Lajme nga vendi

Matura shtetërore rrezikon të mos mbahet | VIDEO

Published

12 months ago

May 8, 2023

Provimi i maturës shtetërore për maturantët rrezikon të mbahet më 27 maj. Këto janë parashikimet e Organizatës Sindikale pranë Qendrës për Provim Shtetëror pasi që shumica e punëtorëve janë në grevë dhe nuk mund të arrihen të gjitha përgatitjet. Greva mbahet për shkak kërkesave të vazhdueshme për rritje të pagave ndërsa ministria e financave u ka ofruar një rritje prej vetëm 1000 denarëve.Emilija Boshkovska nga organizata sindikale pranë Qendrës për Provim Shtetëror, thotë se kjo ofertë për ta është e papranueshme.“Deri sot kishim dy mbledhje të cilat përfunduan pa sukses. Mbledhja e dytë ishte të enjten në Ministrinë e Arsimit në prezencë të ministrit të arsimit dhe përfaqësues të ministrisë së financave. Në atë mbledhje asgjë nuk fituam. Më konkretisht morëm disa numra, rritje prej 1000 denarëve. Ky ishte propozimi i ministrisë së financave, linjat e tyre të kuqe janë deri këtu”, tha Emilija Boshkovska – Kryetare e Organizatës sindikale pranë Qendrës për Provim Shtetëror.

Për këtë arsye siç njofton Boshkovska, greva do të vazhdojë ndërsa me numrin e punëtorëve që kanë në dispozicion, mbajtja e maturës shtetërore më 27 maj është pothuajse e pamundur. Ndërkohë ministri i arsimit Jeton Shaqiri të premten u dërgoi apel qendrës për provim shtetëror që të vazhdojnë me kërkesat e tyre por gjithashtu assesi të mos e vënë në rrezik mbajtjen e maturës shtetërore. /Televizioni KOHA/

Lajme nga vendi

Mbi 24 mijë fletëvotime të pavlefshme në zgjedhjet e djeshme presidenciale

Published

13 mins ago

April 25, 2024

TetovaExpres

Në kutitë e votimit të raundit të parë të djeshëm të zgjedhjeve presidenciale, ka pasur një numër të madh fletëvotimeve të pavlefshme. Këtë e tregojnë të dhënat e Komisionit Shtetëror të Zgjedhjeve.

Në ueb faqen e KSHZ-së shihet se numri i përgjithshëm i fletëvotimeve të pavlefshme ka qenë 24.549.

Fletët e votimit të pavlefshme janë ato që nuk plotësohen në mënyrën e parashikuar në Kodin Zgjedhor, nëse janë të gërvishtura pjesërisht ose plotësisht, nëse janë të rrethuar disa lista kandidatësh, nëse numri i fletës së votimit nuk korrespondon me numrin e qendrën e votimit ku votohet, ose nëse fleta e votimit nuk ka vulë në pjesën e përparme.

Në çdo zgjedhje, disa dhjetëra mijëra vota përfundojnë kështu. Për shembull, në raundin e parë të zgjedhjeve presidenciale në 2019, ishin 32.696 fletë votimi të pavlefshme. Kështu përfunduan në zgjedhjet parlamentare të 2020 31.564 fletë votimi, ndërsa në 2016 – 38.712 fletë të pavlefshme.

Lajme nga vendi

Demanton Taravari: Jo nuk jam takuar me Ahmetin, lajmi në TopChanel i pavërtetë

Published

7 hours ago

April 25, 2024

TetovaExpres

Pas dezinformatave të fundit të shpërndara në Top Channel se mbrëmë janë takuar Ali Ahmeti dhe Arben Taravari, ky i fundit ka reaguar duke thënë se është totalisht fake neës dhe kushdo që e ka dërguar në Top Channel gënjen. Ofertat, siç thotë ai, nuk kalojnë te unë.

“Me keqardhje mësova sot nga një media tepër serioze e Shqipërisë si është Top Channel se unë qenkam takuar mbrëmë me z.Ahmeti dhe funksionarë të tjerë të BDI-së, për të dëgjuar ofertë nga z.Ahmeti.
Jo, nuk është e vërtetë.
Kushdo që e ka çuar këtë lajm në Top Channel gënjen.
Unë mbrëmë u urova me ekipin tim dhe të qetë sot vazhdojmë punën tonë Drejt Ndryshimit!
Me ofertat e Ahmetit unë jam mësuar dhe mendoj se nuk do të ishte habi të më vinte një e tillë, por ky lajm është i rremë.
Ofertat nuk kalojnë te unë!”, ka shkruar Taravari.