Connect with us

Lajme nga vendi

Hulumtim, korrupsioni po përzë çdo ditë e më shumë të rinjtë nga vendi

Published

on

Korrupsioni është arsyeja kryesore që të rinjtë largohen nga vendi dhe bëhen të suksesshëm në vendet e huaja. Kështu vlerëson kryetarja e Komisionit për Parandalimin e Korrupsionit, Biljana Ivanovska. Ajo thotë se shoqëria në vendin tonë është e ndotur nga korrupsioni dhe urgjentisht duhet të krijohet klimë dhe sistem i shëndoshë kundër korrupsionit, që të gjithë ata që ikën jashtë shtetit tonë, të kthehen.

“Ne kemi bërë eksport më të madh të mendjes. Mendjet më të mëdha jashtë shtetit funksionojnë dhe janë punëtor më të mëdhenj, ndërsa këtu nuk mund të kenë sukses sepse ka ndikime më të mëdha nga ana e politikës. Ekziston politikë e mos ndëshkimit, ekziston mungesë e transparencës, mungesë e integritetit. Të gjithë këto janë faktorë që ndikojnë shumë në ekzistimin e korrupsionit. Kur kemi konstatuar se çka na pengon, duhet të ecim një hap para, ta largojmë atë që na pengon dhe të vijmë në një pastërti sepse vetëm me vetëdije të lartë mund të luftojmë”, tha Biljana Ivanovska, kryetare e Anti-korrupsionit.

Zoran Ilievski nga koalicioni i organizatave rinore “SEGA” thotë se në analizat dhe hulumtimet e bëra, të rinjtë vlerësojnë se korrupsioni është çështja më shqetësuese për ta. Ai thotë se një e treta e qytetarëve mendojnë se kanë qenë pjesë e ndonjë lloj të sjelljes korruptuese ose rreth 540 mijë qytetarë.

“Hetimet e dëshmojnë të njëjtën se 63% e të rinjve mendojnë se sjellja korruptuese më e pranishme është ndikimi mes marrëdhënieve familjare e miqësore, më pas në vend të dytë tek 62% e të rinjve është korrupsioni i cili ka të bëjë me kryerjen e shërbimeve dhe dhënien e mitos, dhe dhënia e mitos tek 48% e të rinjve vlerësohet se është më e pranishme kur bëhet fjalë për korrupsionin… Me faktin që në vitin 2020 vetëm 87 persona janë dënuar për korrupsion tregon se është e domosdoshme të ketë ndryshime sistemore ose reforma në sistemin gjyqësor i cili duhet të veprojë”, deklaroi Zoran Ilieski, “SEGA”.

Advertisement

Ilieski shtoi se sipas hulumtimit të tyre vetëm 0.015% e rasteve korruptuese janë zgjidhur nëpër gjykatat e vendit. Kjo, sipas tij, tregon interesin dhe punën e ulët të sistemit gjyqësor në vend, për të luftuar korrupsionin. Andaj shton se duhet të bëhen reforma sistemore urgjente. /Alsat.mk  Gazetar: Mefail Ismaili

Advertisement

Lajme nga vendi

Aksion policor si nëpër filma, arrestohen dy persona në pik pagesën afër Tetovës

Published

on

Ministria për Punë të Brendshme njofton se gjatë ditës së sotme policia e Shkupit në bashkëpunim me atë të Tetovës ka arrestuar dy persona nga Haraçina, pasi të njëjtit janë kapur duke transportuar 35 kilogramë drogë. Nga MPB bëjnë të ditur se pas dokumentimit të plotë të rastit ndaj dy personave në fjalë po ngritët kallëzim përkatës.

“Në orët e paradites në pikën pagesore në magjistralen Gostivar – Tetovë, zyrtarët policorë i kanë dhënë shenjë ndalimi automjetit të pasagjerëve “Range Rover”, me targa të Shkupit, i drejtuar nga K.A.(32), në të cilin O.A. (23) ishte pasagjer, të dy nga fshati Haraçinë i Shkupit. Personat nuk i janë bindur urdhrit të policisë për ndalimin e mjetit, por janë larguar me vrap duke dëmtuar një automjet të policisë, por shumë shpejt janë ndaluar dhe privuar nga liria. Gjatë kontrollit në bagazhin e automjetit janë gjetur 4 thasë me marihuanë, me peshë totale të rreth 35 kilogramëve, me vlerë të rreth 100 mijë eurove”, njoftojnë nga MPB.

 

Advertisement

Continue Reading

Lajme nga vendi

Do të rritet çmimi për nxjerrjen e pasaportave, letërnjoftimeve dhe lejeve për vozitje në Maqedoni

Published

on

Ministria për Punë të Brendshme informon se duke vepruar sipas përfundimit të Qeverisë, zbaton procedurë për ndryshimin e vendimit për çmimet për formularët për nxjerrjen e dokumenteve personale. Nga MPB për “360 shkallë” thonë se për momentin dokumentet personale nxirren me çmimet që kanë qenë deri tani.

Çmimet do të ndryshohen kur vendimi të hyjë në fuqi dhe të publikohet në Gazetën zyrtare të RMV-së, përcjell Telegrafi Maqedoni.

Çmimi i pasaportës për personat deri në 27 vjeç do të mbetet i pandryshuar dhe do të jetë 1.500 denarë, por pasaporta për personat mbi 27 vjeç do të jetë 2.000 denarë, që është rritje prej 500 denarë. Çmimi i letërnjoftimit do të jetë 310 denarë, që është rritje prej 120 denarë. Çmimi i patentë shoferit do të jetë 410 denarë, që është rritje prej 130 denarë.

Do të ketë ndryshime edhe në çmimet dhe formularët për procedurat me urgjencë.

Advertisement

Çmimi i pasaportës me procedurë urgjente do të jetë 6.100 denarë, që është rritje prej 1.600 denarë.

Çmimi i patentë shoferit me procedurë urgjente do të jetë 1.230 denarë, që është rritje prej 390 denarë.

Nga MPB thonë se ndryshimi i çmimeve vjen si pasojë e rritjes së çmimeve të blerjes së formularëve të importuar, rritjes së kostove për mirëmbajtjen e sistemit, që kryhet nga një operator ekonomik i huaj, si dhe blerjes së makinerive të reja për shkak të nevojës për zëvendësimin makinerive për personalizim.

Ndryshe, deri në shkurt të vitit 2024, qytetarët kanë detyrim ligjor të ndryshojnë të gjitha dokumentet personale të cilat i kanë me emrin e vjetër të shtetit “Republika e Maqedonisë”.

Advertisement
Continue Reading

Lajme nga vendi

Nuk vdes nga sheqeri 19, pretendojnë mjekët – Nga se vdiq atëherë 6-vjeçarja Jana, e kishin gabuar mjekët?

Published

on

Pse vdiq 6-vjeçarja Jana? Spitali klinik në Manastir është nën mbikëqyrje të jashtëzakonshme inspektuese. Dokumentacioni i plotë është duke u krehur nga prokuroria, policia, por pritet edhe një kontroll i jashtëzakonshëm nga një komision i formuar posaçërisht nga Ministria e Shëndetësisë.

Ndërkohë po merren deklarata nga stafi i përfshirë dhe po bisedohet me të gjithë ata që kanë pasur kontakt me vajzën.

Drejtori i spitalit në Manastir, Aleksandar Obednikovski, ka kërkuar nga ministri që të dërgohet një komision nga Shkupi që të mos ketë dyshim se diçka po fshihet.

Lajmi shqetësoi opinionin, sidomos pasi babai i Janës së vogël zbuloi se sipas analizave të gjakut ajo kishte sheqer 9 dhe më pas i dhanë glukozë me infuzion, e cila e rriti më tej sheqerin në 19, më pas ajo vdiq. Shkaqet e vdekjes komentohen edhe nga mjekët në rrjetet sociale.

Advertisement

Mjeku Nenad Lazarov thotë në statusin e tij në Facebook “Nuk vdes akute nga glicemia 19”.

Në postimin e tij, kolegët mjekë komentojnë situatën dhe thonë:

“Ju nuk vdisni nga glicemia, por vdisni nga ketoacidoza. Një humbje e rëndë për prindërit, por një ndërlikim i hiperglicemisë në fëmijëri, një gjendje akute ku shfaqet rezistenca ndaj insulinës, e ka këtë ndërlikim”.

Advertisement
Continue Reading

Më të lexuarat