Connect with us

Shendetesi

30 maji dita botërore e sklerozës multiple

Published

on

Me rastin e Ditës Botërore të sklerozës  multiple – 30 majit, Unioni kombëtar i personave me aftësi të kufizuara fizike të Maqedonisë organizon marsh për ngritjen e vetëdijes publike për problemet me të cilat ballafaqohen personat me sklerozë multiple dhe nevojat e tyre specifike për një jetë më cilësore dhe përfshirje sociale.

Siç informojnë nga unioni, ngjarja do të fillojë para “Porta Maqedoni” në ora 11:00 dhe do të vazhdojë me marshim në korsinë e djathtë në rrugën “11 Tetori” në drejtim të Kuvendit deri te Shtëpia “Dare Xhambaz”, ndërsa në të do të bashkohen edhe njerëzit me paraplegji dhe distrofi.

Shoqata kombëtare për ndihmë dhe mbështetje të personave me sklerozë multiple, gjithashtu në hotel Panoramika, me fillim nga ora 11:00 do të mbajë konferencë në të cilin fjalime do të mbajnë kryetarja e Shoqatës Kombëtare për SM, Ana Karajanova Dimitrusheva, bashkëshortja e Presidentit të Republikës së Maqedonisë së Veriut, Elizabeta Gjorgjievska, ministri i Shëndetësisë Fatmir Mexhiti dhe zëvendësministri i Punës dhe Politikës Sociale Enver Husein.

Advertisement

Shendetesi

Dita Ndërkombëtare e Joga-s, ja përfitimet fizike dhe mendore nga praktikimi i saj

Published

on

Data 21 qershor është shpallur si Dita Ndërkombëtare e Joga-s nga Kombet e Bashkuara, më 11 dhjetor 2014 me anë të Rezolutës 69/131, duke njohur vlerat e saj universale.

Joga është një praktikë e lashtë fizike, mendore dhe shpirtërore që e ka origjinën nga India. Fjala “Joga” rrjedh nga një gjuhë e lashtë si sanskritja, dhe kuptimi i saj është të lidhësh/bashkosh, që simbolizon bashkimin e trupit dhe ndërgjegjes.

Sot kemi forma të ndryshme të praktikimit të Joga-s në gjithë botën, dhe popullariteti i kësaj praktike është në rritje.

Dita Ndërkombëtare e Joga-s ka për qëllim të rrisë ndërgjegjësimin e popullsisë së globit në lidhje me përfitimet e praktikimit të Joga-s.

Qëllimi i Joga-s është të krijojë forcë, vetëdije dhe harmoni, si në mendje ashtu dhe në trup. Ndërkohë që ka më shumë se 100 lloje ose “shkolla” të ndryshme të Joga-s, shumica e sesioneve tipike përfshijnë ushtrimet për frymëmarrjen, meditimin, ushtrime të caktuara fizike (pozicione të trupit që ndryshe quhen asana, në sanskrit) të cilat tërheqin dhe tkurrin grupe të caktuara të muskujve të trupit.

Advertisement

Përfitimet fizike:

Teknikat e relaksimit, të cilat janë pjesë e praktikimit të Joga-s, mund të lehtësojnë dhimbjet kronike, si dhimbja e shpinës, artriti, dhimbjet e kokës, si dhe sindromën “Tuneli Carpal”. Gjithashtu, Joga mund të ulë presionin e lartë të gjakut dhe të përmirësojë problemet e gjumit.

Përfitimet e tjera fizike përfshijnë:

Elasticitet më të mirë

Tonifikim të muskujve dhe rritje të masës muskulore

Advertisement

Përmirësim të frymëmarrjes, energjive dhe vitalitetit

Ruajtje të balancës metabolike

Rënie në peshë

Përmirësim të qarkullimit të gjakut dhe shëndetit kardiovaskular

Përmirësim të performancës fizike/atletike

Advertisement

Mbrojtje nga dëmtimet fizike

Përfitimet mendore

Përveç përfitimeve fizike, një nga përfitimet më të mira të Joga-s është se ndihmon personin që të menaxhojë stresin, i cili ka pasoja të dëmshme për trupin dhe mendjen. Stresi mund të shfaqet në shumë mënyra, duke përfshirë dhimbje të shpinës ose të qafës, probleme të gjumit, dhimbje koke, abuzime me drogën dhe një paaftësi për t’u përqendruar. Joga mund të jetë shumë efektive në zhvillimin e aftësive përballuese dhe në arritjen e realizimit të një këndvështrimi më pozitiv të jetës.

Përfshirja në Joga e meditimit dhe ushtrimeve të frymëmarrjeve mund të ndihmojë në përmirësimin e mirëqenies mendore të individit. Praktikimi në mënyrë të rregullt i Joga-s krijon qartësi mendore dhe qetësi; rrit vetëdijen ndaj trupit; lehtëson dhimbjet kronike; qetëson mendjen; rrit përqendrimin; ndihmon në identifikimin e hershëm të problemeve fizike dhe mundëson parandalimin nëpërmjet veprimeve paraprake.

Advertisement
Continue Reading

Lajme nga bota

Burrit që iu dha një vit jetë në Britani u shërua nga kanceri falë imunoterapisë

Published

on

Një burri të cilit iu dha një vit jetë pasi u diagnostikua me një formë agresive të kancerit, tani është shëruar falë një prove në Mbretërinë e Bashkuar me imunoterapi.

Robert Glynn, 51 vjeç, një saldator nga Manchesteri, tha se “nuk do të ishte këtu” nëse nuk do të ishin rezultatet e jashtëzakonshme të provës së imunoterapisë të drejtuar nga fondacioni Christie NHS në Mançester, raportoi The Guardian të premten.

Escobar e komenton kërkesën e Serbisë për kthimin e ushtarëve të saj në Ko…
Glynn u diagnostikua me kancer në kanalin biliar intrahepatik, një ditë para ditëlindjes së tij të 49-të në qershor të vitit 2020, pasi përjetoi dhimbje të forta në shpatullën e tij, e cila e la atë të paaftë për të fjetur.

I njohur gjithashtu si kanceri i traktit biliar, kjo gjendje agresive bën që qelizat që rreshtojnë kanalet biliare të shumohen dhe të rriten më shumë seç duhet. Kanalet biliare janë tuba të vegjël që lidhin mëlçinë, fshikëzën e tëmthit dhe zorrën e hollë.

Në kohën e diagnozës së Glynn, kanceri ishte përhapur në gjëndrën e veshkave dhe mëlçinë e tij, me tumore shumë të mëdha për t’u operuar. Kanceri i tij u klasifikua si stadi 4.

Advertisement

“I kërkova konsulentes tim të ishte e sinqertë dhe të më tregonte sa kohë do të kisha nëse do të vazhdoja siç isha, dhe ajo tha 12 muaj,” ka treguar ai.

Rreth 1,000 njerëz në Britani diagnostikohen me kancer të kanalit biliar çdo vit. Për ata, si Glynn, kanceri i të cilit është përhapur në organe të tjera, vetëm një në 50 njerëz, apo 2 për qind jetojnë për të paktën pesë vjet pas diagnozës së tyre, sipas studimeve amerikane të cituara nga Liver Cancer UK.

Glynn u konsiderua një kandidat i mirë për të marrë pjesë në një provë klinike të një medikamenti imunoterapie që tashmë është miratuar për përdorim në kancerin e mushkërive, veshkave dhe ezofagut. Imunoterapia funksionon duke ndihmuar sistemin imunitar të njohë dhe të sulmojë qelizat e kancerit.

Analiza e para-trajtimit të tumorit të Glynn-it tregoi se ai kishte një ngarkesë të lartë mutacioni (numër të madh mutacionesh gjenetike në qeliza), duke sugjeruar se ai mund të kishte një përgjigje të mirë ndaj trajtimit.

Trajtimi, i cili jepet me pikim dhe ndihmon sistemin imunitar të një personi të luftojë kancerin, u kombinua me kimioterapinë standarde.

Advertisement

Ilaçi nuk mund të emërtohet për shkak të natyrës eksperimentale të këtij testi për kancerin e kanalit biliar.

Continue Reading

Lajme nga vendi

Detaje nga aksioni në Tabanoc, 30 ditë paraburgim për komandantin

Published

on

Gjykata i ka caktuar masën e paraburgimit 30 ditorë komandantit të pikës kufitare në “Tabanoc” mbi dyshimet për tri vepra penale: “bashkëpunim kriminal”, “mit marrje” dhe “shpërdorim me detyrën zyrtare”. Bashkë me të, masa e njëjtë e paraburgimit i është caktuar edhe dy policëve të tjerë. Masa kujdesi janë shqiptuar edhe ndaj policëve për të cilët momentalisht është konstatuar mungesë e provave, por obligohen me paraqitje deri në përfundim të procedurës hetimore.

“Masa e paraburgimit 30 ditorë është caktuar për të dyshuarit: I.N, F.V dhe D.K. Ndaj personit H.K është caktuar arrest shtëpiak, ndërsa A.S dhe M.J për shkak të procedurës së shkurtuar, do të qëndrojnë në paraburgim 8 ditorë. Ndërkohë ndaj J.N, N.P dhe A.A janë caktuar masa kujdesi”, njoftojnë nga Gjykata Penale.

Prokuroria pretendon se grupi ka qenë i mirë organizuar dhe është formuar nga i dyshuari i parë, përkatësisht nga komandanti i pikës kufitare. Sipas organit të akuzës, komandanti i pikës kufitare ka obliguar policët t’i dërgojnë në muaj nga 150 euro.

“I dyshuari i parë, në fillim si shef ndërrimi dhe më pas komandant i pikës kufitare ka sistemuar ose ndikuar në sistemimin e tre nëpunësve të tjerë nëpër kabina ku edhe ka frekuentim më të madh të pasagjerëve në hyrje dhe dalje të shtetit. Tre nëpunësit si policë kanë pasur për detyrim të kërkojnë dhe pranojnë dhuratë nga 5, 10, 20 ose 30 euro për vete dhe për të dyshuarin e parë për të bërë veprime zyrtare të cilat nuk kanë të drejtë t’i bëjnë (referuar ligjit) edhe atë: të lejojnë vetura pa kartonin e gjelbër, pa autorizim për veturën, pa dokumente udhëtimi, patentë shoferi pse dokumente të tjera të nevojshme. Nga viti 2020 deri më 25 dhjetor 2022 disa herë kanë marr mito, ndërsa ka shuma e siguruar në çdo muaj nga 150 euro i kanë dhënë të dyshuarit të parë (komandantit)”, thonë nga Prokuroria Publike.

Gjatë bastisjes policia ka sekuestruar shuma të mëdha parash të cilat janë gjetur në shtëpitë e të dyshuarve dhe në vendin e tyre të punës, gjë e cila dëshmohet edhe përmes pamjeve nga aksioni policor.

Advertisement

“Janë sekuestruar 16.413 euro, 219.195 denarë, 60 franga zvicerane dhe 375 dinarë të Serbisë. Shuma më e madhe e parave është gjetur tek i dyshuari H.K gjithsej 15.885 euro dhe 30 franga zvicerane”, thuhet në njoftimin e MPB-së.

Grupi ka qenë nën masa të veçanta hetuese nga viti 2020. Policia njoftoi për 12 kallëzime penale, ndërsa Prokuroria ka proceduar masa hetuese ndaj 9 nëpunësve policorë. Nuk dihet nëse mbi bazën e kallëzimeve penale, Kontrolli i Brendshëm në MPB do të ndërmerr ose jo masa disiplinore ndaj nëpunësve policorë.

Continue Reading

Më të lexuarat