Connect with us

Lajme nga vendi

Editorial / Partitë e vogla në qeveri nuk duhet t’i fryjnë zjarrit, se mund të digjen edhe vetë!

Published

on

Partitë e vogla që janë pjesë e koalicionit qeveritar kanë filluar të nxjerrin “shkelma” duke parë që qeveria e ka të vështirë të gjejë numra të mjaftueshëm për të ndryshuar Kushtetutën. Në rrethana të vështirësive të këtilla, këta parti kërcënojnë qeverinë që ose të përfitojnë më shumë nga kulaçi qeverisës ose do të kërkojnë zgjedhje të parakohshme parlamentare!

Trajanov: Ose zgjedhjeve të parakohshme, ose qeveri gjithëpërfshirëse

Kryetari i Lidhjes Demokratike të Maqedonisë së Veriut, Pavle Trajanov, së fundmi e ka rritur presionin ndaj qeverisë duke deklaruar së fundmi se jemi më afër zgjedhjeve të parakohshme parlamentare sesa të ketë mundësi ky parlament të votojë ndryshimet kushtetuese.

“Është krejt e sigurt që kjo përbërje parlamentare nuk do të mund të bëjë ndryshime kushtetuese. Duhet të mendohet hapja e një debati për mbajtjen e zgjedhjeve të parakohshme parlamentare ose, si opsion i dytë, të bëhet një qeveri e gjerë që do të zgjidhë situatën e vështirë në vend lidhur me krizën energjetike dhe ekonomike dhe stabilitetin e vendit”, ka thënë Trajanov. Sa i përket çështjes së futjes së pakicës bullgare në Kushtetutë, ai ka thënë se kërkon reciprocitet.

“Ne si parti kërkojmë reciprocitet – nëse bullgarët janë të përfshirë në Kushtetutë, atëherë duhet të njihen të drejtat e maqedonasve në Bullgari dhe ky është kushti ynë”, tha Trajanov, duke shtuar se një pjesë e deputetëve mendojnë se po hapet një debat i panevojshëm mediatik mes partive më të mëdha, në kushtet kur jemi larg konsensusit dhe mbështetjes publike për këtë çështje.

Advertisement

Opozita shton gjuhën e kërkesës për zgjedhje të parakohshme

Partitë opozitare në Maqedoninë e Veriut kanë intensifikuar kërkesën për zgjedhje të parakohshme parlamentare, në veçanti pas zgjedhjeve lokale që u mbajtën më 20 gusht në tri komuna të Maqedonisë së Veriut. Fitorja e Lëvizjes Besa dhe epërsia e madhe në këtë qytet e VMRO DPMNE-së opozitare është e mjaftueshme për çuarjen e vendit në zgjedhje të reja për shkak të pretendimit të tyre se qeveria e ka humbur legjitimitetin.

Sipas VMRO DPMNE-së, qytetet më të mëdha të Maqedonisë së Veriut janë nën drejtimin e opozitës, andaj edhe “duhen zgjedhje që edhe pushteti qendror të kalojë në duart e opozitës”.

Të njëjtën e ka kërkuar edhe kryetari i Komunës së Tetovës, Bilall Kasami, që drejton Lëvizjen Besa. Kjo parti ka fituar numrin më të madh të anëtarëve në Kuvendin Komunal dhe tani kërkon zgjedhje të parakohshme parlamentare.
Por, partitë që janë pjesë e Qeverisë, në veçanti Lidhja Social Demokrate, ka hedhur poshtë kërkesën e opozitës për zgjedhje bazuar në fitoren e kësaj partie në dy komunat e vogla ku fituan kandidatët e saj.

Partitë e vogla shohin vetëm përfitimet partiake dhe jo për interesin e shtetit

Advertisement

Partitë më të vogla parlamentare në momentet më të vështira për qeverinë shikojnë se si të përfitojnë ndonjë funksion më të madh e në këtë mënyrë të përfitojnë më shumë vota në zgjedhjet e ardhshme. Atyre nuk u intereson aspak interesi i shtetit se në çfarë krizë gjendet. Është fakt se Maqedonia e Veriut gjendet në një krizë politike dhe ekonomike. Kriza ekonomike është në të gjithë botën dhe çmimi i rritjes së energjisë nuk ndodh vetëm në vendin tonë, pasi energjia blihet me çmimin e bursës.

Ndërkaq, kriza politike është shkaktuar nga presioni i vazhdueshëm bullgar dhe nga kërkesat e tyre të njëpasnjëshme, e kjo e fundit që bullgarët që jetojnë në Maqedoninë e Veriut të futen në Kushtetutë. Kjo kërkesë është pranuar nga qeveria, por që të hapet Kushtetuta duhet të votojnë 80 deputetë ose 2/3 e deputetëve në Kuvend. Prandaj, duke e zënë ngushtë qeverinë, partitë më të vogla si kjo e Pavle Trajanovit me një deputet të vetëm kërkon që të fitojë edhe ndonjë funksion shtesë dhe në këtë mënyrë kërcënon se më mirë të shkohet në zgjedhje parlamentare ose të gjendet zgjidhje tjetër.

Në një far forme, tani Trajanov kërkon që qeveria t’i japë edhe ndonjë pozitë drejtuese, qoftë ministër, zëvendës ministër ose ndonjë drejtori, nëpërmjet së cilës kjo parti do t’i kënaqë apetitet e bashkëpartiakëve të saj dhe do të ketë mundësi të premtojë më shumë në zgjedhjet e ardhshme parlamentare.

Në të gjithë botën demokratike partitë që janë pjesë e qeverisë duhet të zhvillojnë punën e tyre në bazë të marrëveshjes që e kanë bërë për koalicion dhe t’i qëndrojnë besnik asaj marrëveshje. Por tek ne, çdoherë kur ka pasur vështirësi në qeverisje, të parët që kanë ngritur zërin janë partitë e vogla dhe me zhurmën e tyre e bëjnë me dije se janë ende gjallë.

Mungesa e efikasitetit të punës së deputetëve duket edhe në Kuvendit të Maqedonisë së Veriut duke mos i kryer deputetët punët siç duhet. Dhe pikërisht për këtë arsye për miratim po presin 83 projektligje nga lëmi të ndryshme, si arsim, shëndetësi, ekonomi, projektligji për zgjedhjen e anëtarëve të Gjykatës Kushtetuese, emërimi i kuadrove nëpër institucione të ndryshme e propozime tjera.

Advertisement

Mungesa e efikasitetit të punës së Kuvendit ka të bëjë me shumicën parlamentare prej 63 deputetësh nga 120 sa numëron gjithsej institucioni ligjvënës. Deputetët e opozitës, në momentin që nis seanca, largohen nga salla për të mos siguruar numrat prej 61 deputetësh për fillimin e saj, apo braktisin punimet në momentin kur projektligjet vihen për votim.

Partitë e vogla nuk duhet t’i fryjnë zjarrit, se mund të digjen edhe vetë!

Partitë, në vend se të kërkojnë zgjedhje të parakohshme duhet të analizojnë fenomenin e daljes gjithnjë e më të ulët të qytetarëve në votime.
Në zgjedhjet lokale në Tetovë në votime dolën 35 për qind e qytetarëve me të drejtë vote apo 10 për qind më pak se zgjedhjet e para një viti. Kjo flet se qytetarët pas 30 viteve demokraci janë të dëshpëruar nga liderët dhe ofertat e partive politike. Në çdo cikël zgjedhor kemi dalje gjithnjë e më të ulët në votime. Nëse partitë nuk korrigjohen në oferta serioze dhe politika të qëndrueshme edhe në zgjedhjet e ardhshme, qoftë parlamentare apo presidenciale do të ketë dalje të ulët në votime.

Nëse në zgjedhjet e fundit parlamentare këto parti kanë arritur të marrin një ose dy deputetë, kjo do të thotë se në zgjedhjet e ardhshme me politikat e tyre destruktive mund të mbesin me zero deputetë. Prandaj, të kërkosh diçka që nuk të takon është diçka që qytetarët e lexojnë mirë. Nëse dëshiron të jesh në qeveri, e të luash në rolin e opozitës, kjo nuk i pëlqen votuesit, sepse përgjegjës për dështimet e qeverisë janë të gjithë partitë e koalicionit të shumicës.

Zgjedhjet e fundit parlamentare në Maqedoninë e Veriut janë mbajtur më 15 korrik të vitit 2020. Qeveria, që drejtohet nga Dimitar Kovaçevski, u formua në janar të vitit 2022 duke zëvendësuar Zoran Zaevin, i cili dha dorëheqje pas disfatës në zgjedhjet lokale, më 31 tetor të vitit 2021. Kovaçevski disa herë ka thënë se zgjedhjet e radhës do të jenë të rregullta dhe do të mbahen në vitin 2024.

Advertisement

Maqedonisë së Veriut nuk i duhen zgjedhje të parakohshme parlamentare, e sidomos para se të fillojnë negociatat e plota për integrim në Bashkimin Evropian. Hapja e kushtetutës dhe futja në të edhe të bullgarëve bashkë me pakicat tjera siç janë kroatët, malazezët, egjiptianët dhe së fundmi bashkësia maqedonase me rrënjë izraelite, është rreziku më i vogël që mund t’i ndodhë vendit, por është dera e madhe e hapur për integrim në BE. Çdo pengim i rrugës eurointegruese e dëmton shtetin në rrafshin politik bashkë me stabilitetin ekonomik.

Andaj, është shumë e udhës që të rishqyrtohet çdo kërkesë e partive të koalicionit nëse janë për zgjedhje të parakohshme parlamentare ose jo. Çfarë përfitojnë dhe çfarë humbin!zhurnal.mk

Advertisement
Click to comment

You must be logged in to post a comment Login

Leave a Reply

Lajme nga vendi

Partitë vazhdojnë me prezantimin e programeve zgjedhore, javë jo e plotë deri në rrethin e parë të zgjedhjeve presidenciale

Published

on

Në kuadër të fushatës për zgjedhjet parlamentare, që filloi të enjten, edhe sot kandidatët për deputetë në gjashtë njësitë zgjedhore do t’i prezantojnë platformat e tyre para qytetarëve në disa pjesë të vendit. Në të njejtën kohë vazhdon edhe fushata për zgjedhjet presidenciale, rrethi i parë i të cilave do të mbahet të mërkurën, më 24 prill, përderisa rrethi i dytë duhet të mbahet së bashku me zgjedhjet parlamentare, më 8 maj.

Kandidati për president i mbështetur nga koalicioni i LSDM-së, Stevo pendarovski në suaza të karvanit zgjedhor sot do t’i vizitojë banorët e Novo Sellës, Bosillovës, Vasilevës, ndërsa tubime do të mbajë në Radovish dhe në Strumicë.

Kandidatja për presidente e mbështetur nga VMRO-DPMNE, GOrdana Siljanovska-Davkova do ta prezantojë programin para qytetarëve në Makedonska Kamenicë, Pehçevë, Berovë dhe Dellçevë.

Kandidati presidencial, Stevço Jakimovski dhe koalicioni “Guximshëm për Maqedoninë” do të mbajë tubim në lagjen e Shkupit Karposh, ndërsa kandidati për prersident, Maksim Dimitrievski nga Lëvizja ZNAM – Për Maqedoninë tonë do ta prezantojë programin para qytetarëve në Resnjë, Pretor, Novaci dhe në Manastir.

Në kuadër të ditës së tretë të fushatës për zgjehdjet parlamentare, kryetari i LSDM-së, Dimitar Kovaçevski do të jetë mes qytetarëve të Bërvenicës dhe të Tetovës.

Advertisement

Mbrëmë nga Ohri dhe Struga, Kovaçevski porositi se BE-ja është mundësia e vetme për përparim  të shtetit.

Nga Struga, ai theksoi se vendit i nevojitet unitet nacional për integrim në BE, në vend se unitet nacional për moratorium dhe se kjo është rruga e vetme për ndryshime dhe mu ky është vendimi që duhet të sillet në këto zgjedhje.

Duke e komentuar fjalimin e liderit të VMRO-DPMNE-së Hristian Mickoski nga tubimi në Ohër, të enjten, për unitet maqedonas dhe për moratorium, ai tha se gjithnjë e më shumë njerët e kuptojnë se moratoriumi i vetëm, në, sip theksoi, kokën e Mickoskit është moratoriumi për integrim të shtetit në BE.

Kandidati për president, Stevo Pendarovski, mbrëmë para banorëve të Butelit theksoi se rruga drejt BE-së është rruga e vetme e drejtë, e cila nuk do të na kthejë në pasigurinë ballkanase.

Sa i përket ofertës së kryetarit të VMRO-DPMNE-së, Hristijan Mickoski për koalicion me Të Majtën dhe Lëvizjen ZNAM është zgjedhje demokratike e secilit të bëjë koalicion me kë të dojë, por siç tha, “oferta për koalicionim me partinë e tij që në ditën e parë të fushatës për zgjedhjet parlamentare tregon se ai kërkon ndihmë”.

Advertisement

“Në mes fushatës nuk kërkojmë ndihmë nga ndonjë mik. Më duket se kjo është shenjë e qartë e dobësisë, sepse z.Mickoski e di se çfarë e pret me 24 prill dhe 8 maj. Përndryshe pse do të kërkonte ndihmë nga jashtë?, ka thënë Pendarovski.

kandidati për president ng ZNAM, Maksim Dimitrievski, mbrëmë nga Velesi porositi se nuk do të koalicionojnë, as nuk do të bisedojnë me dikë për koalicion të ardhshlm pa u nënshkruar dhe definuar paraprakisht linjat e kuqe për shtetin.

E porositi Mickoskin të ketë kujdes, çka, si dhe në çfarë mënyre i prezanton qëndrimet e tij dhe të ketë kujdes çfarë oferta jep, sepse për anëtarët e ZNAM fjala ka peshë.

kandidati për president nga Fronti Evropian i kryesuar nga BDI, Bujar Osmani dje nga Saraji u premtoi të rinjve se nëse zgjedhet president, do të krijojë shtet në të cilin pa dallim të përkatësisë etnike, secili do të mund t’i realizojë ëndrrat e veta.

Paraprakisht në takim me odat ekonomike paralajmëroi se do të vazhdojë krijimi i këshillit nacional për rritje ekonomike, ku do të bënin pjesë përfaqësues të partive politike dhe faktorë ekonomik, ndërsa i cili do të funksiononte si një lloj bordi drejtues shtetëror me qëllim të arritjes së konsensusit shtetëror lidhur me parametrat dhe rregullativat kyçe për një zhvillim të përshpejtuar dhe të qëndrueshëm.

Advertisement

Kandidatja për president nga koalicioni i udhëhequr nga VMRO-DPMNE, Gordana Siljanovska- Davkova mbrëmë nga Kriva Pallanka tha se beteja më e rëndësishme që duhet të fillojë më 24 prill, është lufta e pakompromis kundër krimit dhe korrupsionit.

“Kur kritikojmë BDI-në, nuk kritikojmë shqiptarët. Kur kritikojmë vendimet e koalicionit, nuk nisemi nga aspektet etnike apo fetare, por nga përfshirja e thellë e tyre në krim dhe korrupsion. Mendoj se beteja më e rëndësishme që duhet të fillojë më datën 24 dhe të konfirmohet me shpejtësinë më të madhe në të ardhmen është lufta e pakompromis kundër krimit dhe korrupsionit”, tha Siljanovska- Davkova.

Duke theksuar rolin e presidentit, ajo tha se para Pendarovskit janë miratuar shumë ligje për të cilat është dashur të vë veto, por nuk e ka bërë.

“Tetë vite presidenti ka bërë thirrje për veting. Kjo do të thotë ose rizgjedhje e përgjithshme ose formë tjetër e vetingut, kur duhet të bëhet vlerësim ose rivlerësim i të gjithë kandidatëve për sa i përket pronës ose asaj që është bërë. Por, tre herë të angazhoheni për diçka dhe të mos bësh asnjë hap drejt saj, mendoj se ju paralajmëron se duhet t’i vendosni vetes veto për atë që premton dhe nuk e përmbush”, tha Siljanovska- Davkova.

Lideri i VMRO-DPMNE-së, Hristian Mickoski në tubimin në Kriva Pallankë, i bëri thirrje opozitës për unitet nacional.

Advertisement

“Jetojmë në kohë të vështira. Shteti është në kaos, institucionet janë paralizuar, apatia dhe zhgënjimi ndjehet kudo. Ka humbur besimi te politikanët, sepse vullneti i popullit shumë herë është shkelur. Asgjë nuk funksionon. Maqedonia është marrë nga duart e qytetarëve dhe qytetarët me të drejtë janë skeptikë nëse kjo mund të ndryshohet, tha mbrëmë lideri i VMRO-DPMNE-së, Hristijan Mickoski.

Sipas Mickoskit, këto zgjedhje janë shansi i fundit për shpëtim, ndryshimet janë të mundshme dhe të arritshme. Ai theksoi se populli nuk ka kontroll mbi shtetin e vet sepse, siç tha, qindra njerëz të BDI-së drejtojnë me vendin. BDI-ja dhe LSDM-ja, siç theksoi ai, po bëjnë konspiracion kundër shtetit me ndarje të pozitave dhe funksioneve shtetërore.

Kandidati për president nga GROM, Stevço Jakimovski vlerësoi se E Majta dhe ZNAM po bëhen pjesë e VMRO-DPMNE-së dhe dorë e zgjatur e këtij koalicioni.

Zgjedhjet presidenciale do të mbahen të mërkurën, ndërsa për fundjavë janë paralajmëruar edhe tubime parazgjehdore në Shkup, për ç’shkak nga MPB paralajmërojnë se në rajonin qendror të qytetit do të vendoset regjim i posaçëm i komunikacionit.

Sot në hapësirat e KSHZ-së duhet të votojnë edhe anëtarët e këshillave zgjedhorë të cilët duhet të jisen jashtë vendit për shkak të votimit të diasporës e cila do të votojë një ditë para zgjehdjebe kur do të votojnë të sëmurët, personat e pamundur dhe të burgosurit.

Advertisement

Dje kryetari i KSHZ-së, Aleksandar Dashtevski në intervistë për servisin nacional tha se KSHZ është e gatshme të mbajë zgjehdje të drejta, demokratike dhe kredibile, dhe se rezultatet fillestare jozyrtare priten deri në mesnatë.

Prej sot, siç paralajmëroi, do të fillojë distribuimi i materialit të besueshëm dhe jo të hbesueshëm drejt komisioneve komunlae zgjedhore të cilat më pas materialin duhet ta dorëzojnë në këshillat zgjehdorë. Shkollat, në hapësirat e të cilave do të mbahet votimi të mërkurën, një ditë më parë do të punojnë deri në orën 11:00, pas pka do të fillojë distribuimi i materialit zgjedhor.

Fushata e deritnaishme, sipas kreut të KSHZ-së, është në suaza të rregullave të lojës dhe deri më tani nuk janë vërejtur incidente dhe sulme më serioze.

Continue Reading

Lajme nga vendi

Hasani: Arsovska, Bexheti dhe Levica nuk lejuan organizimin e tubimit në Sheshin Maqedonia, çdo përgjigje ditën e hënë do të ishte e vonshme

Published

on

Bashkim Hasani nga Vlen ka informuar se siç e kërkon procedura kanë kërkuar kërkesë deri tek qyteti i Shkupit që tubimin Qëndror ta organizojnë në Sheshin Maqedonia në Shkup, siç theksoi Hasani për të parë të gjithë se çka është tubim madhështor.

“Deri sot nuk kemi marrë asnjë përgjigje nga qyteti gjë që nënkupton që përgjigja është negative, e këtë vendim e kanë marrë kryetarja Danella Arsovska, Blerim Bexheti bashkë me Levicën të cilët janë në koalicion. Në panik për të pamundësuar koalicionin VLEN të organizojë tubim, duke ditur atmosferën dhe përkrahjen e madhe të qytetarëve çdo përgjigje që do të vinte ditën e hënë do të ishte e vonshme dhe tendencioze për shkak kohës së shkurtë për organizim”, tha Hasani.

Continue Reading

Lajme nga vendi

Humbin jetën dy persona në një aksident në rrugën Shtip – Koçan

Published

on

Një aksident i rëndë trafiku ka ndodhur në autostradën e shpejtë Shtip-Koçan, në afërsi të zonës industriale në Shtip. Sipas informacioneve fillestare nga aksidenti kanë humbur jetën dy persona.

Zëdhënësja e SPB Shtip, Gordana Panajotova, ka konfirmuar se në këtë autostradë të shpejtë ka ndodhur një aksident i rëndë trafiku.

Ajo tha për AIM-n se hetimet dhe sigurimi i vendit të aksidentit nga ana e policisë është duke vazhduar.

Aksidenti ka ndodhur rreth orës 14:25 mes dy automjeteve të pasagjerëve.

Continue Reading

Më të lexuarat