Connect with us

Lajme nga vendi

Këshilli Gjyqësor ndryshon qasje ndaj mediave | VIDEO

Published

on

Na jepni shansin e ne zgjasim dorën tonë që të punojmë së bashku, deklaroi kryetari i Këshillit gjyqësor Sashko Georgievski, pas reagimit të Shoqatës së Gazetarëve dhe reagimeve të shumta në opinion për largimin e kamerave nga seanca e Këshillit Gjyqësor. Premtoi se kjo përbërje e Këshillit në krye me të do të jenë transparente dhe llogaridhënëse, ndërsa u kërkoi mediave që bashkërisht të luftojnë për të vërtetën.

“Ju lus për profesionalizëm dhe korrektësi. Ne si Këshill e shtrijmë dorën tonë për të qenë korrekt dhe transparent. Lus nga ana mediave që ta rregullojmë këtë me korrektësi dhe profesionalizëm. Ku ka kritika, do të kritikojmë njëri-tjetrin dhe aty ku kemi rezultate do ta ndajmë me publikun”, pohoi Sashko Georgievski, kryetar i Këshillit Gjyqësor.

Ndërkaq sot reagoi edhe Agjencia për shërbime mediatike audio dhe audio-vizuele. Dënojnë largimin e kamerave dhe theksojnë se sjellja e tillë joprofesionale hedh pluhur jo vetëm mbi transparencën e gjyqësorit, por edhe cenon të drejtën e publikut për të qenë i informuar për punën e organeve gjyqësore.

“Kujtojmë se është veçanërisht e rëndësishme që të gjithë ekipeve të gazetarëve t’u sigurohet qasje e pandërprerë për raportim të ngjarjeve që janë me interes publik, në drejtim të sigurimit transparencës dhe llogaridhënies së institucioneve”, thonë nga Agjencia për Shërbime Mediatike Audio dhe Audio-Vizuele.

Georgievski tha se me buxhetin e Këshillit do të mundohet që me Agjencinë Informative Mediatike  të lidhin marrëveshje për transmetimin direkt të seancave të Këshillit, ndërsa shtoi se nuk meriton një qasje të tillë, për shkak se sapo e ka marrë funksionin e kryetarit të Këshillit.Nuk meritoj qasje të tillë as si njeri, as si gjykatës e as si kryetar i Këshillit gjyqësor, për këtë ju bëj thirrje edhe njëherë se koha do të tregoj se do të kemi brifingje të rregullta, do të kemi deklarata, do të kemi transparencë dhe përgjigje për pyetjet që publiku interesohet”, pohoi Sashko Georgievski, kryetar i Këshillit Gjyqësor.

Advertisement

Seanca e Këshillit vazhdoi me pikën e 6 të rendit të ditës ku do të formohet Komision për përgjegjësi ndaj gjykatësve ose kryetarit të ndonjë gjykate. Nuk dihet nëse do të ketë përgjegjësi për gjykatësin Enver Bexheti, që duke e mbajtur dosjen në sirtar, çoi deri në vjetërsim të lëndës së Sasho Mijallkov. /Televizioni KOHA/

 

 

Advertisement
Advertisement

Lajme nga vendi

Taravari konfirmon bisedën telefonike me Ahmetin

Published

on

Kreu i Aleancës për Shqiptarët, Arben Taravari i cili është larguar nga koalicioni VLEN pasi vendosi të shkojë në zgjedhje lokale ndaras, ka pranuar se ka realizuar bisedë me kreun e BDI-së Ali Ahmeti. Në një intervistë për Lajm ai thotë se takim nuk ka pasur, por është dëgjuar me të në telefon.

Takim me Ali Ahmetin a keni pasur apo prisni të keni?

“Jo, jo, jo. Ka pasur një bisedë telefonike dhe ajo është…”, deklaroi Arven Taravari, kryetar i ASH.

Televizioni Alsat që në fillim të muajit prill raportoi për një bisedë telefonike 40 minutëshe mes Taravarit dhe Ahmetit, e cila sipas burimeve tona ka bërë që Taravari të lëkundet në bindjet, që deri dje i mbronte me aq fanatizëm ndaj BDI-së. Disa herë, Taravari përmendi që partia e tij ka kanale komunikimi me BDI-në, por edhe sinjale për bashkëpunim në zgjedhjet lokale. Madje, duke relativizuar se edhe partitë tjera të VLEN-it kanë kontakte. Ndaj kësaj, mori përgjigje të ashpër nga Lëvizja Besa, Lëvizja Demokratike, Alternativa dhe përfaqësuesi i Lëvizjes Vetëvendosje se nuk kanë asnjë arsye për të komunikuar me një parti të korruptuar, funksionarët e të cilës janë në lista të zeza.

Biseda telefonike është realizuar pikërisht në kohën kur Aleanca për Shqiptarët do të duhej të vendoste për mënyrën e garimit në zgjedhjet lokale, për çka Taravari disa herë përsëriti se ekzistojnë dy opsione për të garuar në zgjedhje. I pari, të garojnë së bashku me VLEN-in dhe i dyti të garojë vetëm si ASH, që në këtë rast nuk do të përjashtohej mundësia për të bashkëpunuar në komuna të caktuara me BDI-në.

Advertisement
Continue Reading

Lajme nga vendi

MPB: Gjatë festave të Pashkëve fotografimi për dokumentet personale do të bëhet pa termin

Published

on

Ministria e Punëve të Brendshme, në pritje të festave të Pashkëve, njofton se sot të gjitha Seksionet për Çështje Administrative pranë Departamentit për Çështje Administrative të MPB-së, përveç Sektorit për Çështje Administrative Shkup, do të punojnë nga ora 08:00 deri në ora 16:00.

Departamenti për Çështje Administrative Shkup, ose më saktë njësitë e tij organizative, sot do të punojnë me këtë orar:

Pika e kontrollit pranveror  dy ndërrime nga ora 7:30 e mëngjesit deri në 19:30;

Postblloku i “RTMV” dy ndërrime nga ora 7:30 deri në 19:30, dhe me të njëjtin orar do të funksionojnë edhe pikat e kontrollit në “Beko” dhe Gjorçe Petrov.

Pikat e kontrollit në Draçevë dhe Butel do të funksionojnë me një turn nga ora 10:00 deri në ora 18:00.

Advertisement

Ministria e Brendshme njofton qytetarët se fotografimi për dokumente personale do të bëhet pa caktuar termin dhe dhënia e dokumenteve do të bëhet në vazhdimësi.

Continue Reading

Lajme nga vendi

Më shumë se 1000 propozime për ndryshimin e emrave të rrugëve dhe shkollave në Tetovë

Published

on

Përskaj nismës së ndryshimit të emrave të rrugëve, në Tetovë janë shtuar kërkesat edhe për ndryshimin e emrit të disa shkollave. Individë të sektorit të arsimit thonë se disa emra të shkollave, madje nuk kanë asnjë domethënie as simbolike dhe as historike për qytetarët. Nga gjithësej pesë shkolla të mesme katër prej tyre kanë emra që nuk përkojnë me siç është rasti i shkollës së mjekësisë Nikolla Shtejn.

“Ato pak të dhëna që ne i kemi nuk themi dot se janë të sakta thjeshtë ka qenë një infermier partizan që as nuk është nga shteti ynë e as nuk lidhet diçka me vendin tonë. Meqë edhe jemi shkolla më e madhe në vend shpesh kemi kërkesa nga prindër e nxënës se përse shkolla nuk merr një emër që do lidhej qoftë me Tetovën qoftë me ndonjë personalitet të mjekësisë”, tha Malësore Ramadani, drejtoreshë e SHMK “Nikolla Shtejn”.

Kërkesa të këtilla ka pasur edhe në shkollat tjera.

“Në kuadër të Komunës së Tetovës funksionojnë pesë shkolla të mesme nga të cilat vetëm njëra nga to ka emrin “7Marsi” ndërsa katër të tjerat kanë emra të periudhës së komunizmit dhe realisht sipas kërkimeve që kemi bë për një shkollë që quhet Nikolla Shtejn, nuk ka të dhëna as në google apo mjete tjera kërkimore”, tha Nazmi Dauti, sektori për Arsim Tetovë.

Nisma të ngjashme për ndërrim të emrave të shkollave fillore dhe të mesme ka pasur disa herë, por shkaku i mungesës së kohezionit politik në pushtetin lokal, ndryshimi i tyre, gjithnjë ka dështuar.
Problemi me emrat e shkollave po hapet në të njëjtën kohë kur procedura për ndryshimin e emrave të rrugëve në Tetovë është në fazën e debatit publik. Numri i propozimeve të dorëzuara në dy debatet e fundit publike ka arritur në 1050. Edhe pse sot duhej që të mbahet debati i tretë publik, debati është anuluar për javën e ardhshme, shkaku i festës së Pashkëve. Zëdhënësi i komunës Albion Alili për Alsat thotë se procedura zhvillohet pa përplasje.

Advertisement

“Pas debateve komisioni do të vlerësojë propozimet dhe biografitë e emrave të propozuar dhe do veprojë për emërtim të tyre. Realisht komisioni po punon në formën e paraparë dhe do veprohet. Nuk ka ndonjë përplasje siç plasohet në opinion, gjithëçka shkon si duhet”, u shpreh Albion Alili, zëdhënës i komunës së Tetovës.
Për momentin nuk ka ndonjë afat konkret se sa procedura do të zgjasë. /Alsat.mk

Continue Reading

Më të lexuarat