Connect with us

Lajme nga bota

Një i ri shqiptar gjendet i vdekur në shinat e trenit në Gjermani

Published

on

Ish-kampioni i boksit për rinj, shqiptari nga Kosova, Liridon.B. është gjetur i vdekur në shinat e një hekurudhe treni në Gjermani.

Sipas mediumit gjerman Bild në natën e ndërrimit të viteve, rreth orës 06:00 në Hafnerplatz, Liridoni ka pasur një debat të dhunshëm me shokun e tij Andreas.M, të cilin e goditi me thikë në pjesën e sipërme të trupit duke e plagosur rëndë.

Adreseas M shkoi në klinikë për t’u mjekuar. Dy orë e gjysmë pas kësaj përleshje, Liridon B. u gjet pa shenja jete në hekurudhë.

Ai kishte plagë nga një mjet i mprehtë. Çfarë ndodhi është ende e paqartë.

Advertisement

Sipas Bild, Policia e përjashton mundësinë që Andreas M. e ka sulmuar me thikë.

Megjithatë, nuk përjashtohet mundësia që ai ta ketë goditur veten nën ndikimin e drogës.

Priten rezultatet e hetimeve dhe analizave kimiko-toksikologjike për të zbardhur ngjarjen.

Sipas rezultateve të autopsisë, i ndjeri kishte një dënim të mëparshëm për vepra të lidhura me drogën, mund t’i kishte shkaktuar plagët me thikë në gjendje të dehur. (Albanianpost)

Advertisement
Advertisement

Kuriozitete

Katër shekuj studime, shkencëtarët zbulojnë kontinentin e zhdukur

Published

on

Pas 375 vitesh spekulime dhe eksplorimesh, shkencëtarët më në fund konfirmuan ekzistencën e një kontinenti “të zhdukur” të njohur si Zealandia ose Te Riu-a-Māui në gjuhën maori.

Ky kontinent, i cili është afërsisht 1.89 milion milje katrorë në madhësi, dikur ishte pjesë e një superkontinenti të lashtë të quajtur Gondwana, i cili përfshinte gjithashtu Antarktidën Perëndimore dhe Australinë Lindore mbi 500 milion vjet më parë.

Megjithatë, Zelandia filloi të “tërhiqej” nga Gondwana rreth 105 milionë vjet më parë, gjeologët ende po përpiqen të kuptojnë pse ndodhi kjo. Gradualisht kontinenti u fundos nën ujë. Sipas të dhënave miliona vite më parë rreth 94% e planetit ishte e përbërë nga uji.

Ekzistenca e Zelandës u regjistrua për herë të parë në 1642 nga biznesmeni dhe marinari holandez Abel Tasman, i cili ishte në një mision për të gjetur “kontinentin e madh jugor” ose Terra Australis.

Advertisement

Ndërsa Tasman nuk arriti ta gjente këtë tokë të re, ai u ndesh me maori vendas kur zbarkoi në ishullin jugor të Zelandës së Re. Pavarësisht armiqësisë së tyre ndaj tij, Maori dha informacion të vlefshëm për tokën përreth, duke përfshirë ekzistencën e një mase të madhe tokësore në lindje.

Megjithatë, pothuajse u deshen rreth 400 vjet që shkencëtarët të bien dakord për ekzistencën e Zelandës.

Në vitin 2017, një grup gjeologësh u shfaqën ishin në qendër të mediave kur njoftuan zbulimin e tyre të Zelandisë, Te Riu-a-Māui në gjuhën maori. Një kontinent i madh prej 1.89 milion milje katrorë (4.9 milion km katrorë), i cili është rreth gjashtë herë më i madh se Madagaskari.

Advertisement
Continue Reading

Lajme nga bota

Kriza bankare, banka zvicerane “UBS” ble për 3 mld franga “Credit Suisse”, 10 mijë pushime nga puna

Published

on

Banka më e madhe zvicerane UBS njoftoi se do të blejë për 3 miliardë franga bankën tjetër helvetike, rivalen e saj Credit Suisse, e cila ishte futur në një vorbull vështirësisë. Marrëveshja historike u ndërmjetësua nga qeveria e Bernës, ndërsa në tavolinë janë edhe 100 miliardë euro likuiditet i jashtëzakonshëm dhe garanci publike për paditë dhe humbjet e kapitalit.

I gjithë operacioni konsiderohet si një përpjekje për të çaktivizuar krizën që po ndodh në sistemin bankar. Vetë investitorët e credit Suisse kanë humbur 16 miliard euro letra me vlerë. Për autoritetet zvicerane “nuk është një shpëtim, por një zgjidhje tregtare.”. Ndërsa presidentja e Bankës Qendrore Europiane, Kristine Lagarde tha se është një “Vendim vendimtar për të siguruar stabilitetin financiar”.

Shkrija mes dy bankave pritet të ndodhë deri në fund të vitit, ndërsa presidenti i UBS Colm Kelleher deklaroi se “Integrimi forcon Zvicrën si një qendër financiare globale”, marrëveshja u përshëndet edhe nga Bankat Qendrore. Nga ana tjetër hapet edhe një çështje e rëndësishme punësimi. Sipas sindikatës bankare zvicerane, bashkimi mes dy bankave më të mëdha vendase do të çonte në rreth 10 mijë pushime nga pune.

(BalkanWeb)

Advertisement

Continue Reading

Lajme nga bota

“Bisedime ‘kokë më kokë’ me presidentin rus”/ Analiza e Al Jazeera: A do të arrijë takimi Xi-Putin të ndalojë luftën në Ukrainë!?

Published

on

Presidenti kinez Xi Jinping do të zhvillojë sot një vizitë në Moskë, siç edhe ai e ka quajtur; një “udhëtim miqësie”, bashkëpunimi dhe paqeje.

Kjo vizitë vjen pasi Pekini zbuloi një dokument me 12 pika që bën thirrje për një armëpushim në luftën Rusi-Ukrainë dhe ditë më pas u bë ndërmjetës për qetësim të situatës mes armiqve të vjetër të Lindjes së Mesme, Arabisë Saudite dhe Iranit.

Vizita tre-ditore e Xi, e cila fillon sot, do të paraqesë bisedime kokë më kokë me presidentin rus Vladimir Putin, një njeri që udhëheqësi kinez e ka përshkruar si “mikun e tij më të mirë” dhe që tani kërkohet nga Gjykata Penale Ndërkombëtare për krime lufte.

Samiti në Moskë do të jetë takimi i 40-të mes dy burrave. Vizita e Xi ,ka rritur shpresat në disa drejtime për një përparim në përfundimin e luftës në Ukrainë.

Advertisement

Konflikti, tashmë në vitin e tij të dytë, ka marrë dhjetëra mijëra jetë, ka detyruar miliona të largohen nga shtëpitë e tyre dhe ka shkaktuar dhimbje të gjerë ekonomike, me inflacionin në rritje në të gjithë globin.

Shpresat janë të mëdha pasi edhe nga raportimet në mediat e huaja thuhet se Xi synon të ndjekë samitin e tij me Putinin me një takim virtual me Presidentin ukrainas, Volodymyr Zelenskyy.

Nëse ndodh, biseda mes Xi dhe Zelensky do të jetë e para që kur tanket ruse kaluan kufirin e Ukrainës në shkurt të vitit të kaluar.

Pavarësisht rritjes së diplomacisë globale të Kinës, shumica e vëzhguesve thonë se vizita shtetërore e Xi-t ka të bëjë më shumë me partneritetit “pa kufij” që ai shpalli me Putinin vitin e kaluar sesa me ndërmjetësimin e paqes në Ukrainë.

Kjo sepse, si fillim, asnjëra nga palët ndërluftuese nuk duket e gatshme për t’i dhënë fund luftimeve.

Advertisement

“Përderisa Rusia dhe Ukraina nuk kanë shterur vullnetin e tyre për të vazhduar luftimin dhe nuk janë në kërkim të platformave për këtë konflikt, nuk është e mundur t’i jepet fund atij,” tha Bonnie Glaser, drejtore e Programit të Azisë në Fondin Marshall Gjerman.

(BalkanWeb)

Continue Reading

Më të lexuarat