Lajme nga vendi
VMRO-DPMNE: Marrëveshja me Bechtelin është në kundërshtim me Kushtetutën dhe ligjin
Nëpërmjet një kumtese të VMRO-DPMNE-së thuhet se krahasimet e Grubi për ndërtimin e autostradave me ato në Serbi janë bajate.
“Të gjithë në Maqedoni e dinë admirimin e Grubit për Aleksandar Vuçiqin dhe Serbinë, por kësaj radhe, matematikat rreth krahasimit të dy austradave janë qesharake”, thuhet në njoftimin e VMRO-DPMNE-së.
Partia e Mickoskit thekson se Serbia shpalli tender për autostradë të cilën Grubi e krahason dhe mundësoi eksproprijimin, ndërsa Maqedonia ka ligje në kundërshtim me Kushtetutën dhe dënime prej mbi 100 milionë euro.
“Autostrada në Serbi ka 112 kilometra e gjatë dhe 30 metra e gjerë, me 139 objekte, 84 ura, 26 mbikalime, 3 nënkalime, 10 udhëkryqe, tre pushimore dhe parkingje. Ka edhe rregullim të lumit Morava dhe ndërtim të telekomunikacionit në autostradë. E gjithë kjo kushton 7 milionë euro për 1 kilometër në Serbi, ndërsa marrëveshja me Grubin kushton 20 milionë euro në Maqedoni”, thonë nga kjo parti.
Nga kjo parti theksojë se ne qeverië e ardhshme do të prishet marrëvehja për arsye se kjo marrëveshje është e dëmshme për qytetarët dhe në kundërshtim me Kushtetutën dhe ligjin./Telegrafi/
Lajme nga vendi
Vrasja e mjekut në Zhelezarë, tre të arrestuar
Lajme nga vendi
Taravari për marrëveshjen e Selës me Ahmetin: Nëse mendojnë që BDI-ja duhet të vazhdojë në pushtet është e drejt e tyre legjitime
Kryetari i ASH-së, Arben Taravari tha se në rast se krahu i Selës në ASH vendos që të shkojë vetë në zgjedhje, ai është i gatshëm të jep vulat e partisë dhe të nënshkruaj propozimet e tyre, përcjell TV21.
“Nëse është arsyeja vulat pse shkojnë me BDI-në, unë para se ta mbajnë Kuvendin sot ju them përsëri, në qoftë se e mbani qëndrimin ende se mund të shkoni vetë, unë jam këtu që t’i pranojë listat me emrat që do t’i propozojnë ato për t’i nënshkruar dhe për t’i vulosur që të dalin me logon e ASH-së”, tha Taravari.
I pyetur për marrëveshjen e mundshme të ASH-krahu i Selës me BDI-në, ku ASH-së pretendohet se i premtohen 5 deputetë, Taravari the se e respekton vendimin e secilit.
“Shumë legjitime. Pavarësisht se si janë marrë vesh, unë e respektoj mendimin e çdo kujt. Unë këto dyshime i kam pasur edhe më parë, që ka afërsi dhe e kam thënë publikisht, ka afërsi të disa funksionarëve të ASH-së e BDI-në, por kjo nuk është diçka që është e jashtëzakonshme. Ata ashtu mendojnë, mendojnë që BDI-ja duhet të vazhdojë me pushtet dhe është shumë legjitime”, deklaroi Taravari.
Lajme nga vendi
Osmani: Mendoj që kjo do të jetë një ndër fitoret më të mëdha që kemi pasur si bllok
Në takimin me punonjësit në arsim dhe studentët, kandidati shqiptar për president, Bujar Osmani ka argumentuar se pse kandidohet si president.
“Dalim me idenë e presidentit të parë shqiptar dhe kërkojmë mbështetjen e gjithëve atyre të cilët kanë qenë të privuar nga mundësia për të pasur president, për shkak se këtu ka pasur monopole etnike dhe politike në 30 vitet e fundit, të cilët po i rrënojmë një nga një, mision pas misioni, duke e demonopolizuar shtetin dhe duke krijuar barazi të plotë. Asnjëherë duke tentuar që të dominojmë mbi të tjerët, por duke e kërkuar hisen tonë që secili të ketë mundësi të barabartë. Mendojë që kjo do të jetë një ndër fitoret më të mëdha që kemi pasur si bllok.
Ministri Osmani potencoi se këto zgjedhje do jenë jashtëzakonisht të rëndësishme. “Kujtoj që jemi në një udhëkryq të rëndësishëm historik, ku parashikueshmëria strategjike do të jetë përcaktuese se si do të jetë e ardhmja jonë e përbashkët. Një karakteristikë e veçantë e këtyre zgjedhjeve, dhe do të flas nga perspektiva partiake, për herë të parë po ridefinohet skena politike. Deri më tani, kemi pasur dy blloqe të mëdha politke, multietnike, që kanë pretenduar të udhëheqin shtetin, dhe keni pasur partitë politike shqiptare duke garuar, duke qenë partneri i vogël i blloqeve të mëdha”, tha ministri Osmani.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve