Connect with us

Lajme nga vendi

Për 4 muaj u arrestuan 11 adoleshentë për shkak të drogës | VIDEO

Published

on

Për shkak të përfshirjes në tregëti me lëndë narkotike , gjatë katër muajve të kaluar, pjesëtarët e policisë së Sektorit për Punë të Brendshme në Tetovë kanë arrestuar gjithsej 115 persona, prej të cilëve 94 nga Tetova dhe 21 nga Gostivari. Gjithsej 11 prej këtyre të arrestuarve kanë qenë adoleshentë, respektivisht 10 adoleshentë nga Tetova dhe një nga Gostivari. Këta persona janë kapur me marihuanë dhe kokainë dhe ndaj tyre janë shqiptuar dënime adekuate, për Televizionin KOHA informuan nga Sektori për Punë të Brendëshme në Tetovë.

“Sektori për Punë të Brendshme në Tetovë një kohë të gjatë ndërmer masa të përforcuara në autobus dhe në automjete tjera transportuese me qëllim që të zbulojë dhe sanksionojë se çka kanë me vete nxënësit përveç librave, gjatë kohës kur shkojnë dhe kur kthehen nga shkolla.Krahas kësaj, policia ka shtuar prezencën e saj edhe përreth objekteve shkollore”, tha Marjan Josifovski, zëdhënës I Sektorit për Punë të Brendshme në Tetovë.

Sektori i Punëve të Brendshme në Tetovë filloi me zbatimin praktik të dy projekteve të reja parandaluese-edukative “Parandalimi nga keqpërdorimi i drogës, alkoolit dhe cigares” dhe “Parandalimi nga tregtia me njerëz dhe fëmijë”. Bartës është Departamenti për Parandalim, ndërsa në kuadër të këtij projekti do të përfshihen rreth 3000 nxënës të klasave të teta nga shkollat e Tetovës dhe Gostivarit të cilët ndjekin mësimin në gjuhën maqedonase, shqipe dhe turke.“Nëpunës policorë të trajnuar profesionalisht më afër do t’i njoftojnë nxënësit me rreziqet nga sëmundjet e varësisë dhe para së gjithash nga konsumimi i drogës dhe alkoolit. Përveç kësaj, do tu tregohet edhe për pasojat e dëmshme shëndetësore, sociale dhe shoqërore nga veset e tilla, por edhe implikimet ligjore. Nxënësit e klasave të teta, gjithashtu, do të informohen edhe për atë si ta dallojnë përfshirjen e tyre eventuale në tregtinë me njerëz, çka nënkupton kjo dhe cilat mund të jenë pasojat. Nxënësve do tu prezantohen edhe shembuj konkretë të tregtisë me njerëz dhe nevoja që të jenë deri në fund të kujdesshëm dhe të shmangin kontakte me persona të panjohur ose përmes rrjeteve sociale, ndërsa të cilët më shpesh i gënjejnë dhe u ofrojnë takime, para ose sfida”, informoi Marjan Josifoski, zëdhënës i Sektori i Punëve të Brendshme në Tetovë.Projektet të cilat zhvillohen paralelisht planifikohet të përfundojnë deri në fillim të muajit të ardhshëm. /Televizionin KOHA/

 

Advertisement

 

 

 

Lajme nga vendi

Taravari: Vala e ndryshimit nuk mund të ndalet, BDI ta pranojë rezultatin nga rivotimi

Published

on

Arben Taravari, njëri nga partnerët e koalicionit “VLEN” e që aktualisht është kryetar i Komunës së Gostivarit, ende nuk ka vendosur nëse do të jetë në qeverinë e ardhshme si ministër.

Ai ka konfirmuar se një pjesë e shkrimeve të disa mediave për ndarjen e dikastereve qeveritare dhe posteve zyrtare janë të sakta. Sipas Taravarit, ndoshta sot ose nesër do të shpallet marrëveshja përfundimtare mes partnerëve të ardhshëm qeveritar, VLEN-it dhe VMRO-DPMNE-së.

“Aleanca do të ketë dy ministri, një zëvendëskryeministër për qeverisje të mirë dhe transparencë dhe ministrin e shëndetësisë dhe dy zëvendësiministra, si dhe dy sekretar shtetëror, gjegjësisht zv.ministër për mbrojtje dhe zv.ministër për bujqësi. Sekretar shetëror në shëndetësi dhe një tjetër që tani nuk më kujtohet”, shprehet Taravari.

Taravari tha se emrat e kuadorve që do të emërkohen në këto pozita ende nuk i kanë definuar. I pyetur nëse do të jetë ministri i ardhshëm i Shëndetësisë, ai tha se nuk ka vendosur dhe ende është duke menduar nëse do ta pranojë këtë pozitë.

 “Nuk përjashtohet mundësia, por nuk është definitive”, tha Taravari.
Advertisement

Taravari komentoi edhe rezultatet nga rivotimi dhe theksoi se ata kanë qenë në avantazh më 8 maj dhe tani, siç tha ai, janë në avantazh të madh.

“BDI mund ta ankimon rezultatin, por rezultatet janë këto që janë. Ishte e pritshme dhe tani vala e ndryshimit është ajo që nuk mund të ndalet, prandaj BDI-ja duhet të pajtohet me rezultatin. Qytetarët tani janë liruar, votojnë pak më lirshëm se sa më parë dhe uroj që BDI-ja ta pranon këtë realitet. Tash VLEN-i ka një deputet më shumë, BDI-ja një deputet më pak”, deklaroi Taravari.

Continue Reading

Lajme nga vendi

Rivotimi/ VMRO s’ka vendosur për ankesa, Fronti Evropian do të ankohet për procesin e rivotimit në Llërcë

Published

on

VMRO-DPMNE-ja nuk ka vendosur akoma nëse do të dorëzojë ankesa në KSHZ rreth procesit të votimit ose mbledhjes së rezultateve në gjashtë vendvotime në njësinë e pestë zgjedhore.

Nga rivotimi i një dite më parë, kjo parti priste të marrë një deputet më shumë në njësinë e pestë por kjo nuk ndodhi.

Nga ana tjetër, Fronti Evropian është duke përgatitur ankesa për votimin e një ditë më parë në Llërcë.

Pas rivotimit, koalicioni humbi një mandat në zonën gjashtë, i cili shkoi në adresë të VLEN-it. Megjithatë, Fronti Evropian vlerëson se ka pasur parregullsi për të cilat do të ankohet në KSHZ.

Partitë dhe subjektet pjesëmarrëse në zgjedhje kanë afat 48 orë për ankesa në KSHZ.

Advertisement

Pas rivotimit në një vendvotim në Llërcë të Zhelinës, Fronti Evropian humbi një deputet nga rezultatet e 8 majit kurse VLEN fitoi një deputet më shumë.

Kurse rivotimi në gjashtë vendvotime në njësinë e pestë zgjedhore nuk përmbysi rezultatin e 8 majit.

Me këtë, VMRO-DPMNE-ja mbetet me 58 deputetë, Fronti Evropian dhe Koalicioni për Të Ardhme Evropian janë me nga 18 deputetë, VLEN ka 14 deputetë kurse ZNAM dhe E Majta kanë nga 6 deputetë.

118 deputetë kanë marrë certifikatat kurse 2 të tjerë do të certifikohen pasi të mbyllen të gjithë afatet e ankesave rreth zgjedhjeve.

Kreu i Kuvendit Jovan Mitrevski njoftoi se në koordinim me të gjitha partitë parlamentare të dala nga zgjedhjet e fundit, caktoi seancën konstituive të përbërjes së re të Kuvendit për më 28 maj. Seancën do ta drejtojë deputetja më e vjetër, Merita Kollçi Koxhaxhiku.

Advertisement

Pas konstituimit, partia që formon shumicën duhet të marrë mandatin për formimin e qeverisë së re. VMRO-DPMNE-ja beson se kjo do të ndodhë në gjysmën e dytë të muajit qershor. Deputeti Antonio Milloshoski, njoftoi sot në rrjetin X se qeveria e re pritet të formohet deri më 20 qershor, me shumë gjasë, mes VMRO-se, VLEN-it dhe ZNAM-it./ Alsat.mk

Continue Reading

Lajme nga vendi

Jo zyrtare, kjo është pakoja ekzekutive e koalicionit VLEN

Published

on

Pakoja ekzekutive e koalicionit VLEN përfshinë kryetarin e Kuvendit, zëvendëskryeministrin e parë, gjashtë ministri, shtatë zëvendësministra dhe rreth 400 drejtori. Sipas burimeve nga grupet e bisedimeve Afrim Gashi është paraparë në krye të ligjvënësit. Zëvendëskryeministër i parë do të jetë Izet Mexhiti, ndërsa ministria e Eurointegrimeve apo zëvendëskryeministri për Eurointegrime do t’i takon Alternativës. Ky subjekt do të ketë edhe dy zëvendësministra atë të Arsimit dhe të Ministrisë për marrëdhënie mes bashkësive etnike. Në kuadër të VLEN, Lëvizja Demokratike e Izet Mexhitit përveç zëvendëskryeministrit të parë do të ketë edhe Ministrinë e Ekologjisë dhe dy zëvendësministra edhe atë në MPB dhe Transport e lidhje.

Lëvizja Besa do të ketë dy ministri, atë të Ekonomisë dhe Ministrinë e Punës dhe Politikës Sociale. Partia e Bilall Kasamit i cili ka vendosur të mban mandatin e kreut të Tetovës do të kedhë zëvendësministër në Kulturë.
Aleanca për Shqiptarët, krahu i Arben Taravari do të ketë gjithashtu dy ministri. Ministria e Shëndetësisë dhe një ministri pa resor. Krahu i Taravarit do të ketë edhe zëvendësministër në Mbrojtje dhe Bujqësi. Arben Taravari nuk përjashtoi mundësinë që ai vet të udhëheqë me Shëndetësinë, por tha se akoma nuk është definitive. Në 24 deri 48 orët e ardhshme pritet zyrtarizimi i marrëveshjes VLEN me VMRO-DPMNE-në.

“Aleanca do të ketë dy ministri, një zëvendëskryeministër për qeverisje të mirë dhe transparencë dhe ministrin e shëndetësisë dhe dy zëvendësministra, si dhe dy sekretar shtetëror, gjegjësisht zëvendësministër për mbrojtje dhe zëvendësministër për bujqësi. Sekretar shtetëror në shëndetësi dhe një tjetër që tani nuk më kujtohet…Nuk përjashtohet mundësia, por nuk është definitive”, deklaroi Arben Tarvari, VLEN.Gazetar: Adrian Kerimi

Continue Reading

Më të lexuarat