Connect with us

Lajme nga rajoni

Një celulë terroriste planifikoi sulme në Gjermani

Published

on

Shtatë persona janë arrestuar në perëndim të Gjermanisë nën dyshimet se po krijonin një celulë terroriste islamiste, thanë prokurorët më 6 korrik.

Ata po ashtu dyshohet se kanë mbështetur grupin militant, Shteti Islamik.

Personat e arrestuar në Gjermani janë nga Taxhikistani, Kirgizia dhe Turkmenistani, thanë prokurorët. Ata u arrestuan në landin gjerman, Rajna Veriore-Vestfalia.

Një burrë tjetër dhe gruaja e tij raportohet se janë arrestuar nga autoritetet holandeze. Burri dyshohet se i përkiste këtij grupi.

Prokurorët thanë se të dyshuarit hynë në Gjermani pak kohë pasi Rusia nisi pushtimin e Ukrainës në shkurt të vitit 2022 dhe synonin “të kryenin sulme terroriste të nivelit të lartë në Gjermani, përmes taktikave që përdor IS-i ”.

Advertisement

Prokurorët thanë se të dyshuarit veçse kishin identifikuar shënjestrat potenciale në Gjermani dhe kishin tentuar të siguronin armë. Megjithatë, ata nuk besohet se kanë arritur të zhvillonin ndonjë plan konkret për sulme.

Të arrestuarit pritet të dalin para një gjykate në Gjermani të enjten ose të premten. /REL

Advertisement

Lajme nga rajoni

Gjarpri futet në Parlament, deputetët ia mbathin nga salla

Published

on

Parlamenti në Bosnje dhe Hercegovinë është mbyllur për një arsye krejt të pazakontë. Sipas mediave atje, një gjarpër i vogël çoi në ndërprerjen e seancës së Dhomës së Popullit të Federatës së parlamentit të Bosnjës dhe Hercegovinës.

Përpara se të fillonte seanca, deputetët vunë re një gjarpër të vogël që zvarritej në dyshemenë e sallës.

Përfaqësuesit u larguan nga salla dhe problemi u zgjidh nga një nga punonjësit e shërbimit teknik, i cili e kapi gjarprin me një leckë të zakonshme dhe e nxori jashtë.

Më vonë doli se ishte një gjarpër lumi jo-helmues që ndoshta kishte hyrë përmes vrimave të ventilimit, sepse salla është në nivel me shtratin e lumit Miljacka, i cili është habitati i këtyre zvarranikëve.

Megjithatë, Tomislav Martinović, Kryetar i Parlamentit, vendosi ta shtyjë seancën derisa ambientet të inspektoheshin plotësisht dhe ‘të siguroheshin kushtet për punën e sigurt dhe të papenguar të degës legjislative’.

Advertisement

Ai kërkoi gjithashtu që Ministria e Brendshme e Federatës së Bosnjës dhe Hercegovinës të kryejë një hetim. Ministri i Punëve të Brendshme të Entit, Ramo Isak, e quajti gjithçka një farsë para gazetarëve.

‘Një gjarpër i vogël për të penguar seancën, kjo është qesharake. Le të mos jemi mendjelehtë’, tha ai.

Continue Reading

Lajme nga rajoni

“Ka qenë nxënëse e shkëlqyeshme”, flet gjyshi i vajzës nga Kosova që humbi jetën në Austri, tregon si e kuptuan lajmin

Published

on

Vajza nga Kosova, Lea Bajrami është në mesin e dhjetë viktimave të sulmit me armë që ndodhi të martën në një shkollë të mesme në Grac të Austrisë.

Në një prononcim, gjyshi i të ndjerës, Muhabi Bajrami ka dhënë detaje si e morën vesh dhe si e pritën lajmin për vdekjen e saj.

“Jemi të shqetësuar, ne na ka ardhur një lajm trishtues. Kjo është 15 vjeçare, në shkollë private ka qenë nxënëse e shkëlqyeshme. Unë e kam mbesë. Ka ndodhur në mëngjes. Ne kemi dëgjuar që ka ndodhur, edhe të gjithë na kanë thirrur dhe na kanë pyetur ku është Lea? se emrin e ka Lea edhe e kuptuam që është ajo, shpresuam shumë që nuk është e vërtetë por në ora 2 djali, djali im, pra babai i vajzës më tha ‘baba Lea na la’ ”, ka rrëfyer ai për Tëvë1.

Të paktën 10 persona, përfshirë autorin e krimit, mëngjesin e së martës janë vrarë pas një sulmi me armë në një shkollë të mesme në Graz, një nga qytetet më të mëdha të Austrisë.

Advertisement
Continue Reading

Lajme nga rajoni

Mbahet ndeshja revyale ndërmjet basketbollistëve me karroca në Prishtinë

Published

on

Është mbajtur dje një ndeshje revyale ndërmjet basketbollistëve me karroca, në finalen e parë të turneut të Alley Oop në Prishtinë.

Kjo ndeshje është realizuar falë bashkëpunimit të ngushtë ndërmjet Federatës së Basketbollit të Kosovës dhe Federatës së Basketbollit në Karroca e Kosovës.

Gjatë kësaj ndeshje, përkrahje maksimale ka pasur nga tifozët dhe të pranishmit atje, teksa Kryetari i FBK-së, Arben Fetahu, është shprehur në fjalimin e tij, se aktivitetet e tyre gjithmonë do të gëzojnë mbështetjen nga Federata e Basketbollit e Kosovës.

Ndryshe, Bergo Kingdom nga Prizreni është fitues i edicionit të parë të Alley Oop të mbajtur në Kosovë.

Advertisement
Continue Reading

Më të lexuarat