Lajme nga bota

Kanadaja mbyll marrëveshjen për blerjen e 88 luftarakëve F-35

Published

2 years ago

January 10, 2023

Autoritetet kanadeze kanë nënshkruar një kontratë përfundimtare për të blerë 88 avionë luftarakë F-35 për të zëvendësuar avionët luftarakë të vjetër CF-18.

Kështu deklaroi ministrja e Mbrojtjes Anita Anand të hënën, raporton transmetuesi vendas “CBC News”.

Dorëzimi i parë i avionëve pritet në vitin 2026 dhe skuadriljet e para F-35 do të hyjnë në shërbim deri në vitin 2029, thanë zyrtarë të lartë kanadezë të mbrojtjes.

Buxheti i projektit është 19 miliardë dollarë, siç ka deklaruar qeveria vitin e kaluar.

Anand dhe zyrtarë të tjerë qeveritarë po i qëndrojnë parashikimit për atë kosto, pavarësisht ndikimit të mundshëm të inflacionit.

“F-35 është një luftëtar modern, i besueshëm dhe i manovrueshëm që përdoret nga aleatët tanë më të afërt në misionet në mbarë botën. Është luftarak më i avancuar në treg dhe është avioni i duhur për vendin tonë”, u shpreh Anand në një konferencë virtuale për shtyp.

Një zyrtar i lartë i mbrojtjes, duke folur në një konferencë shtypi, tha se F-35 do të prokuroheshin në faza dhe se kësti i parë prej katër avionëve do të kushtonte 85 milionë dollarë për avion.

Marrëveshja është një kthesë për qeverinë liberale të Kanadasë, e cila ka premtuar të mos blejë F-35, por në vend të kësaj të blejë një avion luftarak më të lirë dhe të përdorë kursimet për të forcuar marinën.

Qeveria konservatore, e udhëhequr nga kryeministri Stephen Harper, së pari njoftoi planet për të blerë aeroplanin Lockheed-Martin në verën e vitit 2010.

Plani u anulua mes kritikave nga Zyrtari Parlamentar i Buxhetit dhe Auditori i Përgjithshëm, i cili vuri në dyshim koston e tij dhe nëse zyrtarët e mbrojtjes kishte bërë mjaftueshëm detyra shtëpie në avionë të tjerë që mund të plotësonin nevojat e forcave ajrore të Kanadasë.

Gjermania thuhet se ka vendosur të ndajë 10 miliardë euro për të blerë 35 avionë luftarakë F-35A Lightning II në fund të vitit, duke reflektuar premtimin e kancelarit Olaf Scholz për të rritur shpenzimet e mbrojtjes. /Albanianpost.com Nga Klevis Hoxhaj

Lajme nga bota

LIGA EVROPA: SOT ZHVILLOHEN 8-të TAKIMET E PARA TË PLAY OFF-it

Published

1 day ago

February 13, 2025

TetovaExpres

Sonte në program janë tet; ndeshjet e fazës së play off-it në kompetiocionin e dytë për nga rëndësia që organizohet nga UEFA, pra zhvillohen ndeshjet e plaz off-it në Liga Evropa. Ndeshje më interesante padyshim se është dueli që zhvillohet në stadiumin ‘’Estádio do Dragão’’ të Portos në Portugali mes ekipeve Porto dhe Roma .

Fenerbaheçe e Zhoze Murinjos do të presë Anderlehtin, ndërsa Gallatasaraj do të udhëtojë drejt Holandës, ku do të përballet me AZ Alkmar. Katër takime do të zhvillohen në orën 18.45 minuta, ndërsa katër të tjerat, janë planifikuar për orën 21.00.

Liga Evropa – Play Off. Takohen:

Fenerbahçe –Anderleht 18:45

Ferencvarosh-Vik. Plzen 18:45

Midtjiland -R. Sosiedad 18:45

Union SG –Ajaks 18:45

Tuente – Bodo/Glimt 21:00

PAOK –FSB 21:00

Az Alkmar–Gallatasaraj 21:00

Porto – Roma 21:00

Shaban Sinani – TV Koha

Lajme nga bota

Një makinë ka përplasur turmën në Mynih

Published

1 day ago

February 13, 2025

TetovaExpres

Një makinë ka përplasur një grup njerëzish në Mynih të Gjermanisë, duke plagosur disa persona.

Raportohet se dhjetëra persona kanë mbetur të plagosur.

Një operacion policor në shkallë të gjerë është duke u zhvilluar pranë stacionit kryesor të trenit dhe oficerët po hetojnë se çfarë ka ndodhur, tha zëdhënësi, pa dhënë detaje të mëtejshme./

Lajme nga bota

FBI: Kemi gjetur 2400 dosje të reja që lidhen me vrasjen e Presidentit Kennedy

Published

2 days ago

February 12, 2025

TetovaExpres

Byroja Federale e Hetimeve (FBI) tha të martën se kishte zbuluar 2,400 të dhëna të reja në lidhje me vrasjen e ish-presidentit John F Kennedy, ndërsa agjencitë federale punojnë për të përmbushur urdhrin ekzekutiv të Presidentit Donald Trump muajin e kaluar për të publikuar mijëra të dhëna.

FBI tha se po punon për transferimin e të dhënave në Arkivin Kombëtar dhe Administratën e Regjistrimeve për t’u përfshirë në procesin e deklasifikimit.

Qeveria federale në fillim të viteve 1990 urdhëroi që të gjitha dokumentet në lidhje me atentatin e 22 nëntorit 1963 të vendoseshin në një koleksion të vetëm në Arkivin Kombëtar. Dhe ndërsa shumica dërrmuese e koleksionit – mbi 5 milion regjistrime – është bërë publike, studiuesit vlerësojnë se 3000 skedarë nuk janë publikuar, qoftë tërësisht apo pjesërisht.

Gjatë deklaratës së tyre FBI nuk dha detaje se çfarë lloj informacioni përmbajnë dosjet e sapo zbuluara. Në vitin 2020 FBI hapi një kompleks qendror të të dhënave dhe filloi një përpjekje shumëvjeçare për të dërguar, inventarizuar dhe ruajtur në mënyrë elektronike dosjet e mbyllura të çështjeve nga zyrat në terren në të gjithë vendin. Agjencia tha se një inventar më gjithëpërfshirës i të dhënave së bashku me përparimet teknologjike e lejuan atë të kërkonte dhe lokalizonte shpejt të dhënat, citon the Guardian.