Connect with us

Lajme nga vendi

Daravellski kaloi natën në burg, sipas dënimit aty duhet të qëndroj 7 vjet

Published

on

Ish drejtori i Doganës, Dragan Daravellski i arrestuar ditë më parë nga policia kufitare në “Tabanoc” do të vuaj dënimin me burg prej 7 viteve. Lënda e tij do të vjetërsohet në mars të vitit 2028.

“Në bazë të njoftimit nga Gjykata Themelore në Kumanovë vjetërsimi absolut i dënimit të ekzekutuar hyn në fuqi më 26.03.2028. Vjetërsimin e konstaton gjykata”, thonë nga Ministria e Drejtësisë.

Avokati i tij mbrojtës ka bërë kërkesë për rigjykim. Në arsyet e potencuara theksohet dënimi i tij në mungesë.

“Avokati i tij mbrojtës ka dorëzuar kërkesë për rigjykim për faktin se ai është dënuar në mungesë. Është formuar lëndë e cila i është ndarë këshillit penal për procedim të mëtejmë. Këshilli si fillim do t’i kërkon të dhënat nga institucioni ku ai po vuan dënimin, ndërsa më pas lënda do të dërgohet për mendim në Prokurorinë Themelore Publike. Pas kompletimit të dokumentacionit, këshilli penal do të sjell vendim”, njoftojnë nga Gjykata Penale Shkup.

Daravellski u arrestua mbi bazën e flet arrestit ndërkombëtare për masë efektive me burg i dënuar në mungesë në vitin 2007 duke u shpallur fajtor për “shpërdorim me detyrën zyrtare”, përkatësisht keqpërdorimin e 2.5 milion eurove. Gjykata kishte urdhëruar edhe konfiskimin e pasurisë deri në vlerë të dëmit buxhetor. Në vitin 2010 kishte nisur procedura e detektimit dhe konfiskimit të pasurisë së tij. Ndër pasuritë e para që u evidentuan nga autoritetet për menaxhimin e pronave të konfiskuara ishin një banesë luksoze në Shkup dhe një dyqan në Kumanovë. Autoritetet kishin hetuar dhe zbuluar edhe disa prona në emër të personave të tjerë, por që ndërlidheshin drejtpërdrejtë me Daravellskin duke bërë që në Vodno të Shkupit, t’i konfiskohet edhe një vilë vlera të cilës arrinte 1.4 milion euro.

Advertisement

Meqenëse sasia e konfiskimeve nuk mbulonte vlerën e dëmit në buxhet, Qeveria kishte vendosur t’i konfiskonte edhe aksionet në vlerë prej 2 milion euro në kompaninë e tij “Skotiha”. Më pas i ishin konfiskuar aksione me vlerës rreth 700 mijë euro nga kompania “Jugooprema”, ish fabrika e tullave në Kumanovë “KIK” dhe tri kompani të tjera “Kozjak”, “Tërgotekstil” dhe ZIK “Skaçkovce” në Kumanovë. Vlera e madhe e aksioneve ishte konfiskuar nga dy banka ku Daravellski posedonte aksione, IK Banka ku gëzonte 2.5 për qind të aksioneve dhe STATER Banka nga Kumanova.

Në vitin 2004 kishte kërkesë për ekstradimin e tij, por ai kishte arritur të arratiset nga burgu hetues ku ndodhej në Serbi. Një kërkesë ekstradimi u bë edhe në vitin 2013 të cilën autoritetet serbe filluan ta ekzekutojnë në vitin 2016, por pak minuta para dorëzimit të Daravellskit, policia serbe kishte mësuar se ai posedon shtetësi serbe dhe nuk u transferua në Shkup.

Më 10 janar të këtij viti ai derisa po udhëtonte nga Serbia për në Maqedoni me një makinë me targa të Kumanovës dhe bashkërisht me familjarët e tij, u detektuar nga policia kufitare si njeri me flet arrest aktiv dhe që duhet t’i nënshtrohet dënimit me burg. Daravellski ndodhet në burgun e “Idrizovës”. \Alsat

Advertisement

Lajme nga vendi

Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore

Published

on

Njëmbëdhjetë persona në kontakt me një të punësuare të shtruar në Klinikën infektive janë nën mbikëqyrje 14-të ditore, pasi ajo është diagnostikuar me ethe hemorragjike krimea kongo, informoi sot Renata Mlladenovska, drejtore e Inspektoratit Shtetëror Sanitar dhe Shëndetësor (ISHSSH).

“Pas marrjes së informacionit nga Instituti për Shëndet Publik, të njëjtën ditë, pra më 5 gusht, ekip i epidemiologëve nga Qendra për Shëndet Publik – Shkup, ka kryer kontroll epidemiologjik, janë bërë anketa dhe kontakte. Informacioni është ndarë dhe me ISHSSH-në dhe si institucion lëshuam edhe 11 zgjidhje, ato janë kontakte të tashmë pacientes së shtruar e cila është edhe e punësuar në Klinikën infektive. Ato 11 kontakte do të jenë nën mbikëqyrje shëndetësore 14-ditore”, tha Mlladenovska.

Ajo sqaroi se çfarë nënkupton mbikëqyrja shëndetësore.

“Pacientja, përkatësisht kontaktet do të duhet të paraqiten dhe të jenë në kontakt të vazhdueshëm me epidemiologun kujdestar nga Qendra për Shëndet Publik – Shkup, nuk është izolim klasik, megjithatë nuk duhet të kenë kontakt me të tjerët – nëse është familja e ngushtë, thjesht të durojnë këto 14 ditë që të mos përhapet ky infeksion dhe shpresoj që ky të jetë rasti i fundit. Sa u përket 29 kontakteve të mëparshme, nga ato 29 kontakte, një është konfirmuar si rast, kemi mbikëqyrje shëndetësore, vendime të marra për 40 persona”, ka thënë Mlladenovska.

E pyetur nëse këta 11 kontakte janë të gjithë nga Klinika infektive apo familja, ajo sqaroi se nga këta 11, dhjetë persona janë nga familja e ngushtë e pacientes dhe një kontakt është e një kolege të saj poashtu nga Klinika infektive.

Advertisement

Më herët, kryetari i Komisionit për Sëmundje Infektive, Zllate Mehmedoviq, tha për MIA-n se Komisioni absolutisht qëndron prapa asaj që është bërë nga Instituti i Shëndetit Publik, masat e ndërmarra dhe rekomandimet që jepen.

Nga ajo që kanë parë, shtoi ai, rasti i parë është rast i infektimit të drejtpërdrejtë, ndërsa i dyti me gjasë është gjatë transmetimit përmes gjakut të kontaminuar.

Në rastin e parë të infeksionit të drejtpërdrejtë ndërroi jetë një paciente 27-vjeçare, pas infektimit nga pickimi i rriqrës.

Continue Reading

Lajme nga vendi

Dogana e Maqedonisë ka konfiskuar fletobligacione në vlerë 92 milionë dollarë nga një shtetas i Turqisë

Published

on

Drejtori i Doganave, Stefan Bogoev në një konferencë të jashtëzakonshme për shtyp njoftoi se Doganat e Maqedonisë së Veriut kanë konfiskuar fletobligacione në vlerë të 92 milionë dollarëve, shkruan TV21. Bogoev tha se janë konfiskuar 184 fletobligacione me vlerë të veçantë nominale prej 500 mijë dollarëve.

“Obligacionet janë gjetur tek një udhëtar, shtetas i Turqisë, i cili ka ardhur me fluturim të rregullt nga Stambolli dhe është përcaktuar për të kaluar në të ashtuquajturin “kanal i gjelbër”, respektivisht se nuk ka mall për të deklaruar, ndërsa gjatë kontrollit me skaner dhe kontrollit shtesë të detajuar, tek i njëjti janë gjetur në 4 dosje brenda një çante të zezë”, tha mes tjerash Bogoev duke shtuar se personi në fjalë është dënuar nga gjykata e vendit, ndërsa fletobligacionet i janë dorëzuar Agjencisë për Menaxhim me Pronë të Konfiskuar.

Continue Reading

Lajme nga vendi

100 ushtarë nesër nisen për në Slloveni, janë kërkuar mjete materiale dhe teknike

Published

on

Nesër në mëngjes ushtarët maqedonas duhet të nisen për në Slloveni, ku do të ndihmojnë në përballimin e përmbytjeve katastrofike. Këtë e theksoi sot ministrja e Mbrojtjes, Slavjanka Petrovska, duke theksuar se nuk ka pasur vonesa në ndihmën e ofruar.

Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.

Ministri sqaroi se ushtarët tanë tashmë janë gati. Në kërkesë thuhet se kërkohen 200 ushtarë.

Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.

Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.

Advertisement
Continue Reading

Më të lexuarat