Connect with us

Lajme nga vendi

Zgjedhjet janë zgjidhje për VMRO DPMNE-në, Mickoski: Të vendosë populli se kujt i beson

Published

on

Qytetarët mezi kalojnë muajin, të shqetësuar se si do ta kalojë dimrin, kurse krimi dhe korrupsioni janë në nivelin më të lartë, vlerëson kreu i VMRO-DPMNE-së Hristijan Mickoski. Ai thotë se zgjidhja e vetme janë zgjedhjet e parakohshme parlamentare.

“Deri sa Maqedonia ka shumë probleme, ai ashtu, guximshëm vendos si komedian të më ofendojë mua dhe VMRO-DPMNE-në në paraqitjet publike.
Nëse është aq i guximshëm si prezantohet, ka mënyra se si ta manifestojë atë guxim, të shkojmë në zgjedhje të parakohshme parlamentare dhe populli të vendosë a do t’u besojë shfaqjeve të tij si komedian ose realitetit të vështirë dhe të ashpër në Maqedoni”, deklaroi Hristijan Mickoski, kryetar i VMRO-DPMNE-së.

LSDM-ja beson se opozita maqedonase, gjegjësisht Mickoski në bashkëpunim me Apasievin, dëshirojnë të bllokojnë eurointegrimin.

“Mickoski një ditë thotë se përkrah integrimin në BE, të nesërmen në Kuvend i bllokon të gjitha legjislacionet që kanë të bëjnë me BE-në. Mickoski është një njeri pa vizion, i cili së bashku me Apasiev dëshiron ta kthejë vendin në të kaluarën e errët të frikës, izolimit dhe ndarjeve të brendshme, por LSDM-ja dhe qytetarët nuk do ta lejojnë këtë”, thonë nga LSDM.

Pushteti nuk pranon assesi zgjedhje të parakohshme dhe vlerëson se është momenti kur fokusi duhet të jetë te procesi i negociatave. /Alsat.mk  Gazetare: Fatlume Dervishi

Advertisement

 

 

Advertisement

Lajme nga vendi

Fushata zgjedhore/ Troshanovski: Mosmiratimi i Kodit Zgjedhor mundëson keqpërdorimin e resurseve shtetërore

Published

on

Mos votimi i ndryshimeve të Kodit Zgjedhor sipas rekomandimeve të OSBE/ODIHR tregon se partitë nuk dëshirojnë t’i braktisin praktikat e vjetra të cilat mundësojnë shumë mjete financiare dhe resurse shtetërore në interes të partive dhe jo në interes publik. Kështu vlerëson kryetari i Institutit për Demokraci “Societas civilis”, Marko Troshanovski.

Ai në intervistë për REL tha se, rreth 2,7 milionë euro do të derdhen në portalet e internetit të sapoformuara dhe nuk kanë pronarë, as politikë redaktuese, që nuk dinë nëse do të publikojnë më tej ose jo.

“Kemi situatë ku një kompani paraqet nga katër, pesë portale, prej të cilave çdokush do të mund të marrë nga 15 mijë euro, para për të cilat ka indikacie serioze se keqpërdoren ose për rifinancim të fushatave ose përfundojnë ne xhepa privat. Momenti i dytë është përdorimi i veturave në fushatë. Deri më tani rreth 400 nga mbi 1.500 institucionet i kanë paraqitur veturat e tyre zyrtare, përkatësisht tabelat e tyre të regjistrimit që qytetarët të mund të shohin nëse i përdorin në fushatë”, tha Troshanovski.

Duke folur për fushatën zgjedhore, Troshanovski tha se deri më tani ka qenë e denjë sa i përket mediave tradicionale. Ndërkaq, sipas tij, pjesa më e madhe e fushatës së zezë dhe të ndryrë është zhvilluar në rrjete sociale.

“Ajo do të radikalizohet në mënyrë të pashmangshme me afrimin e fundit. Nuk kemi qenë ende dëshmitarë të përballjeve politike, ku më së shumti dalin në shesh këto dukuri negative në komunikimin politik”, tha Troshanovski.

Sa i përket ndryshimeve kushtetuese dhe anëtarësimit në BE, Troshanovski tha se ndryshimi i kornizës negociuese është kryesisht skenar i pamundur, duke shtuar se, vendi nuk ka kapital diplomatik për të bërë një gjë të tillë.

Advertisement
Continue Reading

Lajme nga vendi

Ahmeti përkujton dëshmorin Mujdin Aliu në 25 vjetorin e rënies së tij në Koshare

Published

on

Kryetari i Bashkimit Demokratik për Integrim, Ali Ahmeti ka përkujtuar dëshmorin Mujdin Aliu në 25 vjetorin e tij të rënies heroike.

Ahmeti shkruan se Aliu ishte rritur nën frymën e atdhedashurisë ndaj dha kontributin e tij në luftën e Kosovës, ku ra heroikisht në Kushare.

Statusi i plotë:

Kujtojmë sot në 25 vjetorin e rënies heroike në betejën e Koshares, heroin e kombit Mujdin Aliu.

I rritur me ndjenjën e thellë të atdhedashurisë në vatrën e tij familjare, Mujdini do t’i përgjigjej pa ngurrim kushtrimit që lëshoi Kosova dhe me gjakun e tij do të ujisë rrënjët e lirisë së saj.

Advertisement

Bashkë me shokë do t’u jepnin goditje të fortë forcave ushtarake serbe në Koshare duke thyer kufirin e vendosur nga ana e tyre mes Shqipërisë dhe Kosovës.

Lavdi e përjetshme Mujdin Aliut dhe të gjithë dëshmorëve të kombit!

Continue Reading

Lajme nga vendi

VIDEO: Shkendija i rikthehet luftës mposhti Sileksin me rezultat 6-1

Published

on

Në një nga edicionet më bindëse të kësaj pranvere, Shkendija mposhti Sileksin me rezultat 6-1 (1-1), në ndeshjen e xhiros së 27-të të LPFM, ku tre gola në shtëpi erdhën nga këndi.

Shkendia ishte bindëse, ajo arriti të “thyejë” Sileksi me 6:1, edhe pse në një moment rezultati nën Sharën ishte 1:1. Megjithatë, Tetovci tregoi të gjithë cilësinë e tij dhe arriti të fitojë tri pikë të mëdha në betejën për titull.

Continue Reading

Më të lexuarat