Connect with us

Lajme nga vendi

Kamberi: Propozim/ligjin për nëpunësit administrativ është i dëmshëm, të tërhiqet neni diskriminues

Published

on

Edhe pse kërkohen të njëjtat kushte për tu punësuar si dhe të kryhet puna e njëjtë, në propozim Ligjin për nëpunësit administrativ
parashihet pagë më e lartë prej 10 mijë denarëve për nëpunësit administrativ në ministri dhe sekretariate për dallim me të nëpunësit e institucioneve të tjera publike. Komisioni për Parandalim dhe Mbrojtje nga Diskriminimi kërkoi nga Qeveria dhe Ministria për Shoqëri Informatike dhe Administratë që të tërheq nenin i cili sipas tyre, është diskriminues dhe mund të sjellë pasoja.

“Nga këtu, dallimi në pagë është 200 pikë apo 16,000 denarë në bruto ose 10,000 denarë neto. Problemi i bërjes së dallimit mes këtyre dy grupeve të të punësuarve në ministri dhe sekretariate me të tjerët është ajo që nëpunësit shtetërorë punësohen dhe punojnë bazuar në kualifikimet e njëjta profesionale”, deklaroi Ismail Kamberi, kryetar i Komisionit për Parandalim dhe Mbrojtje nga Diskriminimi.

Sipas Kamberit, këto dispozita janë në kundërshtim me Kushtetutën e vendit si dhe Paktin Ndërkombëtar për të Drejtat e Njeriut dhe në qoftë se votohen, do të nxisin probleme shtesë.

“Këto dispozita në qoftë se votohen, mund të nxisin probleme gjatë punës në institucione, përkatësisht te administrata e cila merr pagë më të vogël. Këto probleme mund të ndërlidhen me uljen e motivimit për punë, uljen e efikasitetit të institucioneve ndërsa në afatgjatë ekziston rrezik të vendoset diskriminim strukturor te të gjitha institucionet”, tha Ismail Kamberi, kryetar i Komisionit për Parandalim dhe Mbrojtje nga Diskriminimi.

Advertisement

Propozimi ligji parasheh rritje pagash vetëm për rreth 5 mijë nëpunës administrativ. Sipas Komisionit për Parandalim dhe Mbrojtje nga Diskriminimi është e padrejtë që një pjesë e nëpunësve të favorizohen, ndërsa të tjerët të nënvlerësohen. /Alsat.mk  Gazetar: Ardit Ramadani

Advertisement

Lajme nga vendi

Saiti: Vendimet e Gjykatës Kushtetuese doemos të respektohen

Published

on

Vendimi i Gjykatës Kushtetuese duhet të respektohet. E lexova deklaratën e tyre dhe është e vërtetë, ato nuk përcaktojnë pagën, por kanë korrigjuar dispozita që sipas tyre konsiderojnë se mund të korrigjohen, deklaroi kryetari i Shoqatës së gjyqtarëve, Xhemali Saiti.

Në pyetjen e gazetarëve në kuadër të Konferencës së sotme të gjyqtarëve 2023, me rastin e 31 Marsit – Ditës së gjyqësorit, Saiti theksoi se çështja është nëse shteti për momentin ka kapacitete ekonomike për t’i përmbushur ato kërkesa.

“Kjo mënyrë e përllogaritjes së pagës e cila ekzistonte deri më tani është bllokuar me një dispozitë e cila duhej të ketë karakter të përkohshëm, por ajo dispozitë ka që zbatohet tashmë 15 vite. Çështje tjetër është se a ka për momentin shteti kapacitet ekonomik për t’i përmbushur këto kërkesa, atë çështje me siguri e dinë njerëz nga qeveria dhe mund të përgjigjen”, tha Saiti.

Ai shprehu edhe indinjatën e tyre për mospërmbushjen e obligimeve të Qeverisë ndaj gjyqtarëve lidhur me rritjen e pagave.

Advertisement

“Ju e dini se jemi në një proces të gjatë negociatash me Qeverinë, duke hequr dorë nga kërkesat tona legjitime që të miratohet Ligj për pagat e gjyqtarëve i cili një ditë para vendimit të Gjykatës Kushtetuese u dorëzua në Komisionin para Kuvendit dhe u bllokua përmes amendamenteve, pastaj pasoi vendimi i Gjykatës Kushtetuese”, sqaroi Saiti, duke shtuar se pushteti ekzekutiv dhe legjislativ duhet ta përmbushin obligimin e tyre.

Gjykata Kushtetuese me vendim për shfuqizimin e dy neneve të Ligjit për paga dhe kompensim të funksionarëve, mundësoi rritjen e pagave të funksionarëve shtetërorë për 78 për qind. Me vendimin, përveç kryeministrit, presidentit, kryetarit të Kuvendit dhe të gjithë kryerësve të funksioneve publike përfshihen edhe gjyqtarët kushtetues.

Continue Reading

Lajme nga vendi

Zhduket një vajzë 12-vjeçare nga Shkupi, prindërit e saj kërkojnë ndihmë

Published

on

Një vajzë 12-vjeçare nga Shkupi është zhdukur që nga dje. Thirrje për ndihmë kanë publikuar edhe prindërit që kanë denoncuar rastin në polici mbrëmjen e djeshme në rrjetet sociale.

Familja e 12-vjeçares Anisa Ajro nga Shkupi që nga mëngjesi i sotëm është në kërkim të saj në rrjetet sociale dhe janë lënë numra telefoni që kushdo që e sheh të telefonojë të afërmit e saj. Të dhënat zyrtare thonë se vajza është larguar disa herë nga shtëpia dhe me ndihmën e policisë është kthyer pranë familjes.

“Më datë 30.03.2023 në Stacionin Policor Bit Pazar në ora 20:30, E.A.(38) ka raportuar se vajza e tij A.A.(12) ka ikur, ndërsa rreth orës 22:00 G.O.(39) ka lajmëruar se vajza e tij ka ikur vajzën MK (15). ). MK dhe më parë në disa raste ajo është larguar nga shtëpia dhe është kthyer mbrapsht. “Po merren masa për gjetjen e personave”, tha MPB për “A1on”.

Advertisement
Continue Reading

Lajme nga vendi

Në rrugën magjistrale Shkup-Bllacë gjendet një trup i pajetë

Published

on

Në rrugën magjistrale Shkup-Bllacë, mbrëmë rreth orës 23:30 (30.03.2023) është denoncuar se tek qarkorja në Vizbeg është gjetur një trup i pa jetë, pa kokë. Në vend ngjarje ka dalë ekip i mjekësisë ligjore dhe prokuror publik.

Sipas informacioneve të para, me siguri bëhet fjalë për migrant ilegal i cili është rrëzuar nga kamioni në të cilin ka qenë duke udhëtuar, ndërsa më pas është shkelur nga një makinë e rëndë që nuk është ndaluar në vendin e ngjarjes. Më tepër informacione pritet gjatë ditës.

Continue Reading

Më të lexuarat