Connect with us

Uncategorized

KSHZ: Akreditohen 942 vëzhgues, gazetarë dhe përkthyes të huaj për zgjedhjet presidenciale

Published

on

Gjithsej 942 vëzhgues, gazetarë dhe përkthyes të huaj janë të akredituar për të monitoruar zgjedhjet presidenciale të 24 prillit.

Siç njoftohet në ueb faqen e KSHZ-së, deri më 19 prill janë akredituar 342 vëzhgues dhe përkthyes vendas dhe 568 të huaj, nga të cilët më të shumtët janë nga OSBE/ODIHR.

Zgjedhjet e parakohshme parlamentare në Maqedoninë e Veriut do të monitorohen nga mbi 2000 vëzhgues vendas dhe të huaj.

Zgjedhjet për kreun e shtetit do të ndiqen nga 32 gazetarë të huaj, mes të cilëve ata të agjencive Reuters dhe France Press, si dhe media të shumta nga vendet fqinje.

Zgjedhjet e shtatë presidenciale në vend do të mbahen më 24 prill, ndërsa raundi i dytë i mundshëm së bashku me zgjedhjet parlamentare më 8 maj.

Advertisement

Uncategorized

Elfete Ismaili: Lotët e Dellçevistit Xhaferi, shfaqje hipokrite e një politikani të dështuar

Published

on

Elfete Ismaili: Lotët e Dellçevistit Xhaferi, shfaqje hipokrite e një politikani të dështuar

Pas konferencës së shtypit që Talat Xhaferi nga BDI mbajti rreth përfaqësimit të shqiptarëve në ushtri, ku sipas tij ky përfaqësim është në nivelin më të ulët historik dhe se është shpërfillur parimi i përfaqësimit të drejtë dhe adekuat ,duke u përjashtuar shqipëtarët nga pozitat drejtuese, ka reaguar zëvendesministrja Elfete Ismaili.

Ja se çfar thuhet në reagimin e zv. Ministres Ismaili:

Shumë prej nesh e kemi dëgjuar shprehjen “lotët e krokodilit”, por kur këto lot rrjedhin nga Talat Xhaferi dhe klika e tij, nuk kemi mënyrë t’i konsiderojmë ndryshe, përveç si një sjellje hipokrite dhe një pikëllim të pasinqertë.

Kjo nuk është hera e parë që këta “dalëzotës të Dellçevizmit” shprehin dhembshuri dhe ndjeshmëri për fatin e shqiptarëve. Ata gjithmonë kanë ditur të përdorin emocione të shfrenuara për të fituar mbështetje, por kur kanë pasur mundësinë të veprojnë, janë treguar të paaftë dhe të papërgjegjshëm për të adresuar kërkesat dhe shqetësimet tona.

Advertisement

Tani, kur janë në opozitë, ata bëhen zëdhënës të “shqetësimeve” tona, por fatkeqësisht, kur ishin në pushtet, nuk ndërmorën vepra konkrete për të përmirësuar gjendjen dhe pozicionin e shqiptarëve, përfshirë këtu edhe problemet që ndërlidhen me përdorimin e gjuhës shqipe në institucione shtetërore, si Ministria e Mbrojtjes, e cila, përkundër faktit që ka pasur shqiptarë në pozita të ministrave, nuk arriti të sigurojë zbatimin e të drejtave gjuhësore.

Mos ta harrojmë: shqiptarët nuk harrojnë lehtë. Ata nuk harrojnë trajtimin e poshtërues që u është bërë nga këta politikanë të deridjeshëm. Ata nuk harrojnë se si këta nuk arritën të ndryshonin gjendjen e atyre pak të punësuarëve, të cilat i lanë të paavansuar, duke ndenjur në shtëpi dhe të etiketuar si “pomlad sorabotnika”. Për më tepër, është e qartë se këta politikanë nuk kanë treguar asnjëherë vullnetin e duhur për të avancuar interesat e shqiptarëve në vend, duke i lënë ata të përballen me padrejtësi dhe diskriminim.

Prandaj, mos i merrni seriozisht “lotët” e tyre. Sot ka njerëz që po veprojnë për shqiptarët, jo vetëm me fjalë, por me vepra konkrete. Ata janë ata që nuk kanë nevojë për spektakël dhe shfaqje, por që po angazhohen me seriozitet për ndryshime të vërteta.

Është e vërtetë se kemi ende sfida dhe pengesa për të kaluar, por unë si zëvendësministre dhe pjesë e koalicionit VLEN, ne jemi të vendosur dhe stoikë deri në arritjen e qëllimit tonë – dhe ai është meritokracia dhe drejtësia, e jo korrupsioni dhe hajnia që e ka dëmtuar këtë vend për kaq shumë vite.

Të keni parasysh, peri i ngatërruar nuk zgjidhet me ngut, kërkon kohë dhe punë të palodhur. Por ne jemi duke punuar me angazhim dhe përkushtim në këtë drejtim, për një të ardhme më të ndritshme dhe më të drejtë për të gjithë qytetarët.

Advertisement

Ministria e Mbrojtjes është një institucion serioz që siguron sigurinë e të gjithë njerëzve në Maqedoninë e Veriut dhe kontribuon në sigurinë e përgjithshme të qytetarëve në kuadër të NATO-s. Për këtë punë, na duhen njerëz seriozë, me eksperiencë, me vullnet dhe angazhim të plotë për të arritur objektivat tona.

Continue Reading

Uncategorized

Urim HASIPI: Të unifikohemi për njeriun që do ta kthejë Bërvenicën

Published

on

Në komunën e Bërvenicës sipas statistikave zyrtare jetojnë 7377 shqiptarë kurse 5715 janë maqedonas.Pra,dallimi është i madh mes këtyre dy komuniteteve respektivisht 1662 janë më shumë shqiptarë.Por, prej zgjedhjeve lokale të vitit 2021, komuna e Bërvenicës udhëhiqet nga maqedonasit,pasi që dallimi mes kandidatit maqedonas dhe atij shqiptarë ishte vetëm 33 vota në raundin e dytë. Kjo, falë inateve të shqiptarëve. Kjo papjekuri dhe ky mos koordinim mes shqiptarëve është i pafalshëm.Por, kur kanë mbetur edhe tetë muaj nga zgjedhjet lokale gabimi i para viteve nuk guxon të ndodhë.

Prandaj, kërkohet që partitë shqiptare të unifikohen dhe të dalin me një kandidat të vetëm për kryetar komune në Bërvenicë. Nuk ka vend për kalkulime politike as përplasje.Politika ditore duhet të mbajë larg duart nga Bërvenica. Por, për të arritur një konsenus partiak duhen njerëz të duhur, në vendin dhe në momentin e duhur.

I tillë është Haqim Ramadani, i cili ndër vite është zëri i shqiptarëve të kësaj komune dhe jo vetëm aq, por edhe më shumë.Është njeriu që nuk do të kundërshtohej nga asnjë parti sepse gëzon kredibilitet moral dhe kombëtar të udhëheq me këtë komunë.Haqim Ramadani është një nga figurat kryesore që ka mbajtur gjallë frymën shqiptare por edhe ka ngritur zërin kur janë bërë padrejtësi, shkelje dhe kanë tentuar që të nëpërkëmbin shqiptarët e kësaj zone.Nuk ka heshtur as atëherë kur janë arritur suksese por gjithmonë meritat i ka ndarë me të tjerët.Në zgjedhjet lokale të këtij viti, Haqim Ramadani është kandidati i vetëm me përvojën institucionale,arsimimin adekuat, vizionin dhe aftësinë për ta udhëhequr këtë komunë siç e meriton shumica shqiptare. Por, ajo që është përparësia e tij është se edhe pjesa tjetër gjegjësisht popullata pakicë maqedonase nuk do të duhej të ketë frikë nga ardhja e tij në krye të komunës sepse ai ka dëshmuar bashkëpunim në të kaluarën me të gjithë pa pëtjashtim.

Prandaj, ai nuk duhet të shihet si kërcënim për maqedonasit por si njeri që do të hap perspektiva për të gjithë pa dallim. Ai me mbi 16 vite përvojë në administratën komunale, duke shërbyer si Sekretar i Komunës, Udhëheqës i Seksionit dhe aktualisht drejtor i Inspektoratit Shtetëror për Vetëqeverisje Lokale, e njeh çdo aspekt të qeverisjes lokale dhe di si të sjellë ndryshime të prekshme ose thënë më qartë, i din hallet e banorëve më mirë se çdo kush tjetër.

Haqim Ramadani nuk është kandidat për eksperiment apo kalkulime matematikore për raundin e dytë kur bëhen pazare në kurriz të shqiptarëve por ai është alternativa e vetme reale për zhvillimin dhe rikthimin e komunës në duart e popullit shumicë në këtë rast të shqiptarëve. Ai njihet në mesin e popullatës lokale si i afërm me të gjitha subjektet politike. Kjo përparësi e tij duhet të reflektojë tek strukturat lokale të partive tjera të cilët duhet ta mbështesin edhe në rast se partitë nuk kanë marrëveshje.

Advertisement

Duke shfletuar biografinë dhe prejardhjen familjare të tij mund të konstatohet se Haqimi vjen nga një familje e fisme dhe bujare e cila nuk ka referenca negative në mesin e popullatës dhe kjo tregon se ai mbetet një figurë që unifikon dhe nuk përçanë prandaj ka më shumë arsye për ta përkrahur se sa për ta kundërshtuar.

Madje, shkojmë më tej, Haqim Ramadani me gjithë bagazhin e tij si kuadër në ngritje gjatë karrierës së tij është dëshmuar se nuk është përfshirë në afera korruptive dhe kjo është përparësia e tij. Nëse vërtet kanë interes për rikthimin e komunës, partitë shqiptare duhet të lënë anash interesat partiake,inatet, përplasjet ditore dhe të bashkohen rreth një kandidati të vetëm, të dëshmuar dhe me përvojë, e ai është Haqim Ramadani.

Përçarja vetëm sa do të ndihmojë mbajtjen e pushtetit nga qeverisja aktuale, ndërsa uniteti në kë rast garanton fitoren dhe drejtësinë për shumicën.

Ndërkohë për të arritur këtë sukses, vota e diasporës është çelësi për të ardhmen e kësaj komune.Duhet mobilizim kombëtar për të dalë faqebardhë si popull.

Prandaj,bashkëatdhetarët tanë që jetojnë jashtë vendit kanë një rol vendimtar në rikthimin e drejtësisë, dinjitetit dhe barazisë në Bërvenicë.Një votë nga diaspora është një hap më afër kthimit të komunës në duart e shumicës shqiptare prandaj ky moment është për tu treguar se e duam vendin tonë me vepra konkrete.

Advertisement

Nësë edhe kësaj rradhe nuk ka unitet,nuk ka koordinim, nuk ka bashkëveprim atëherë Bërvenica do të jetë mëkati i rradhës i pafalshëm për partitë politike të cilët thirren në interesat shqiptare por për kalkulime politike kanë devijuar nga rruga kombëtare.

Viti 2021 në këtë komunë do të duhet të mbahet mend për keq për ne shqiptarët kurse tetori i 2025 do të duhet të mbahet mend për vetëdijësimin kombëtar duke e bërë Bërvenicën me kryetar shqiptar dhe duke u krenuar të gjithë!

(Ky shkrim është autorial dhe nuk paraqet qëndrimet e redaksive ku unë punoj)

 

Advertisement
Continue Reading

Lajme nga vendi

Kompania “Saubermacher” Tetovë: Paguani, ose do t’i aktivizojmë përmbaruesit!

Published

on

Kompania “Saubermacher” në Tetovë ka bërë të ditur se janë iniciuar procedurat për arkëtimin e detyrueshëm të borxheve të papaguara apo  faturat e shërbimeve komunale për periudhën shkurt-gusht 2024. Sipas kësaj kompanie, qytetarët janë paralajmëruar për veprime të tilla dhe ata që nuk i janë përgjigjur thirrjes do të përballen me kosto shtesë sipas procedurave të mbledhjes së detyruar.

“Për të shmangur shpenzimet shtesë dhe shqetësimet në procedurat e arkëtimit së detyruar dhe përmbarimit, apelojmë tek të gjithë përdoruesit që kanë borxh të papaguar për faturat e lëshuara gjatë vitit 2024 që ta paguajnë sa më shpejtë. Duke paguar rregullisht, ne mund të sigurojmë kushte më të mira jetese në qytetin tonë dhe të shmangim situatat e pakëndshme dhe të panevojshme që mund të lindin gjatë procedurave përmbarimore. Bashkëpunimi juaj është i një rëndësie të madhe dhe me përgjigjen tuaj në kohë, ne do të kontribuojmë në funksionimin më të mirë të komunitetit tonë”, thonë nga kompania “Saubermacher”.

Ndërkohë, kjo kompani ka apeluar qytetarët ndërsa kërkohet që të njëtit të mos i hedhin mbeturinat pranë kontejnerëve. Kjo, pasi që në këtë periudhë, sfidat për grumbullimin e mbeturinave janë të shumta, ku reshjet e borës shkaktojnë vështirësi  gjatë grumbullimit të mbeturinave për punëtorët e kësaj kompanie. Nga kjo kompani më tej sqarojnë se hedhja e mbeturinave  jashtë kontejnerëve shkakton edhe  pengesa në lëvizjen e njerëzve dhe mjeteve, sidomos kur ka mbulesë bore,  probleme me pastërtinë e hapësirave publike si dhe rritjen e rrezikut të përhapjes së sëmundjeve.

“Periudha e dimrit ka sfida të veçanta për punëtorët dhe automjetet tona për shkak të borës dhe ngricave në rrugë. Ju lusim të mos i lini mbeturinat jashtë kontejnerëve. Duhet të keni konsideratë kushtet atmosferike, kur mbetjet shpërndahen rreth kontejnerëve, përveç që vështirëson punën e punëtorëve tanë dhe ndikon në efikasitetin në terren, sigurisht që ka një ndikim negativ edhe në mjedisin jetësor. Me bashkëpunimin tuaj, ne mund ta mbajmë mjedisin tonë të pastër dhe të sigurt për të gjithë. Ju lutemi hidhni mbeturinat ekskluzivisht në kontejnerë”,apelojnë nga kompania “Saubermacher”.

Nga kjo kompani, u bëjnë thirrje qytetarëve të cilët ende përballen me të dhëna joadekuate në faturat e lëshuara ose në rast se duan të bëjnë pagesë të kontaktojnë “Saubermacher” në Tetovë, në zyrën e re në rrugën “Dervish Cara” në Tetovë, pastaj në Pallçisht të poshtëm, në sportelin e përkohshëm në objektin e komunës së Tetovës, si dhe një pikë pagesore në objektin e Ndërmarrjes Komunale “Tetova” afër tregut të gjelbër.TV KOHA

Advertisement
Continue Reading

Më të lexuarat