Lajme nga vendi

Vonohet referendumi kundër lojërave të fatit

Published

2 years ago

May 3, 2023

Nga Lëvizja Anti-Bixhoz kërkojnë që të mos ketë zhagitje për referendumin sepse gjatë verës mbajtja e tij do të mund të dështonte shkaku i pushimeve verore. Nga dita kur duhet që të kalojë në këshill pika për organizimin e referendumit e deri në mbajtjen e tij duhet të kalojnë jo më shumë se 45 ditë

Urim HASIPI

Tetovë, 3 maj – Lëvizja Anti Bixhoz është kundër që të organizohet edhe një debat publik në këshillin e komunës së Tetovës për mbajtjen e referendumit për të larguar nga qyteti objektet e lojërave të fatit. Këto qëndrime janë bërë publike, pasi që edhe në seancën e fundit të këshillit të komunës së Tetovës nuk është vendosur në rend dite pika për organizimin e referendumit. Përderisa nga komuna e Tetovës thonë se do të duhet të mbahet edhe një debat publik në këshillin e komunës, nga Lëvizja Anti Bixhoz pohojnë se kanë përfunduar të gjitha takimet me këshilltarët dhe është mbajtur një debat ku konkluzat janë dorëzuar në komunën e Tetovës. “Ka vonesë të qëndrimeve të komunës rreth mbajtjes së referendumit. Ne para ca ditësh patëm takim me gjithë këshilltarët dhe hasën mirëkuptim nga gjitha partitë politike. Tani kemi lënë takim tjetër për caktimin e datës së referendumit. Nuk duhet mbajtur më debat publik pasi që Lëvizja Anti bixhoz e mbajti debatin dhe konkluzionet dhe qëndrimet i janë dorëzuar komunës dhe tani presim që këto të kalojnë në këshillin e komunës së Tetovës”, tha Jushi Emërllahu nga Lëvizja Anti Bixhoz.

Nga komuna e Tetovës, thonë se do të duhet që edhe njëherë të ulen të diskutohen të gjitha mundësitë dhe hapat që do të ndërmerren për organizimin e referendumit. Një takim është lënë për më 20 maj. “Që të del me sukses qoftë procedura e referendumit apo nismës qytetare, e kemi lënë edhe një takim më 20 maj, gjithë palët bashkë që edhe një herë t`i diskutojmë gjitha mundësitë dhe hapat që do marrim. Komuna ka të drejtë ta realizoj por duke ditur historikun e zgjedhjeve deri më tani si kanë dalë zgjedhjet, ku asnjëherë nuk ka qenë mbi 50 për qind, ndërsa për të qenë i suksesshëm referendumi dalja duhet qenë mbi 50 për qind. Andaj kemi biseduar gjithë bashkë nëse do ia dalim të nxjerrim mbi 50 për qind të qytetarëve. Kështu që pasi të takohemi bashkë, ndoshta do bëjmë dhe një debat publik, ku do ftojmë gjitha palët që pasi të marrim një hap të tillë të del i suksesshëm”, tha Besar Durmishi, kryetar i këshillit të komunës së Tetovës.

Nga Lëvizja Anti Bixhoz kërkojnë që të mos ketë zhagitje për referendumin sepse gjatë verës mbajtja e tij do të mund të dështonte shkaku i pushimeve verore. Nga dita kur duhet që të kalojë në këshill pika për organizimin e referendumit e deri në mbajtjen e tij duhet të kalojnë jo më shumë se 45 ditë. Prandaj, edhe nga Lëvizja Anti Bixhoz kërkojnë që sa më shpejtë të jetë në rend dite kjo çështje, kurse për organizimin e referendumit sipas përllogaritjeve komuna duhet të ndajë një buxhet prej 6 milion denarëve.

Ndërkaq, për nesër është paralajmëruar protestë kundër hapjes së një kazinoje në afërsi të shkollës në fshatin Siniçan, ndërsa kjo protestë është përkrahur edhe nga Lëvizja Anti Bixhoz. KOHA

Lajme nga vendi

Durmishi ndau mjete financiare për organizatat e konsumatorëve për zbatimin e Programit për mbrojtjen e konsumatorëve

Published

13 hours ago

December 4, 2024

TetovaExpres

Ministri i Ekonomisë dhe Punës, Besar Durmishi ndau sot mjete financiare për organizatat e konsumatorëve për zbatimin e Programit për mbrojtjen e konsumatorëve, Programit për bashkëfinancimin e projekteve për zhvillimin dhe avancimin e sipërmarrësisë dhe zejtarisë, aktivitetet programore të rrjeteve të zejtarëve të biznesit, si dhe Programin për mbështetjen e konkurrueshmërisë së industrisë përpunuese dhe përgjegjësisë shoqërore.

Ministria e Ekonomisë dhe Punës, në përputhje me Thirrjen publike për ndarjen e mjeteve për realizimin e programeve (projekteve) të shoqatave të konsumatorëve, ka ndarë mjete financiare për organizatat e konsumatorëve në qytete të ndryshme të shtetit. Janë ndarë mjete për:

Organizata e Konsumatorëve të Ohrit: 350.000,00 denarë;

Organizata e Konsumatorëve të Manastirit: 350.000,00 denarë;

Organizimi e Konsumatorëve të Koçanës: 319.500,00 denarë;

Organizata e Konsumatorëve të Shtipit: 300.000,00 denarë;

Organizata e Konsumatorëve të Tetovës: 340.000,00 denarë;

Organizata e Konsumatorëve të Maqedonisë-Shkup (OKM): 340.200,00 denarë

Në kuadër të Programit për zhvillimin e sipërmarrësisë dhe konkurrueshmërisë së ndërmarrjeve të vogla dhe të mesme, si dhe për nxitjen e zhvillimit dhe avancimit të sipërmarrësisë dhe konkurrueshmërisë së ndërmarrjeve, Ministria e Ekonomisë dhe Punës realizon bashkëfinancimin e projekteve të fondacioneve dhe shoqatave që lidhen me mbështetjen jofinanciare për zhvillimin e biznesit dhe konkurrencës, për bashkëfinancimin e projekteve të shoqatave, fondacioneve dhe odave të zejtarëve për zhvillimin dhe promovimin e zejtarëve, etj., si dhe bashkëfinancimin e projekteve për veprimtari zejtare.

Për të tre masat, është parashikuar bashkëfinancim i 70% të shpenzimeve të projektit, por jo më shumë se 350.000 denarë për aplikant, ndërsa pas realizimit të programit, do të ndahen subvencione për 26 projekte me vlerë të përgjithshme prej 6.132.240 denarë.

Në kuadër të Programit për mbështetjen e konkurrueshmërisë së industrisë përpunuese dhe përgjegjësisë shoqërore, Ministria e Ekonomisë dhe Punës ka realizuar masën për kompensimin e një pjesë të shpenzimeve për akreditimin e laboratorëve, parashikohet zgjerimi i fushëveprimit të akreditimit të

laboratorëve ekzistues për testimin ose prokurimin e pajisjeve për laboratorët për lëshim në treg të produkteve me cilësi të sigurt.

Në kuadër kësaj mase, parashikohet bashkëfinancimi i shpenzimeve prej 50% të shumës jo më shumë se 400.000 denarë për secilin aplikant. Vlera e përgjithshme e vlerësuar është 3.000.000 denarë. Përdorues të kësaj skeme janë 11 laboratorë.

Duke marrë parasysh nevojat e kompanive, Ministria e Ekonomisë dhe Punës do të vazhdojë të zbatojë masa dhe aktivitete që synojnë përmirësimin e konkurrueshmërisë. Lista e përdoruesve është tashmë e disponueshme në faqen e internetit të Ministrisë.

Lajme nga vendi

Gerasimovski: 1735 pensionistë para festave do të marrin nga 2.500 denarë

Published

13 hours ago

December 4, 2024

TetovaExpres

Kryetari i Komunës Qendër, Goran Gerasimovski njofton se është përfunduar thirrja publike për ndarjen e njëhershme të ndihmës financiare në shumë prej 2.500 denarë për pensionistët me pension pleqërie, familjare, invaliditeti ose pensioni social jo më i lartë se 23.758,00 denarë. Në këtë thirrje kanë aplikuar 1735 pensionistë për mbështetje financiare të njëhershme nga Komuna, e cila do të paguhet deri në fund të vitit.

Gerasimovski thotë se për këtë ndihmë kanë aplikuar 1735 pensionistë, e cila është një hap i rëndësishëm për mbështetje gjatë festave të fundivitit.

“Gjatë festave të Vitit të Ri kur e gjithë familjet festojnë së bashku, këto ditë mund të jenë një presion shtesë financiar për pensionistët. Prandaj, detyra jonë është t’ua lehtësojmë jetën e përditshme. Interesimi për thirrjen publike ishte vërtet i madh, besoj se këto mjete do t’u ndihmojnë për buxhetin familjar të festave”, thotë Gerasimovski.

Komuna Qendër, theksojnë nga atje, vazhdon të realizojë projekte përmes të cilave do të fuqizojë bashkësinë lokale, por edhe do të përmirësojë cilësinë e jetës së të gjithë qytetarëve.

Lajme nga vendi

VLEN: Çdo denarë për qytetarët, sipërmarrësit dhe të ardhmen e përbashkët!

Published

13 hours ago

December 4, 2024

TetovaExpres

“Në këtë kohë sfidash dhe krizash të reja, Koalicioni VLEN nuk ndalet! Sot, Ministria e Ekonomisë dhe Punës e drejtuar nga ministri Besar Durmishi, në përputhje me Thirrjen publike ndau mjete konkrete që prekin drejtpërdrejt jetën e qytetarëve tanë – për konsumatorët, zejtarët dhe sipërmarrësit që janë themeli i ekonomisë sonë.

Sepse për ne, secili qytetar është prioritet, dhe çdo denarë i ndarë shkon për të ndihmuar ata që punojnë dhe krijojnë!
Janë ndarë rreth dy milion denarë në të gjithë Shoqatat e Organizatave të Konsumatorëve në vend. Ndërsa pas realizimit të programit, do të ndahen subvencione për 26 projekte me vlerë të përgjithshme prej 6.132.240 denarë”, thuhet në njoftimin e koalicionit VLEN.

“Në kuadër të Programit për mbështetjen e konkurrentësisë së industrisë përpunuese dhe përgjegjësisë shoqërore, Ministria e Ekonomisë dhe Punës ka realizuar masën për kompensimin e një pjesë të shpenzimeve për akreditimin e laboratorëve, parashikohet zgjerimi i fushëveprimit të akreditimit të laboratorëve ekzistues për testimin ose prokurimin e pajisjeve për laboratorët për lëshim në treg të produkteve me cilësi të sigurt. Në kuadër kësaj mase, parashikohet bashkëfinancimi i shpenzimeve prej 50% të shumës jo më shumë se 400.000 denarë për secilin aplikant. Vlera e përgjithshme e vlerësuar është 3.000.000 denarë. Përdorues të kësaj skeme janë 11 laboratorë.

Te masa e kompensimit të një pjese të shpenzimeve për mirëmbajtjen dhe zbatimin e praktikave të pranueshme sociale të subjekteve afariste, vlera e përgjithshme e mjeteve është 2.000.000 denarë, ndërsa Ministria e Ekonomisë dhe Punës bashkëfinancoi 8 kompani. Duke marrë parasysh nevojat e kompanive, Ministria e Ekonomisë dhe Punës do të vazhdojë të zbatojë masa dhe aktivitete që synojnë përmirësimin e konkurrentësisë.

VLEN angazhohet për lehtësimin e jetës së qytetarëve. VLEN është afër afaristeve dhe qytetarëve. VLEN është zotuar për të dërguar në vend premtimet e saj”, mbyllet njoftimi i koalicionit VLEN.