pasi ai nuk është kthyer nga puna në shtëpi.

Me datë 21.03.2024 në ora 23:09, në RSH Shkup është raportuar se A.T.(67) nga Shkupi në automjetin e tij “Kia” me targa të Shkupit, në parkingun në nr. përballë ish-klinikës Zhelezara. Sipas njoftimit, ai është gjetur nga djemtë e tij, të cilët kanë nisur ta kërkojnë pasi ai nuk është kthyer nga puna në shtëpi. Mjeku i Emergjencave Mjekësore ka konstatuar vdekjen, ndërsa me urdhër të prokurorit publik trupi i pajetë i të ndjerit është dërguar për obduksion. Po ndërmerren masa për zbardhjen e rastit, thuhet në njoftimin e MPB-së.

Continue Reading

Uncategorized

Ndërron jetë anesteziologu i njohur nga Tetova Tefik Alili

Published

on

Në moshën 70 vjeçare ka ndëruar jetë anesteziologu i mirënjohur nga Tetova, Tefik Alili.

Alili për njw jetw  të tërw ka shërbyer fizikisht e moralisht në spitalin e Tetovës sepse përveç gjithash ai ka qenë dera ku ka trokitur çdo anesteziolog i ri. Edhe pse në penzion Alili thuajse çdo ditë ishte në spitalin e Tetovës për të dhënë ndihmë e për të kontribuar.

Tefik Alili shkoj por Spitali i Tetovës do të vijoj ta ketë aty sepse Roland Alili, djali i tij me krenari ecën rrugës së babait të vet.

Televizioni Koha i shpreh  ngushëllime të sinqerta  familjes Alili.

Continue Reading

Uncategorized

Demiri: Fëmijët e pa vaksinuar nuk mund të shkojnë në çerdhe

Published

on

Ministri Demiri, ka urdhëruar Inspektoratin Shtetëror Sanitar dhe Shëndetësor (ISHSSH) të veprojë në përputhje me kompetencat ligjore të parapara me Ligjin për mbrojtjen e popullsisë nga sëmundjet infektive, si dhe të kryejë inspektime të jashtëzakonshme, gjegjësisht inspektim të vërtetimeve të vaksinimit të siguruara nga pikat e vaksinimit për marrjen e vaksinës kundër kollës së madhe.

Ministri Demiri i ftuar në emisionin “10 minuta” apeloi prindërit se mënyra më e mirë për të parandaluar kollën e mirë është vaksinimi, ndaj shtoi se duhet të vaksinojnë fëmijët e tyre.

“I lus gjithë qytetaret që fëmijët e vet t’i vaksinojnë dhe të sensibilizohen. Në kontekst të rekomandimit të KSI, sot e mora raportin dhe në mënyrë eksplicite kërkova prej sektorëve relevante të MSH-së, që të fillojnë me inspektimin dhe të respektohen rekomandimet e KSI që konsistojnë, të mos i lënë fëmijët e pavaksinuar të vizitojnë shkollat dhe programet parashkollore”.

“Fëmijët që nuk janë të vaksinuar ose janë pjesërisht të vaksinuar duhet të ruhen në kushte shtëpiake”, tha Demiri.

Continue Reading

Më të lexuarat