Ish Komandanti i Ushtrisë Çlirimtare Kombëtare dhe bjë ndër themeluesit e Ushtrisë Çlirimtare të Kosovës dhe Lëvizjes Popullore të Kosovës, Ali Ahmeti, ka qëndruar dje në Ferizaj të Kosovës, ku bashkë me Kryetarin e Ferizajt, Agim Aliu, ka zbuluar bustin e Rexhep Halimit, hero i Kosovës.

“Dje në Ferizaj, bashkë me shokë, bashkuftëtarë e bashkëvrimtarë, me të parin e Ferizajt Agim Aliu, në parkun afër Spitalit të Përgjithshëm, shpalosëm bustin e veprimtarit atdhetar, Heroit të Kosovës – Rexhep Halimi.

Heroi i Kosovës Rexhep Halimi me plotë meritë u përjetësua në Ferizaj për veprën e tij të pashoq atdhetare dhe do të shërbejë si burim frymëzimi për gjeneratat e reja.

Lavdi Dëshmorëve të Kombit dhe të rënëve për liri!” shkruan Ahmeti në Facebook.

https://www.facebook.com/photo?fbid=1057153172445471&set=pcb.1057153359112119

Advertisement

Me vullnet të mirë, respekt të ndërsjellë dhe mirëkuptim mund të gjendet zgjidhje për çështjet e hapura mes Shkupit dhe Sofjes, vlerësoi presidentja Gordana Siljanovska Davkova pas takimit të djeshëm me homologun e saj bullgar Rumen Radev. Kreu i shtetit bullgar, nga ana tjetër, pret që dëshira e shprehur për dialog dhe mirëkuptim nga Siljanovska Davkova të bëhet politikë konsistente e Qeverisë së Shkupit dhe pohon se Bullgaria ka qenë gjithmonë e hapur për dialog me Maqedoninë e Veriut.

E pyetur se për çfarë janë marrë vesh me Radevin, ajo ka theksuar se janë bashkuar rreth integrimeve evropiane, kritereve të Kopenhagës, qasjes rajonale për zgjidhjen e problemeve.

“U bashkuam rreth faktit se do të marrim mësimet bullgare në rrugën evropiane, nuk do të duhet të përsërisim gabimet dhe do të kërkojmë një kompromis dhe një zgjidhje të përbashkët pa u ndjerë askush i fyer apo i lënduar dhe pa menduar se është harruar. Sinqerisht, secili prej nesh e kemi shprehur këndvështrimin tonë, e kemi dëgjuar njëri-tjetrin me respekt, por fakti është se ne përfaqësojmë interesat kombëtare të njërit dhe të tjetrit shtet, ndërsa është gjithashtu fakt që dialogu është zgjidhja kryesore”, tha Siljanovska Davkova.

Për çështjen rreth përfshirjes së bullgarëve në Kushtetutë konkretisht nuk është diskutuar në takimin me Radevin, ndërsa në lidhje me qëndrimin e saj për ndryshimin e Kushtetutës, Siljanovska Davkova tha se vendimet për këto çështje i marrin deputetët në Parlament dhe nuk varen nga qëndrimet e individëve.

Pas takimit, Radev nuk ka dhënë asnjë deklaratë, por është bërë e ditur përmes një komunikate nga kabineti i tij, ku theksohet se “Bullgaria pret që dëshira e shprehur për dialog dhe mirëkuptim nga presidentja Gordana Siljanovska të bëhet politikë konsistente e Qeverisë së Republikës së Maqedonia së Veriut”. Radev theksoi se dialogu në nivelin më të lartë ndërmjet dy vendeve duhet të jetë aktiv dhe të stimulojë punën e qeverive, bizneseve, si dhe shkëmbimet bilaterale në fushën e arsimit, shkencës dhe kulturës.

Advertisement

Ai gjithashtu bën thirrje për përpjekje të përbashkëta shumë më aktive të Sofjes dhe Shkupit për ndërtimin e korridorit të transportit 8, i cili, siç nënvizon ai, është i një rëndësie kyçe për lidhjen dhe sigurinë në Evropën Juglindore dhe do të krijojë kushte cilësore të reja për biznes, turizëm dhe inkurajim të investimeve në një plan rajonal.

Liga e Parë e futbollit në Maqedoninë e Veriut pas pauses dy javore shkaku i obligimeve të reprezentacionit, vazhdon këtë fundjavë me ndeshjet e xhiros së pestë. Ndeshja derbi e kësaj jave zhvillohet në Çair mes Shkupit dhe Shkëndijës.

Ndeshja kryesore e kësaj jave  do të zhvillohet në stadiumin e Çairit aty ku mejdanin do ta ndajnë dy skuadra  elitare të futbollit vendor FC Shkupi dhe  skuadra tetovare Shkëndija. Ky duel si gjithmonë zgjon interesim të madh nga  shkaku se dy ekipet pretendojnë kreun e tabelës dhe kanë numër të madh  të tifozëve .  Në pritje  të  ndeshjes së nesërme në  stadiumin e Çairit, kapiteni  Artan Iljazi pohoi se gjatë javës kanë punuar enkas  për këtë takim

 “Të dielën e kemi ndeshjen kundër Shkëndijës. Ne si ekip jemi të përgatitur maksimalisht për këtë ndeshje. Normalisht të dielën është derbi ndeshje por ne si ekip secila ndeshje është më rëndësi  dhe shpresojmë që të dielën me ndihmën e  “Shvercerave “ tre pikët të mbeten në Çair” deklaroi Artan Iljazi kapiten I FC Shkupi

  Nga ana tjetër edhe ekipi kuqezi që aktualisht kryeson tabelën ka zhvilluar përgatitje serioze për të vazhduar rrugëtimin e sukseseve. Kapiteni kuqezi Besart Ibraimi para ndeshjes me ekipin e Shkupit në Çair tha se është derbi më madh në vendin tonë ndaj edhe ka një porosi për tifozët e dy ekipeve që të anojnë denjësisht

 “Po atmosfera është e  mirë kemi pasur nj ë fazë përgatitore  dy javore të mirë, jemi përgatit maksimalisht. Është kënaqësi të luash në këtë ndeshje. Është derbi më madh shqiptar, unë do kisha  dashtë që si futbollist të jem i kënaqur që  do e  shijoj këtë derbi. Ne marrëdhëniet i kemi pasur me  këtë klub besoj  që të forcohen ende , të na presin si është më mirë që tua kthejmë edhe ne si është më mirë“. Deklaroi  Besart Ibraimi kapiten i KF Shkëndija

Advertisement

 Ndeshje interesante dhe mjaft tërheqëse  është  edhe  takimi në Manastir mes Pelsiterit me kampionin në  fuqi Struga Trim Lum.  Në stadiumin “Boris Trajkovski”  në  Gostivari është nikoqire e Vardarit, AP Brera në Strumicë  përballet me  Besën e Dobërdollit,  Voska  Sport  në Ohër  takohet me Sileksin, ndërsa Rabotniçki në arenën “Todor Proeski” përballet me Tikveshin.Të gjitha ndeshjet  luhen të dielën me fillim në ora 15:00./Tv Koha/