Connect with us

Lajme nga vendi

Bexheti dhe Elezi shpëtuan Mijallkovin, lëndët i ruajtën në sirtar

Published

on

Gjykatësit Enver Bexheti dhe Lirije Elezi i kanë shpëtuar dy dekada burg ish shefit të policisë sekrete Sasho Mijalkov edhe atë në lëndët Target Fortesa dhe Thesari, duke i zvarritur qëllimisht procedurat përmes mbajtjes së dokumenteve në sirtar me muaj. Kështu ka vlerësuar Këshilli Gjyqësor.

Raporti ka konstatuar se gjykatësi ambicioz Enver Bexheti i cili aktualisht synon të bëhet gjyqtar suprem, pa asnjë arsye relevante lëndën për përgjimin masiv të njohur si Target Fortesa e ka mbajtur në sirtar për 9 muaj dhe kështu, janë krijuar kushtet që Mijalkov të mos mbajë as 1 ditë burg për këtë, edhe pse paraprakisht nga Gjykata Penale ishte dënuar me 12 vite burg.

Për këtë lëndë, seanca publike është mbajtur më 7 mars të vitit 2022 ndërkaq vendimi është sjellë më 5 dhjetor të vitit 2022.

Në rastin Thesari ku Mijalkov duhej të vuante 9 vite burg sipas Gjykatës së shkallës së parë, shpëtimtare ka qenë gjykatësja referuese Lirije Elezi. Sipas SDK, bashkëshorti i kësaj të fundit ishte pranuar në Policinë Sekrete në kohën kur Mijalkov ka qenë drejtor.

Advertisement

Përkundër deklarimeve të gjykatësve të Apelit që në këtë rast bëhet fjalë për lëndë të ndërlikuar dhe është dashur të takohen disa herë, Tanja Çaçarova Ilievska nga Këshilli Gjyqësor tha se nuk ekzistojnë dëshmi, përkatësisht, procesverbale për këto takime të pretenduara.

“Si arsye për vonesa janë theksuar komplikueshmëria e lëndës, numri i madh i dëshmive materiale dhe nevoja për më shumë kohë për ekzaminim dhe vlerësim të vendimit të shkallës së parë si dhe ankesat e dorëzuara nga vendimi i shkallës së parë. Simptomatikë është se në të gjitha deklaratat theksohet se nga dita e mbajtjes së seancës publike deri në ditën e marrjes së vendimit anëtarët e trupit gjykues kanë shkruar se disa herë janë mbledhur për ta studiuar lëndën, mirëpo grupi i punës nga të dhënat që ka marrë nga kontrolli ka vërtetuar se nuk ka procesverbal për ri takime të trupit gjykues”, deklaroi Tanja Çaçarova Ilievska, anëtare e Këshillit Gjyqësor.

Nuk dihet nëse dikush do të bartë përgjegjësi për këto zvarritje, pasi qëllimi i këtij raporti ishte vetëm konstatimi i gjendjes.

Ndryshe, ky raport u përgatit nga 3 anëtarë të Këshillit Gjyqësor pas presionit publik për vendimet e fundit të Gjykatës së Apelit. Këta të fundit u arsyetuan se lëndët marrin shumë kohë për shkak të mbingarkimit me punë, pushimet, pushimet mjekësore si dhe kompleksiteti i lëndëve. /Alsat.mk Gazetar: Ardit Ramadani

Advertisement
Advertisement

Lajme nga vendi

Aksion policor si nëpër filma, arrestohen dy persona në pik pagesën afër Tetovës

Published

on

Ministria për Punë të Brendshme njofton se gjatë ditës së sotme policia e Shkupit në bashkëpunim me atë të Tetovës ka arrestuar dy persona nga Haraçina, pasi të njëjtit janë kapur duke transportuar 35 kilogramë drogë. Nga MPB bëjnë të ditur se pas dokumentimit të plotë të rastit ndaj dy personave në fjalë po ngritët kallëzim përkatës.

“Në orët e paradites në pikën pagesore në magjistralen Gostivar – Tetovë, zyrtarët policorë i kanë dhënë shenjë ndalimi automjetit të pasagjerëve “Range Rover”, me targa të Shkupit, i drejtuar nga K.A.(32), në të cilin O.A. (23) ishte pasagjer, të dy nga fshati Haraçinë i Shkupit. Personat nuk i janë bindur urdhrit të policisë për ndalimin e mjetit, por janë larguar me vrap duke dëmtuar një automjet të policisë, por shumë shpejt janë ndaluar dhe privuar nga liria. Gjatë kontrollit në bagazhin e automjetit janë gjetur 4 thasë me marihuanë, me peshë totale të rreth 35 kilogramëve, me vlerë të rreth 100 mijë eurove”, njoftojnë nga MPB.

 

Advertisement

Continue Reading

Lajme nga vendi

Do të rritet çmimi për nxjerrjen e pasaportave, letërnjoftimeve dhe lejeve për vozitje në Maqedoni

Published

on

Ministria për Punë të Brendshme informon se duke vepruar sipas përfundimit të Qeverisë, zbaton procedurë për ndryshimin e vendimit për çmimet për formularët për nxjerrjen e dokumenteve personale. Nga MPB për “360 shkallë” thonë se për momentin dokumentet personale nxirren me çmimet që kanë qenë deri tani.

Çmimet do të ndryshohen kur vendimi të hyjë në fuqi dhe të publikohet në Gazetën zyrtare të RMV-së, përcjell Telegrafi Maqedoni.

Çmimi i pasaportës për personat deri në 27 vjeç do të mbetet i pandryshuar dhe do të jetë 1.500 denarë, por pasaporta për personat mbi 27 vjeç do të jetë 2.000 denarë, që është rritje prej 500 denarë. Çmimi i letërnjoftimit do të jetë 310 denarë, që është rritje prej 120 denarë. Çmimi i patentë shoferit do të jetë 410 denarë, që është rritje prej 130 denarë.

Do të ketë ndryshime edhe në çmimet dhe formularët për procedurat me urgjencë.

Advertisement

Çmimi i pasaportës me procedurë urgjente do të jetë 6.100 denarë, që është rritje prej 1.600 denarë.

Çmimi i patentë shoferit me procedurë urgjente do të jetë 1.230 denarë, që është rritje prej 390 denarë.

Nga MPB thonë se ndryshimi i çmimeve vjen si pasojë e rritjes së çmimeve të blerjes së formularëve të importuar, rritjes së kostove për mirëmbajtjen e sistemit, që kryhet nga një operator ekonomik i huaj, si dhe blerjes së makinerive të reja për shkak të nevojës për zëvendësimin makinerive për personalizim.

Ndryshe, deri në shkurt të vitit 2024, qytetarët kanë detyrim ligjor të ndryshojnë të gjitha dokumentet personale të cilat i kanë me emrin e vjetër të shtetit “Republika e Maqedonisë”.

Advertisement
Continue Reading

Lajme nga vendi

Nuk vdes nga sheqeri 19, pretendojnë mjekët – Nga se vdiq atëherë 6-vjeçarja Jana, e kishin gabuar mjekët?

Published

on

Pse vdiq 6-vjeçarja Jana? Spitali klinik në Manastir është nën mbikëqyrje të jashtëzakonshme inspektuese. Dokumentacioni i plotë është duke u krehur nga prokuroria, policia, por pritet edhe një kontroll i jashtëzakonshëm nga një komision i formuar posaçërisht nga Ministria e Shëndetësisë.

Ndërkohë po merren deklarata nga stafi i përfshirë dhe po bisedohet me të gjithë ata që kanë pasur kontakt me vajzën.

Drejtori i spitalit në Manastir, Aleksandar Obednikovski, ka kërkuar nga ministri që të dërgohet një komision nga Shkupi që të mos ketë dyshim se diçka po fshihet.

Lajmi shqetësoi opinionin, sidomos pasi babai i Janës së vogël zbuloi se sipas analizave të gjakut ajo kishte sheqer 9 dhe më pas i dhanë glukozë me infuzion, e cila e rriti më tej sheqerin në 19, më pas ajo vdiq. Shkaqet e vdekjes komentohen edhe nga mjekët në rrjetet sociale.

Advertisement

Mjeku Nenad Lazarov thotë në statusin e tij në Facebook “Nuk vdes akute nga glicemia 19”.

Në postimin e tij, kolegët mjekë komentojnë situatën dhe thonë:

“Ju nuk vdisni nga glicemia, por vdisni nga ketoacidoza. Një humbje e rëndë për prindërit, por një ndërlikim i hiperglicemisë në fëmijëri, një gjendje akute ku shfaqet rezistenca ndaj insulinës, e ka këtë ndërlikim”.

Advertisement
Continue Reading

Më të lexuarat