Connect with us

Lajme nga vendi

Maqedonia nuk do të ketë më frikë nga vetoja bullgare nëse pranohet propozimi i shtatë vendeve të BE-së për vendimmarrje me shumicë në vend të konsensusit

Published

on

Nëse propozimi i shtatë vendeve anëtare të BE-së, të cilat kërkojnë që çështjet e politikës së jashtme dhe sigurisë në BE të votohen me shumicë të cilësuar në vend të unanimitet, Maqedonia e Veriut nuk do të ketë më frikë nga vetoja e Bullgarisë. Zgjerimi i BE-së është pjesë e politikës evropiane për politikë të jashtme dhe siguri, ka konfirmuar sot një burim evropian për Sdk.mk.

Megjithatë, shumica e cilësuar ka rregullat e veta që do të thotë se vendi bllokues mund të gjejë aleatë dhe ende të vërë veton së bashku me shtetet e tjera anëtare.

Siç njoftoi dje Sdk.mk, shtatë ministra të Punëve të Jashtme të vendeve anëtare të BE-së dje kanë publikuar një tekst në portalin Politiko. Ata propozojnë që çështjet e politikës së jashtme dhe të sigurisë në BE të votohen me shumicë të cilësuar në vend të konsensusit. Teksti u nënshkrua nga ministrat e jashtëm të Gjermanisë, Belgjikës, Luksemburgut, Holandës, Rumanisë, Sllovenisë dhe Spanjës. Sipas tyre, zbatimi i këtij propozimi nuk do të thotë ndryshim i Marrëveshjeve Evropiane dhe do të kontribuojë në rritjen e efikasitetit në vendimmarrjen e BE-së, veçanërisht në situata krize, siç është reagimi ndaj agresionit rus kundër Ukrainës.

Janë tetë vende kandidate në listën e pritjes. Përveç Maqedonisë, në listë janë edhe Serbia, Mali i Zi, Bosnja dhe Hercegovina, Shqipëria, Ukraina, Moldavia dhe Turqia.

Vetoja pengon vendet e tjera anëtare të bëjnë përparim në fushat që ata i konsiderojnë të rëndësishme. Kjo është arsyeja e ekzistencës së votimit me shumicë të cilësuar. Ky sistem duhet të plotësojë dy kritere. Propozimi për të cilin votohet duhet të mbështetet nga 15 nga 27 shtetet anëtare dhe këto shtete duhet të përfaqësojnë të paktën 65% të popullsisë së Bashkimit Evropian. Fushat që janë votuar prej kohësh me shumicë të cilësuar janë bujqësia, mjedisi apo politika digjitale. Por politika e jashtme dhe siguria, si dhe politika e taksave apo e mbrojtjes, mbeten çështje unanimiteti.

Advertisement

Një numër i madh i shteteve anëtare i konsiderojnë këto fusha si të një rëndësie kombëtare për vendet dhe kërkojnë të drejtën për t’i thënë jo një propozimi.

Megjithëse disa shtete anëtare kundërshtojnë heqjen e unanimitet në vendimmarrje (Estonia, Lituania, Letonia, Suedia, Finlanda, Danimarka, Polonia, Republika Çeke, Kroacia, Bullgaria), disa prej tyre janë mbështetës të fortë të zgjerimit.
Në fillim të këtij viti, Parlamenti Evropian (PE) u bëri thirrje vendeve anëtare të kalojnë në votimin me shumicë të cilësuar në të gjitha fushat e politikës së jashtme dhe të sigurisë, përfshirë zgjerimin.

Por edhe sanksionet globale të BE-së për të drejtat e njeriut ose masa kufizuese dhe instrumente të tjera që lidhen me luftën ruse. PE beson se unanimiteti duhet të mbetet në fuqi për krijimin dhe vendosjen e misioneve apo operacioneve ushtarake brenda kornizës së politikës së përbashkët të sigurisë dhe mbrojtjes.

Një pengesë për kalimin në një shumicë të cilësuar mund të jetë pikërisht rregulli aktual i unanimitet. Përkatësisht, që të miratohet propozimi i shtatë vendeve për heqjen e unanimitet, nevojitet unanimiteti. Por ka një rregull tjetër që daton në vitin 2016 i cili mban emrin francez “passerelle” që mund të përkthehet si “urë”. Shkurtimisht, kjo dispozitë i lejon BE-së të kalojë nga unanimiteti në shumicë të cilësuar në çështjet e jashtme dhe të sigurisë. Këshilli Evropian e mbështet një lëvizje të tillë.

Maqedonia e Veriut pas 17 vitesh me 19 korrik të vitit 2022 filloi bisedimet qasëse me BE-në me mbajtjen e konferencës së parë ndërqeveritare.

Advertisement

Kjo erdhi pas arritjes së  propozimit francez në vend me 30 qershor të vitit 2022 dhe miratimit të tij nga ana e Kuvendit të RMV-së për zgjidhjen e ngërçit Bullgari-Maqedoni e Veriut në drejtim të hapjes së rrugës eurointegruese për RMV-në.

Megjithatë, negociatat nuk do të fillojnë derisa të bëhen ndryshimet kushtetuese për përfshirjen e bullgarëve në Kushtetutë nga pala e Maqedonisë së Veriut, të cilat për votim në Kuvend kërkojnë dy të tretat e deputetëve, të cilat shumica nuk i ka, prandaj duhet mbështetje nga opozita maqedonase, e cila ka paralajmëruar se nuk do të votojnë për ndryshimin e Kushtetutës.

Nëse nuk bëhen ndryshimet kushtetuese deri në nëntor të këtij viti, procesi eurointegrues i RMV-së rrezikon të bllokohet përsëri.

Kujtojmë se para heqjes së vetos, hapja e negociatave me Bashkimin Evropian për Maqedoninë e Veriut bllokohej vazhdimisht nga Bullgaria duke vendosur veto.

Advertisement
Advertisement

Lajme nga vendi

Anesa Havziju nga Tetova nxënëse e shkëlqyeshme në shkollën Naim Frashëri këtë vit pjesmarëse në garat e matematikës në Olimpiaden ndërkombëtare “Fest Matematika 7, Durrës 2024”

Published

on

Anesa Havziju nga Tetova nxënëse e shkëlqyeshme në shkollën fillore Naim Frashëri këtë vit është pjesmarëse në garat nga lënda e matematikës në Olimpiaden ndërkombëtare “Fest Matematika 7, Durrës 2024” Anesa edhe vitet e kaluara ka qenë fituese e shum garave ne Matematik. Urime Anesa dhe të urojm shum suksese të reja!TV KOHA

Continue Reading

Lajme nga vendi

Shkelet me makinë një i mitur në Tetovë

Published

on

MPB Maqedoni informon se dje në një i mitur është shkelur me makinë nga një shofer nga Tetova.

“Me datë 19.06.2024 në ora 17:30 në SPB Tetovë është denoncuar se në rrugën “Ljubo Bozhinoski – Pish” në Tetovë, automjeti i pasagjerëve “Opel Vectra” me shenja regjistrimi Tetova, i drejtuar nga M.R.(33) nga Tetova ka goditur një këmbësor të mitur nga Tetova”.

“Në aksident i mituri ka pësuar lëndime të rënda trupore, të cilat janë konstatuar në Spitalin klinik të Tetovës. Inspektim është kryer nga ekipi inspektues i SPB Tetovë”, thuhet në njoftim.

Continue Reading

Lajme nga vendi

Fillon sot regjistrimi elektronik i nxënësve në shkollat e mesme

Published

on

Nga sot deri të martën (25 qershor deri në orën 15) do të realizohet regjistrimi i parë elektronik i nxënësve për regjistrim në arsimiin e mesëm për vitin shkollor 2024/2025. Regjistrimi i dytë do të jetë më 1 korrik dhe 2 korrik deri në orën 15.

Me qëllim që të optimizohet procesi i përgjithshëm i regjistrimit në shkollat ​​e mesme, Ministria e Arsimit dhe Shkencës edhe këtë vit nëpërmjet shërbimit digjital mundësoi aplikim elektronik. Regjistrimi i nxënësve do të realizohet përmes linkut në portalin e shërbimeve elektronike të MASH-it https://e-uslugi.mon.gov.mk me njoftim të veçantë për nxënësit e shkollave të mesme përmes llogarive të tyre përdoruese në schools.mk.

Nga MASH-i sqaruan se regjistrimi i sistemit nuk do të kërkohet dhe paralajmërimi do të bëhet ekskluzivisht me përdoruesit e schools.mk.

“Udhëzimi i hyrjes / paraqitjes në sistem dhe plotësimi i aplikacionit do të vendoset me link në faqen e hyrjes / paraqitjes” theksoi MASH-i.

Në fund të marsit MASH-i e publikoi Konkursin për regjistrimin e nxënësve në shkollat e mesme publike për vitin shkollor 2024/2025. Në të janë cekur dokumentet e nevojshme, mënyra e aplikimit dhe afatet e konkurseve.

Advertisement

Rang-listën përfundimtare me rezultatet e regjistrimit dhe vendet e lira pas regjistrimit të parë, çdo shkollë duhet ta publikojë më 26 qershor më së voni deri në orën 9, në vend publik në shkollë dhe/ose në faqen e intrnetit të shkollës.

Në shkollat ku do të ketë testim kualifikues do të organizohet më 28 qershor, ndërsa rang-listat përfundimtare me rezultatet do të publikohen më 28 qershor në vend publik në shkollë.

Continue Reading

Më të lexuarat