Lajme nga vendi
Çerdhet e Tetovës kanë mungesë stafi, MPPS refuzoi kërkesën për punësime
Për shkak të mungesës së edukatoreve, përkëdhelëseve por edhe stafit teknik, çerdhet e Tetovës rrezikojnë funksionimin. Drejtuesit e çerdhes thonë se për shkak të mungesës së stafit, shërbimi mund të mos jetë në nivelin e duhur. Nga Ministria e Punës dhe Politikës Sociale (MPPS) janë kërkuar rreth 30 punësime, por kërkesa është refuzuar.
“Është e pamundur me këto numra që kemi të të punësuarve të japim shërbime efikase për më të vegjlit tanë. Ne si institucion jemi drejtuar në Ministrinë për Punë dhe Politikë Sociale që punonjësit që kanë dalë në pension dhe ato që kanë ndërprerje të marrëdhënieve të punës të zëvendësohen, por deri më sot nuk kemi përgjigje. Nevoja më e madhe është për përkujdesëset por edhe edukatoreve por edhe personelit teknik. Pastrimi i objekteve bëhet me punonjës jo me preparate teknike dhe në bazë të numrit që kemi nuk mund të mirëmbahen si duhet objekteve”, deklaroi Fatlinda Jaja, drejtoreshë e çerdhes “Rinia” Tetovë.
Kërkesë për zgjidhje është bërë edhe në këshillin komunal të Tetovës. Kreu i Këshillit thotë se do të shqyrtohen hapat ligjorë, ndërsa nuk përjashtohet edhe mundësia e protestave.
“Në gjitha çerdhet realisht ka mungesë të stafit të punës për mbarëvajtjes së procesit, si kuzhinier, përkujdesës, e tjera. Por kërkesa që ka parashtruar çerdhja në Ministri nuk ka gjetur zgjidhje. Tani ka bërë kërkesë edhe tek ne për të marrë pëlqim që të plotësohet kërkesa që Ministria ta sheh aspektin tjetër. Nëse nuk jepet sërish pëlqimi për këto punësime atëherë mbase do ketë edhe forma të tjera koordinuese që të bëhet protestë apo kërkesë në forma tjera demokratike që kemi”, u shpreh Besar Durmishi, kryetar i Këshillit Komunal-Tetovë.
Në gjitha objektet e çerdheve të Tetovës, nën përkujdesje janë mbi një mijë fëmijë, ndërsa në listë pritjeje janë mbi 150 fëmijë, të cilët për shkak të mungesës së stafit nuk pranohen në çerdhe./Alsat.mk Gazetar: Bashkim Sulejmani
Lajme nga vendi
Vrasja e mjekut në Zhelezarë, tre të arrestuar
Lajme nga vendi
Taravari për marrëveshjen e Selës me Ahmetin: Nëse mendojnë që BDI-ja duhet të vazhdojë në pushtet është e drejt e tyre legjitime
Kryetari i ASH-së, Arben Taravari tha se në rast se krahu i Selës në ASH vendos që të shkojë vetë në zgjedhje, ai është i gatshëm të jep vulat e partisë dhe të nënshkruaj propozimet e tyre, përcjell TV21.
“Nëse është arsyeja vulat pse shkojnë me BDI-në, unë para se ta mbajnë Kuvendin sot ju them përsëri, në qoftë se e mbani qëndrimin ende se mund të shkoni vetë, unë jam këtu që t’i pranojë listat me emrat që do t’i propozojnë ato për t’i nënshkruar dhe për t’i vulosur që të dalin me logon e ASH-së”, tha Taravari.
I pyetur për marrëveshjen e mundshme të ASH-krahu i Selës me BDI-në, ku ASH-së pretendohet se i premtohen 5 deputetë, Taravari the se e respekton vendimin e secilit.
“Shumë legjitime. Pavarësisht se si janë marrë vesh, unë e respektoj mendimin e çdo kujt. Unë këto dyshime i kam pasur edhe më parë, që ka afërsi dhe e kam thënë publikisht, ka afërsi të disa funksionarëve të ASH-së e BDI-në, por kjo nuk është diçka që është e jashtëzakonshme. Ata ashtu mendojnë, mendojnë që BDI-ja duhet të vazhdojë me pushtet dhe është shumë legjitime”, deklaroi Taravari.
Lajme nga vendi
Osmani: Mendoj që kjo do të jetë një ndër fitoret më të mëdha që kemi pasur si bllok
Në takimin me punonjësit në arsim dhe studentët, kandidati shqiptar për president, Bujar Osmani ka argumentuar se pse kandidohet si president.
“Dalim me idenë e presidentit të parë shqiptar dhe kërkojmë mbështetjen e gjithëve atyre të cilët kanë qenë të privuar nga mundësia për të pasur president, për shkak se këtu ka pasur monopole etnike dhe politike në 30 vitet e fundit, të cilët po i rrënojmë një nga një, mision pas misioni, duke e demonopolizuar shtetin dhe duke krijuar barazi të plotë. Asnjëherë duke tentuar që të dominojmë mbi të tjerët, por duke e kërkuar hisen tonë që secili të ketë mundësi të barabartë. Mendojë që kjo do të jetë një ndër fitoret më të mëdha që kemi pasur si bllok.
Ministri Osmani potencoi se këto zgjedhje do jenë jashtëzakonisht të rëndësishme. “Kujtoj që jemi në një udhëkryq të rëndësishëm historik, ku parashikueshmëria strategjike do të jetë përcaktuese se si do të jetë e ardhmja jonë e përbashkët. Një karakteristikë e veçantë e këtyre zgjedhjeve, dhe do të flas nga perspektiva partiake, për herë të parë po ridefinohet skena politike. Deri më tani, kemi pasur dy blloqe të mëdha politke, multietnike, që kanë pretenduar të udhëheqin shtetin, dhe keni pasur partitë politike shqiptare duke garuar, duke qenë partneri i vogël i blloqeve të mëdha”, tha ministri Osmani.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve