Connect with us

Lajme nga rajoni

Kurti: Një ditë pas votimit në favor të Kosovës në KiE, Serbia hakmerret duke i mbajtur peng në pikat kufitare autobusët me udhëtarë nga Kosova

Published

on

Kryeministri Albin Kurti e ka quajtur hakmarrje të Serbisë ndaj votimit në favor të anëtarësimit të Kosovës në KiE, ndalimin e mbi 300 qytetarëve nga Kosova në kufi të mërkurën.

Autoritetet serbe kanë ndaluar sot autobusë me udhëtarë nga Kosova, në kufijtë me Kroacinë dhe Hungarinë.

Kryeministri tha se qytetarët e ndaluar janë të privuar nga mjekimi dhe ushqimi.

“Një ditë pasi Asambleja Parlamentare e KiE votoi në favor të anëtarësimit të Kosovës në Këshillin e Evropës, Serbia hakmerret kundër civilëve kosovarë. Që nga mëngjesi i sotëm, mbi 300 qytetarë tanë — përfshirë fëmijë — janë mbajtur arbitrarisht në kufi, janë privuar nga ushqimi dhe mjekimi. Një shkelje e rëndë e të drejtave të njeriut!”, tha Kurti.

 

Advertisement
Më herët gjatë ditës, Ministria e Punëve të Jashtme dhe Diasporës dhe Ministria e Punëve të Brendshme e Kosovës u kërkuan qytetarëve që të mos kalojnë përmes Serbisë “pas situatës së krijuar në pikat kufitare në Serbi dhe ndaljes arbitrare të qytetarëve të Kosovës në vendkalime kufitare”.

 

“Të gjithë udhëtarët luten që të ndjekin me vëmendje situatën e tensionuar të sigurisë dhe të mos udhëtojnë përmes Serbisë”, u tha në njoftimin e përbashkët të MPJD-së dhe MPB-së.

​Ndërkaq, MPJD-ja përmes një njoftimi të ndarë për media, tha se pak orë pasi në Asamblenë Parlamentare të Këshillit të Evropës më 16 prill u mbështet anëtarësimi i Kosovës, institucionet janë njoftuar se në pikën kufitare të Serbisë me Kroacinë në Batrovci, autobusët e Kosovës, që po kalonin transit, janë ndaluar nga autoritetet kufitare serbe. Po ashtu, e njëjta situatë është edhe në pikëkalimin në Shid.

 

Lajme nga rajoni

ARRESTOHET I DASHURI I POLICES QË U VETËVRA NË TIRANË: DYSHOHET SE FSHIU MESAZHET…

Published

on

Është vënë në pranga i dashuri i polices Aldorjana Loshi, e cila u vetëvra të Premten me armën e shërbimit.

Siç bën me dije Policia, ai akuzohet për “pengim të zbulimit të së vërtetës”. Kujtojmë se 21 vjeçarja u gjet e pajetë të Premten në banesën e saj në kryeqytet. Mësohet se ka qenë 28 vjeçari Endri Nika ai i cili ka njoftuar policinë për ngjarjen, kjo pasi fshiu mesazhet me policen.

“Në vijim të informacionit paraprak të dhënë ditën e djeshme, ku në rrugën “Todi Shkurti”, është vetëvrarë me armën e shërbimit shtetasja A. L., 21 vjeçe, punonjëse policie pranë Komisariatit të Policisë Nr. 5, specialistët për Hetimin e Krimeve të Komisariatit të Policisë Nr. 1, arrestuan shtetasin E. N., 28 vjeç, banues në Kamëz, për veprën penale “Veprime që pengojnë zbulimin e së vërtetës”. Ky shtetas dyshohet se ditën e djeshme ka shkuar në banesën e shtetases A. L., dhe pasi ka njoftuar Policinë për ngjarjen e ndodhur, ka fshirë mesazhet me shtetasen A. L., në telefonin e saj”, thotë Policia për rastin.

Arrestimi i tij është kryer gjatë natës. Ndërkohë, sipas gazetarit të Klan News Besart Bajraktaraj ditën e djeshme, ai i ka telefonuar me dhjetëra herë 21 vjeçares, por ajo nuk i është përgjigjur.

Continue Reading

Lajme nga rajoni

“Kosova është demokraci funksionale”, Doris Pack: Ndihem thellësisht e turpëruar nga qeveria e vendit tim, Gjermanisë

Published

on

Ish-deputetja e Bundestagut gjerman dhe Parlamentit Evropian, Doris Pack ka reaguar rreth veprimeve arbitrare në Këshillin e Evropës, ku pavarësisht plotësimit të kritereve, pavarësisht udhëzimeve të ardhura nga raporti i miratuar në Asamblenë Parlamentare të Këshillit të Evropës, Komiteti i Ministrave nuk e ka futur në agjendën e punimeve pranimin e Kosovës, duke e pezulluar padrejtësisht dhe pa argument formal.

Ajo është shprehur se ndihet e turpëruar nga qeveria e vendit të saj, Gjermanisë, që i hoqi Kosovës mundësinë për t’u bërë pjesë e vendeve anëtare në Këshillin e Evropës.

Po ashtu, ajo tha se e njeh shumë mirë Kosovë, për të cilën garanton që është demokraci funksionale.

“Ndihem thellësisht e turpëruar që qeveria e vendit tim i tha jo anëtarësimit të Kosovës në Këshillin e Evropës. Unë e njoh Kosovën dhe mund të afirmoj se ajo është një demokraci funksionale!!!”.

Këtë pohim ajo e bëri teksa vuri në dukje një koment të mëparshëm të bërë në platformën “X” nga gazetari për çështje evropiane dhe të NATO-s, Stephan Israel, i cili mospranimin e Kosovës nga Gjermania dhe Franca e vlerësoi si një rrugë drejt destabilizimit të mëtejshëm të rajonit.“Si mund të destabilizohet më tej një rajon – Po na e tregojnë Gjermania dhe Franca duke i thënë jo anëtarësimit të Kosovës në Këshillin e Evropës”, tha ai.

Advertisement
Continue Reading

Lajme nga rajoni

Aksident i rëndë në autostradë në Turqi/ 8 të vdekur e 11 të plagosur

Published

on

Një aksident trafiku i rëndë ka ndodhur pranë lagjes Islahiye të Gaziantep të Turqisë, me tetë të vdekur dhe të plagosur të shumtë.

Aksidenti ishte si rezultat i një përplasjeje kokë më kokë midis një kamioni-betoniere dhe një minibusi pasagjerësh në autostradën Islahiye-Hatay pranë lokalitetit Agabey.

Identiteti i viktimave, si dhe informacioni i targës dhe drejtuesit të minibusit nuk janë konfirmuar ende. Shërbimet e urgjencës, përfshirë zyrtarë shëndetësorë, xhandarmëri dhe zjarrfikëse, kanë shkuar menjëherë në vendngjarje. Të plagosurit janë transportuar në spitalet e afërta me autoambulanca të shumta, ndërsa të ndjerit janë dërguar në morg.

Guvernatori i Gaziantepit, Kemal Çeber, konfirmoi numrin fillestar të viktimave, duke thënë: “Sipas informacioneve që kemi marrë në këtë moment, tetë qytetarë tanë humbën jetën në aksident dhe njëmbëdhjetë u plagosën”.

Shkaku i aksidentit aktualisht po hetohet. Duke qenë se kjo është një ngjarje në zhvillim, detaje të mëtejshme do të jepen sapo të bëhen të disponueshme.

Advertisement
Continue Reading

Më të lexuarat