Lajme nga vendi
U mbajt trajnim i shërbimeve profesionale në Gjykatën Kushtetuese me mbështetjen e Misionit të OSBE-së në Shkup
Më 10 dhe 11 korrik në Gjykatën Kushtetuese u mbajt punëtoria dyditore për shërbimin e ekspertëve me temë “Ndalimi i diskriminimit në praktikën gjyqësore të Gjykatës Evropiane për të Drejtat e Njeriut”.
Siç thuhet në njoftimin e Gjykatës Kushtetuese, janë elaboruar format dhe bazat e diskriminimit, janë kryer ushtrime për njohjen e trajtimit të ndryshëm, mungesës së arsyetimit objektiv dhe të arsyetuar, barrës së provës në rastet e diskriminimit, gjuhës së urrejtjes, si dhe janë elaboruar shembuj konkretë kundër Maqedonisë së Veriut në vitet e kaluara.
Ngjarja u realizua me qëllim të forcimit të aftësive të shërbimit profesional përmes shembujve praktikë në fushën e lirive dhe të drejtave të njeriut. Trajnimet u zhvilluan nga Ana Medarska Lazova dhe Hristijan Koneski, avokatë të angazhuar në Sekretariatin e Gjykatës Evropiane për të Drejtat e Njeriut.
Komisioni Rregullator për Energjetikë (KRRE) solli vendimin, me të cilin bëhet ulja e çmimeve të shitjes me pakicë të derivateve të naftës, mesatarisht 1,79 % në raport me vendimin e datës 6.9.2024.
Nga data 11.9.2024, ora 00:01 çmimet maksimale të derivateve të naftës do të jenë:
EUROSUPER BS – 95 74,00 (denarë/litër)
EUROSUPER BS – 98 76,50 (denarë/litër)
EURODIZEL BS (D-E V) 68,50 (denarë/litër)
Vaj për Djegie Ekstra i Lehtë 1 (EL-1) 67,50 (denarë/litër)
Mazut М-1 SU 43,507 (denarë/kilogram)
Çmimi i shitjes me pakicë i benzinës EUROSUPER BS-95 ulet për 0,50 den/l.
Çmimi i shitjes me pakicë i benzinës EUROSUPER BS-98 ulet për 2,00 den/l.
Çmimet e shitjes me pakicë të EURODIZELIT (D-Е V) dhe të Vajit Ekstra të Lehtë për Amvisëri (ЕL-1) ulen për 1,00 denarë/litër.
Çmimi i shitjes me pakicë i Мazutit М-1 SU ulet për 1,273 den/kg dhe do të jetë 43,507 den/kg.
Lajme nga vendi
Skandalet përfshijnë Ministrinë e Bujqësisë, ministri i ri Tripunovski shpalos shpërdorimet
Ministri i Bujqësisë Cvetan Tripunovski, publikoi dy rastet e para, nga gjithsej 5 rastet e keqpërdorimit të parave të shtetit, të cilat kanë ndodhur gjatë kohës kur me ministrinë e bujqësisë e udhëhiqte Ljupço Nikollovski nga LSDM. Tripunovski tha se gjatë kësaj periudhe, persona të caktuar juridikë, edhe pas mosrespektimit të marrëveshjeve, kanë vazhduar të jenë shfrytëzues të parave të shtetit në formë subvencionesh. Ministri Tripunovski thotë se bëhet fjalë për dy subjekte juridike që kanë dëmtuar buxhetin e shtetit në vlerë prej 765 mijë euro. Ministri tha se aktualisht po punohet në 5 raste, por vetëm për dy rastet që u publikuan sot, janë siguruar dëshmi të forta. Tripunovski ftoi institucionet kompetente të punojnë në zbardhjen e plotë të këtyre rasteve. /Alsat.mk
Lajme nga vendi
Rrokulliset makina me të cilën udhëtonte trajneri dhe dy lojtarë të KF Bashkimit nga Kumanova
Makina me të cilën udhëtonin trajneri i ekipit te parë të KF Bashkimit, Bazhe Janakievski, si dhe dy lojtarët Memet Rizahamza dhe Borjan Panevski është rrokullisur sot në autostradën Shkup-Kumanovë, në afërsi të pikëpagesës rrugore në Rramanli, shkruan gazeta LAJM.
Njoftimin dhe videon në adresën elektronike të gazetës LAJM, e ka dërguar pronari i klubit, Burak Hyda.
Sipas tij, aksidenti ka ndodhur rreth orës 10;30 derisa Janakievski, Rizahamza dhe Panevski ishin duke udhëtuar drejt Kumanovës për të marrë pjesë në stërvitjet e paraditës.
Ata janë dërguar me urgjencë në Spitalin e Kumanovës, ku janë konstatuar lëndime të lehta trupore.
Sipas Hydës, makina ka dal nga rruga për shkak ujit të grumbulluar në autostradë nga reshjet e shiut.
“Është rrotullisur një makinë me 3 pasagjerë, në afërsi të pikëpagesës rrugore afër Kumanovës. Në makinë ishin trajneri dhe dy lojtar të KF Bashkimit. Makina është dëmtuar rëndë, ndërsa lojtarët me lëndime të lehta trupore. Trajneri ka disa lëndime të lehta por është në gjendje të mirë”, ka shkruar Hyda./Gazeta LAJM
Nga mesnata ulen çmimet e derivateve të naftës
Skandalet përfshijnë Ministrinë e Bujqësisë, ministri i ri Tripunovski shpalos shpërdorimet
Rrokulliset makina me të cilën udhëtonte trajneri dhe dy lojtarë të KF Bashkimit nga Kumanova
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve