Lajme nga vendi
Anulohet sërish seanca për spitalin modular në Tetovë | VIDEO
Është anuluar sërish seanca për fjalët përfundimtare në gjyqin për zjarrin në Spitalin Modular që ndodhi më 8 shtator të vitit 2021. Seanca është anuluar për shkak se mungoi avokati i njërit prej të akuzuarve Artan Etemi. Në arsyetimin e tij Artan Etemi tha se deri në momentin e fundit avokati e ka konfirmuar pjesëmarrjen, ndërsa për shkaqe shëndetësore nuk ka mundur të jetë prezent në seancë.
Gjykatësi në këtë lëndë Jordan Vellkovski me këët rast paralajmëroi se në seancën e rradhës duhet që të gjithë të jenë prezencë për shkak se duhet të jepen fjalët përfundimtare. Seanca e rradhës do të mbahet më 29 maj në orën 10. Prokuroria Themelore Publike në Tetovë gjatë vitit 2022 ka ngritur aktakuzë ndaj ish-drejtori i Spitalit të Tetovës Florin Besimi, ish-drejtorit ekonomik të Spitalit të Tetovës- Artan Etemi, përgjegjësit të qendrës covid- Boban Vuçevski dhe Spitali Klinik të Tetovës si person juridik.
Ish drejtorët Florin Besimi dhe Artan Etemi ndiqen penalisht se nuk kanë vendosur aparate për shuarjen e zjarrit, ndërsa Boban Vuçevski akuzohet se ka lejuar të afërmit të hyjnë në dhomat e spitalit ku ishin të shtruar pacientët, ndërkaq, si person juridik Spitali Klinik i Tetovës akuzohet për rrezikim të sigurisë së përgjithshme dhe mosveprim në përputhje me rekomandimet në kohë të pandemisë. Për zjarrin në Spitalin Modular në Tetovë janë bërë dy ekspertiza.
Njëra nga institucionet vendore e tjetra nga forenzikë të Gjermanisë. Të dy ekspertizat kanë konstatuar se zjarri ka filluar në njërën nga dhomat ku trajtoheshin pacientët në kabllon vazhduese dhe më pas është përhapur i në tërë modularin.
Ndërkohë, familjarët e viktimave disa herë për mediat kanë thënë se nuk kanë besim në drejtësinë vendore. Ata kanë thënë se rasti duhet të ketë edhe hetim ndërkombëtar, pasi, sipas tyre nuk janë akuzuar të gjithë personat përgjegjës për këtë tragjedi.
Avokatët e të akuzuarve Florim Besimi, Artan Etemi, Boban Vuçevski, si dhe Spitalit Klinik të Tetovës në seancat paraprake kanë njoftuar gjykatësin se të njejtit nuk do të prononcohen në seancën për fjalët përfundimtare.
Ndryshe, më 8 shtator të vitit 2021, në orët e mbrëmjes ka shpërthyer zjarr në Spitalin Modular në Tetovë, me ç`rast jetën e kanë humbur 14 persona, në mesin e tyre pacient, mjek dhe fëmijë. /Televizioni KOHA/
Lajme nga vendi
Mobilizohet diaspora në Gjermani dhe Itali për VLEN: Vendlindja na thërret, të shkojmë të votojmë më 8 maj
Diaspora shqiptare në Gjermani, gjegjësisht në kryeqendrën gjermane Berlin ka filluar mobilizimin për zgjedhjet parlamentare të 8 majit.
Përmes një njoftimi të bërë në rrjetet social njoftohet se do të organizojnë transport falas për të ardhur të mbështesin me votë koalicionin VLEN. Këtë mundësi sipas njoftimit mund ta shfrytëzojnë edhe mërgimtarë që janë në Gjermani.
Një njoftim i ngjajshëm është edhe për mërgimtarët nga Italia, ku po ashtu organizohet transport falas për të gjithë ata që do të vijnë në vendlindje për të mbështetur me votë koalicionin VLEN më 8 maj.
Lajme nga vendi
Kasami: Dalje nga Ballkani i Hapur dhe fillim i menjëhershëm i punimeve të rrugës Tetovë – Prizren, këto janë garancitë e VLEN-it në qeverisje
Kreu i Lëvizjes Besa, Bilall Kasami thotë se opozita VLEN do të ketë kushtet e saj për pjesëmarrje në qeverisje,përcjell TV21. Kasami përmes një shkrimi thotë se VLEN do të kërkojë daljen e menjëhershme të RMV-së nga nisma Ballkani i Hapur, por edhe realizimin e rrugës Tetovë-Prizren brenda 3 viteve.
“Hajdutët po luten të shkojnë në qeveri pa kushte, siç kanë shkuar gjithmonë! Ndërsa VLEN është ndryshe. Dalje nga Ballkani i Hapur dhe fillim i menjëhershëm i punimeve (realizim brenda tre viteve) të rrugës Tetovë – Prizren. Këto janë garancitë që sjell VLEN, pas 8 majit, në qeverisje!”, shkruan Kasami.
Lajme nga vendi
Sa janë të sigurt punëtorët në Maqedoni? Vitin e kaluar 15 persona humbën jetën në vendet e punës
15 persona humbën jetën në vendet e punës në vitin 2023. Me rastin e 28 prillit – Dita botërore për sigurinë dhe shëndetin në punë, shoqata e Maqedonisë për mbrojtje në punë, e prezantoi raportin vjetor për fatkeqësi në punë për vitin 2023, përcjell TV21.
“Në Maqedoni këtë vit po mbjellim 15 fidanë për 15 jetë të humbura, 15 persona të vdekur në vendin e punës në Maqedoni. Kjo në vetvete çon në pyetje të shumta, por gjëja më e rëndësishme është se kush do të marrë përgjegjësinë. Sipas ligjit për sigurinë dhe shëndetin në punë, punëdhënësi është përgjegjësi i parë dhe i vetëm për sigurinë dhe shëndetin në punë, por sipas këtij trendi që kemi parë vitet e kaluara, disi kjo përgjegjësi është gjithnjë e më pak. Këtu gjejmë një vërejtje tjetër, ajo është se nëse shteti i qaset seriozisht kësaj pandemie dhe këtij dëmtimi, duhet t’i analizojë më seriozisht këto të dhëna, dhe përveç një organizate, edhe shteti ka detyrim të dalë me të dhënat e veta për atë se sa persona kanë vdekur dhe si e kanë humbur jetën në vendet e punës”, pohoi Millan Petkovski, Shoqata e maqedonisë për mbrojtje në punë.
Mobilizohet diaspora në Gjermani dhe Itali për VLEN: Vendlindja na thërret, të shkojmë të votojmë më 8 maj
Kasami: Dalje nga Ballkani i Hapur dhe fillim i menjëhershëm i punimeve të rrugës Tetovë – Prizren, këto janë garancitë e VLEN-it në qeverisje
Sa janë të sigurt punëtorët në Maqedoni? Vitin e kaluar 15 persona humbën jetën në vendet e punës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve