Connect with us

Lajme nga vendi

I paarmatosur, por i fuqishëm politikisht, figura unike politike e shqiptarëve Arbën Xhaferi i mendimeve të mëdha!

Published

on

Mungon Arbën Xhaferi i mendimeve të mëdha! Popullariteti i Arbën Xhaferit nuk shënoj rrënje as para, as pas konfliktit te vitit 2001, por as pas vdekjes së tij

Nga Destan Jonuzi

Arbën Xhaferi për arsye të ndryshme mbetet figura unike politike e shqiptarëve të Maqedonisë. Fjala latine “Memento” do të thotë “mos harro mbajë në mendje”, vitet 1991, 92’ dhe 93’. Pse? E gjitha filloj në këto vite, kur gazetari i urtë, pati guximin të dalë në krye të një partie opozitare shqiptare për të promovuar demokracinë, pluralizmin politik dhe kërkesat legjitime politike të shqiptarëve të Maqedonisë së asaj kohe, e Maqedonisë së Veriut të sotshme.

Partia e Xhaferi e cila atë botë kundërshtonte pushtetin e Gligorovit dhe Cervenkosvskit ishte më shumë se një parti politike, ishte një lëvizje popullore e cila kundërshtonte politikën diskriminuese dhe shtypëse që iu bëhej shqiptarëve. Në kohën kur ndodhën edhe momentet ekzaltuese të shqiptarëve të Maqedonisë Ladorishti, Universiteti i Tetovës, Bit Pazari, Lufta në Kosovë, Konflikti i vitit 200, ai ishte në mesin e shqiptarëve. I paarmatosur, por i fuqishëm politikisht. Nga shumica e shqiptareve u vlerësua si e drejt thirrja e tij për zyrtarizimin e gjuhës shqipe (ju kujtohet slogani SHQIP, SHQIP…) dhe kërkesat për ndryshime Kushtetuese.

Pas kësaj vijnë periudha e integrimit politik të shqiptarëve gjatë viteve 1998 -2001. Më pas vjen periudha ku i gjithë aktiviteti politik përmblidhet në korniza frazologjike. Popullariteti i Arbën Xhaferit nuk shënoj rrënje as para, as pas konfliktit te vitit 2001, por as pas vdekjes së tij. Pas vdekjes, mungesën e mendimeve të tij brilante por edhe të zgjidhjeve konkrete e ndjenjë jo vetëm aktorët politikë, por edhe shqiptarët kudo në rajon. Mungon Arbën Xhaferi i mendimeve të mëdha! Këto janë disa nga më shumë fakte që cementojnë “Fenomenin Xhaferi” në Maqedoni.

Advertisement

Që gjërat të jenë kështu siç janë kanë kontribuar më shumë faktorë. Një ndër më të theksuarit është besimi i shqiptarëve të Maqedonisë në Xhaferin, politikan, filozof, letrar, gazetar e vizionar. Apo siç e quajti Xhorxh Roberson lideri i Ballkanit.

Pse pikërisht Arbën Xhaferi? Të kuptohemi. Ka shumë merita, për zhvillimet e ndodhura në interes të shqiptarëve në Maqedoni. Kur jemi te interesi i shqiptarëve duhet të theksohet edhe ai mbarshqiptar, që ishte pjesë e filozofisë së plakut të urtë. Fundja është mësues i klasës së re politike. Nga ai duhet të mësojnë politikanët nga pozita, e opozita e tanishme (maqedonas e shqiptare). Shumë mbështetës të politikave të tij e quajnë shqiptari i madhe dhe lider i gjithë shqiptarëve.

Ndërsa kundërshtarët të cilët edhe pse i bënin oponencë sa ishte aktiv në politik, përsëri respekti për të e kishin shumë të madh, e quanin politikan modern, vizionar, e humanist. Ka më shumë arsye pse shqiptarët nuk kritikojnë Xhaferin. Veprimtaria e tij kombëtare e mbarëkombëtare e ka kthyer atë në një politikan respekti, të paprekshëm dhe të paharruar. Arbën Xhaferi e kishte për qejf një thënie të Umberto Eco-s për politikën si mendim në ecje. “Siç je duke ecur, ta vënë mikrofonin përpara dhe duhet të flasësh”-Arbën Xhaferi. Ai eci dhe mendoi tërë jetën.

Advertisement
Click to comment

You must be logged in to post a comment Login

Leave a Reply

Lajme nga vendi

QMK: Një fëmijë i sëmurë është transportuar me helikopter nga Ohri në Stamboll

Published

on

Qendra për Menaxhim me Krizat (QMK) njoftoi se mëngjesin e sotëm një fëmijë tetë vjeçar është transportuar me helikopter në spitalin “Parku Mjekësor” në Stamboll të Turqisë, për një operacion në shtyllën kurrizore.

Transporti është realizuar me një helikopter të MPB-së i cili ka pajisje transportuese mjekësore, ndërsa fëmija tashmë është vendosur në Qendrën Mjekësore në Stamboll dhe për një kohë të shkurtër helikopteri do të kthehet në bazën në Shkup.

“Më datë 13 maj 2024, përmes numrit të vetëm të urgjencës 112 në QMK, ndërsa më pas me email në Qendrën e Menaxhimit të Krizave, është dërguar kërkesë nga prindi i fëmijës për transport nga Ohri deri në spitalin në Stamboll. Fëmija që u transportua me helikopter kishte probleme motorike, nuk mund të ecë në mënyrë të pavarur, nuk flet dhe ka një lakim të lartë të shtyllës kurrizore, mbi 80 për qind. Për shkak të problemeve të përmendura shëndetësore, transporti afatgjatë mund të ndikojë negativisht në shëndetin e fëmijës. Nëse merret parasysh se ky operacion në shtyllën kurrizore ishte një nga operacionet e vështira dhe të rrezikshme, dhe shërimi pas operacionit është afatgjatë dhe shumë i vështirë, veçanërisht në një gjendje të tillë, është vërtetuar se një lloj tjetër transporti me një kohëzgjatje të tillë është shumë i rrezikshëm për jetën e vajzës”, citon QMK.

Pas dërgimit të kërkesës në QMK, në koordinim ndërmjet Ministrisë së Punëve të Brendshme dhe Ministrisë së Shëndetësisë, kërkesa ka marrë përgjigje pozitive.

Continue Reading

Lajme nga vendi

Nesër seanca konstituive, me shumë gjasa Afrim Gashi kryeparlamentar

Published

on

Nesër deputetët e posazgjedhur edhe zyrtarisht do të ulen në kolltukët e deputetëve pasi që para 20 ditëve morën mandat nga qytetarët. Seanca e cila është caktuar për në ora 11, ka katër pika. Së pari zgjidhet komisioni për verifikim, i cili ka për obligim që të verifikojë mandatet e deputetëve, e më pas do të vijojë edhe zgjedhja e Komisionit për zgjedhje dhe emërime. Sipas Rregullores së re, seanca konstitutive mund të zgjasë më së shumti 3 ditë, ndërsa përfundon pas zgjedhjes së kryetarit të shtëpisë ligjvënëse, i cili me shumë gjasa do të jetë kryetari i Alternativës, Afrim Gashi.Pasi që paraprakisht kryetari i Kuvendit, Jovan Mitrevski, e caktoi, nesër seancën do ta udhëheq deputeti më i vjetër, përkatësisht Merita Koxhaxhiku, nga Lidhja Demokratike e Izet Mexhitit. Me konstituimin e përmbajtjes së re parlamentare do të hartohet edhe shumica e re, e cila, siç është e ditur do ta ketë koalicioni i VMRO-DPMNE-së që pas negociatave që u mbajtën këto ditë duhet t’i bashkohet edhe VLEN dhe deputetët e ZNAM. Me këtë shumica e ardhshme paralmentare po i afrohet numrit të dy tw tretave. Mandat për deputet për herë të parë mori kryetari i VMRO-DPMNE-së, HristijanMickoskii cili do të jetë mandatari i ardhshëm për formimin e qeverisë së re. Disa nga deputetët e shumicës së re parlamentare në ulëset e deputetëve do të jenë vetëm një kohë të shkurtër sepse një pjesë e madhe prej tyre do të shkojnë në kabinetin e ri qeveritar. Situata është e ngjashme edhe me deputetët e koalicionit VLEN, liderët e të cilit u zgjodhën për deputetët, por pritet që disa prej tyre do të shkojnë në ekzekutiv, ose të vazhdojnë punën si kryetar komune. Nga ana tjetër, përfaqësuesit e deritanishëmtë qeverisë do të jenë në karriget e parlamentit të destinuara për opozitën. Ish-kryeministri dhe kryetari i LSDM-së në largim DimitarKovaçevski, ish-zëvendëskryeministri për ekonomi Fatmir Bytyqi, ish-ministri i punëve të brendshme OliverSpasovski, ai i bujqësisë LupçoNikollovski, ministrja e mbrojtjes SllavjankaPetrovska, e kulturës BiseraKostadinovskaStojçevska, për punë dhe politikë sociale,JovanaTrençevska, për transport dhe lidhjeBllagojBoçvarski, si dhe ish-drejtoresha e Drejtorisw sw tw ardhurave publike SanjaLlukarevska. Nga radhët e BDI-së, sërish deputet do të jetë kryetari i kësaj partie, AliAhmeti, e bashkë me të edhe ish-kryetari i Kuvendit, TalatXhaferi. Ish-ministrat e kësaj partie nuk janë në përbërjen e re parlamentare.

Continue Reading

Lajme nga vendi

Haxhi 2024, nga Tetova udhëtojnë 452 persona

Published

on

Këtë vit organizimi për në Haxh ka filluar më herët se viteve të kaluara. Organizimi filloi që para fillimit të muajit të Ramazanit, me kërkesë të Ministrisë së Haxhit të Arabisë Saudite. Nga Muftinia e Tetovës thonë se fillimi më herët i organizimit ka qenë një lehtësim më i madh rreth përga&tjeve dhe organizimin e haxhit 2024. Të shtunën pritet të mbahet edhe një seminar sqarues me të gjithë ata që udhëtojnë për në haxh. Nga Tetova këtë vit për në Haxh sikurse edhe viteve të kaluara interesimi është i madh për të udhëtuar në vendet e shenjta dhe nuk janë përfshirë të gjithë të interesuarit, shkaku i numrit të kufizuar që lëshon Ministria e Haxhit. Udhëtimi për në haxh nga Tetova do të jetë më 6, 7 dhe 8 qershor.Udhëtimet e para nga Maqedonia e Veriut. për në vendet e shenjta, Mekë dhe Medina fillojnë më 4 qershor.

Nga Maqedonia e Veriut, këtë vit udhëtojnë 2020 persona për në haxh bashkë me udhëheqësit dhe ekipin mjekësor. Nga Tetova kemi 452 që do të shkojnë në haxh, duke përfshirë ekipin mjekësor dhe udhëheqësit profesional.

Mënyra e pagesës ka shkuar përmes sistemit bankar, pra qytetarët kanë paguar direkt në xhiro-llogarinë e Bashkësisë Fetare islame dhe kjo tashmë është e relizuar. Çmimi nuk ka ndryshuar nga viti I kaluar, pra kanë paguar nga 6550 euro. Në këtë çmim janë përfshirë të gjitha nevojat që kanë haxhilerët, pra, përpos banimit, qëndrimit në hotel, vaksninimit, prerja e kurbanit, veshja e posaçme, pra të githa nevojat janë në këtë çmim”, deklaroi muftiu Xhemaili. Udhëtimi nga Tetova më 6, 7 dhe 8 qershor do të bëhet me autobus deri në aeroport, ndërsa më pas me aeroplan. Udhëheqësit e grupeve, do të informojnë personat që udhëtojnë për datën dhe orën e nisjes. Haxhi është një nga pesë shtyllat e fesë islame dhe është një detyrim fetare që duhet të kryhet të paktën një herë në jetën e të gjithë myslimanëve të rritur të cilët janë fizikisht dhe financiarisht të aftë për të ndërmarrë udhëtimin, dhe që mund të mbështesin familjet e tyre gjatë mungesës së tyre.

Continue Reading

Më të lexuarat