Connect with us

Lajme nga vendi

Analistët: “Biznesmen të Mickoskit” nuk duan që porti i Durrësit të jetë konkurrent i portit të Selanikut!

Published

on

Opozitarja VMRO-DPMNE është e qartë se është kundër ndërtimit të Korridorit 8, i cili lidhë Shkupin me Tiranën dhe në mënyrë indirekte edhe me Prishtinë, vlerëson njohësi i zhvillimeve politike në vend Aco Kabranov, duke folur për tentimin e opozitës maqedonase që projektit të ndërtimit të korridoreve tu jep konotacion etnik.

Aco Kabranov
Aco Kabranov

“Nuk mendoj se këtë e bëjnë aq shumë për arsye etnike, por kryesisht për interesa biznesi. Oligarkët dhe biznesmenët që janë tani afër Mickoskit nuk duan që porti i Durrësit të jetë konkurrent i portit të Selanikut, sepse shumica prej tyre kanë vite që punojnë përmes portit të Selanikut dhe kanë një pjesë në pronësinë, si dhe agjencitë e tyre atje. Kryetari i komunës së Kumanovës, Maksim Dimitrievski është treguar se dinë në mënyrë të shkëlqyer të punojë për interesat e VMRO DPMNE-së, dhe natyrisht edhe për veten e tij. Nuk e ka të vështirë në opinion korridoret t’i quajë kufijtë e ‘Iliridës’, për të mbjellë frikë te popullin maqedonas, por ai jo vetëm që zbatoi detyrën që iu dha nga Mickoski, por u tregua si një person që sado që të mohon, tregoi se është albanofob”deklaroi Kabranov për PRESSonline.al

Në anën tjetër, juristi Qenan Aliu thotë se korridoret 8 dhe 10 D janë akse me karakter pan-evropian, andaj, stigmatizimi nga ana e opozitës duke u dhënë, karakter etnik, është miopi politike.

Qenan Aliu
Qenan Aliu

“Por kuptohet ky cilësim bëhet për pikë politike nga ana e opozitës e që shpërfaq kulturë të ulët politike. Megjithatë, se gjatë procedimit prokorial për këto projekte gjigante nuk ka dilema se qeveria ka tejkaluar kompetencat e vendosjes para parlamentit. Por këto gjëra duhet parë institucionalisht kuptohet për këto projekte duhet Qeveria të mundësojë transparencën maksimale të mundshme jo vetëm për deputetët por edhe për opinion më të gjerë. Abuzime edhe mund të ndodhin por së paku opinioni nuk duhet të lejojë që truket e qeveritarëve të venë në lajthitje qytetarët duke përbuzur inteligjencën kolektive, e në saj të kësaj të ndodh korrupsion gjigant, i ligjësuar, e në kurriz të buxhetit të shtetit”, deklaroi Aliu për PRESSonline.al

Opozitarja VMRO-DPMNE thuaj se për çdo ditë mbanë nga një pres-konferencë për media lidhur me Korridoret 8 dhe 10D. Të gjitha këtyre paraqitjeve në opinion shfaqin elemente anti-shqiptare edhe pse ndërtimi i këtyre projekteve si ide-projekte datojnë që nga pavarësimi i Maqedonisë e këndej, që nënkupton se për të njëjtat është debatuar edhe në qeveritë e VMRO-DPMNE-së. Edhe në Parlament opozitarja VMRO-DPMNE dhe “Levica” e Dimitar Apasievit me një numër të madh mendimesh të parashtruara mbi propozim ndryshimet ligjore që përshpejtojnë ndërtimin e korridoreve tenton të frenojë procesin e këtij projekti madhor për qytetarët dhe shtetin.

“Korridori 8 është eufemizëm për lidhje të territoreve të Shqipërisë së Madhe praktikisht”tha Dimitar Apasiev – kryetar i partisë “E Majta”.

Maksim Dimitrievski
Maksim Dimitrievski

Pothuajse ngjashëm u deklarua edhe kryetari i Kumanovës, Maksim Dimitrievski.

“Ju po ndërtoni një korridor pas të cilit fshihet një narrativ, e ky është narrativi shqiptar. Ky korridor lidh një trase në relacion Shkup-Prishtinë- Tiranë. Shtrohet pyetja a është vetë hartimi i korridorit pasqyrë e hartës së Iliridës të cilën shumë herë deri tash e kemi parë”, pohoi Maksim Dimitrievski, kryetar i Kumanovës.(PRESSonline.al)

Advertisement
Advertisement

Lajme nga vendi

Rokas: Identiteti dhe gjuha nuk janë pjesë e kornizës negociuese, ata mbrohen më së miri me anëtarësimin në BE

Published

on

Ambasadori i BE-së në Shkup Michalis Rokas, sot në Ohër e vlerësoi pozitivisht Raportin e Parlamentit Evropian, duke thënë se ai jep mbështetje për procesin integrues të shtetit dhe procesit reformues, sidomos reformat në gjyqësi, luftën kundër korrupsionit dhe sfidat tjera me të cilat ballafaqohet shteti.

Në lidhje me nenet kontestuese në Raport për identitetin dhe gjuhën, ai tha se Parlamenti Evropian është institucion i pavarur që sjell vendime politike në pajtim me procedurat e brendshme.

“Më e rëndësishme është të theksohet se identiteti dhe gjuha nuk janë pjesë e kornizës negociuese. Identiteti dhe gjuha mbrohen më mirë me anëtarësim të plotë në BE”, tha Rokas.

Continue Reading

Lajme nga vendi

Aksione në klubet e natës në Tetovë dhe Gostivar, policia ndalon shtatë shtetase të huaja

Published

on

MPB Maqedoni njofton se midis natës 9 dhe 10 korrik 2025, nga ora 22:00 deri në orën 02:00 të mëngjesit, në bazë të një plani të përgatitur paraprakisht nga Sektori për Punë të Brendshme të Tetovës dhe Drejtoria e Punëve të Brendshme të Gostivarit, u krye kontroll aksionar në një objekt hotelerik – bar nate në fshatin Zhelinë, në pronësi të J.F. (47) nga fshati Zhelinë, për zbulimin e shtetasve të huaj, qëndrimit të paligjshëm dhe keqpërdorimit të qëndrimit turistik.

“Gjatë kontrollit në objekt, u gjetën pesë shtetase femra të Republikës së Shqipërisë, të moshës 24 deri në 50 vjeç. Gjithashtu, në një objekt hotelerik – klub nate në fshatin Zubovcë, Gostivar, në pronësi të R.B. (50) nga fshati Dobridol, u gjetën dy shtetase femra të Republikës së Shqipërisë, të moshës 33 dhe 36 vjeç”.

“Për shkak të keqpërdorimit të qëndrimit turistik dhe qëndrimit në kundërshtim me qëllimin, ato u ndaluan në Stacionet Policore të Tetovës dhe Gostivarit për procedura të mëtejshme”, thonë nga MPB.lajmpress

Continue Reading

Lajme nga vendi

QMK: Nëntë zjarre janë aktive, nën kontroll katër

Published

on

“Aktive janë nëntë zjarre në ambient të hapur deri në orën shtatë të mëngjesit të sotëm, nga gjithsej 63 gjatë ditës së djeshme”, informoi Qendra për menaxhim me kriza (QMK). Nën kontroll janë katër zjarre, një është lokalizuar, ndërsa 49 janë shuar.

Nëntë zjarre janë aktive në zona të hapura që nga ora 7 e mëngjesit të sotëm, nga gjithsej 63 dje, njoftoi Qendra e Menaxhimit të Krizave (QMK). Katër zjarre janë nën kontroll, një është lokalizuar dhe 49 janë shuar.

QMK njoftoi se aktive janë zjarret në Çuçer Sandevë – Bllacë, ku është kapluar bimësi e ulët, në fshatin Vizbeg në Shuto Orizare ku po digjet një deponi, në Prilep – fshati Beshishtë, një vend i quajtur “Beshishki rid”, pyll i përzier. Në zjarret në Makedonski Brod, është kapluar pylli dhe shkurret, midis fshatrave Creshnevë dhe Lokvica, bimësi e ulët nga një zjarr i përhapur nga fabrika “Samokov” në fshatin Ramne, si dhe pyll i përzier në fshatrat Sllatinë dhe Kovçë. Gjithashtu në komunën e Çashkës, nën “Sollunska Glava”, pranë vendit të quajtur “Burimet e Babunës” dhe “Babina Dupka”, ka tym në pjesën shkëmbore, ndërsa po digjet edhe pylli me kërcell të ulët në fshatin Nikoliq në Dojran.

Është lokalizuar zjarri në Koçav, në një vend të quajtur Babishte, ndërmjet fshatrave Jastrebnik dhe Polaki, ku janë kapuar bimësi e ulët dhe pyll i përzier.

Sipas QMK-së, nën kontroll janë zjarret në Dellçevë në Deponinë e qytetit “Ostrec”, në Vinicë – fshati Dragobrashtë (bimësi e ulët), në Kriva Pallankë – fshati Gradec dhe fshati Lozakovë dhe në Zhelinë – fshati Larce – lokacion ndryshe (pyll i përzier).

Advertisement

LAMM sot në mëngjes kumtoi se komunikacioni nga qarkorja Orman deri në qarkoren Mirkovc është lëshuar për komunikacion të rregullt, gjithashtu edhe prej Shkup – GJP për VK Bllacë dhe në të dy drejtimet e rrugës eksprese Rankovcë-Kriva Pallankë. Komunikacioni në këto rrugë ishte në ndërprerje për shkak të zjarrëve.

Për shkak të situatës me zjarret në Qeveri mbrëmë pati mbledhje Shtabi i Krizës, ndërsa është aktivizuar edhe mekanizmi evropian për ndihmë në përballje me zjarret.

Ministri i Punëve të Brendshme, Pançe Toshkovski deklaroi pas mbledhjes së Shtabit të Krizës se shkak për përhapjen, në masë të madhe ishin kushtet e pavolitshme të motit dhe era e fuqishme, por për disa kemi dyshime të bazuara se janë shkaktuar nga faktori njeri afër kapaciteteve kyçe infrastrukturore, rrugëve, rajoneve dendësisht të banuara dhe objekteve private.

“Maksimalisht po vihen në funksion të gjitha kapacitetet e shtetit, me atë që duhet të theksoj se nga Greqia janë dhënë për ndihmë dy kanaderë, të cilët do të vihen në funksion, si dhe dy ekipe këmbësorike të cilat janë vënë në dispsozicion përmes mekanizmit të BE-së. Të gjitha institucionet qeveritare tërësisht janë mobilizuar dhe janë përfshirë aktivisht në terren. Në gjendje gatishmërie janë vënë 300 ushtarë, prej të cilëve rreth 150 aktivisht u përfshinë në terren, si dhe rreth 400 nëpunës policorë, të cilët u përfshinë aktivisht në terren”, deklaroi Toshkovski.

Advertisement
Continue Reading

Më të lexuarat