Lajme nga vendi
Milloshoski: Njerëz të afërt me pushtetin kanë blerë tokat ku kalojnë korridoret
Gjyqi i mundshëm ndërkombëtar i arbitrazhi për Korridoret 8 dhe 10-D do bëhet sipas ligjeve të Anglisë dhe Uellsit. Kjo është shkruar e zezë mbi të bardhë në marrëveshjen mes Bechtel&Enka dhe Qeverisë. Deputeti i VMRO-DPMNE-së, Antonio Millosheski në emisionin “Rruga drejt” tha se ky veprim i Qeverisë favorizon konzorciumin para gjyqit ndërkombëtar.
“Qeveria e Maqedonisë është pajtuar për arbitrazh ndërkombëtare në Paris por ajo që neve nuk e pranojmë është që arbitrazhi të jetë sipas legjislacionit të Anglisë dhe Uellsit. Maqedonia ka bërë marrëveshje me EVN-në, ka bërë me TAV-in pra një kompani austriake dhe një turke, por arbitrazhi është paraparë të jetë sipas ligjeve të Maqedonisë. Kompanitë e mëdha të cilat e fitojnë të drejtën për arbitrazh në Paris sipas legjislacionit anglez janë në përparësi sepse ligjet e Anglisë nuk ka norma imperative të cilat do ta mbronin interesin publik dhe të drejtat e punëtorit”, tha Antonio Milloshoski, VMRO-DPMNE.
Milloshoski deklaroi publikisht se subjekti i tij është në dijeni se njerëz të afërt me krerët e ekzekutivit kanë pasur informacion nga kalon traseja e Korridorit 8 dhe 10-D dhe kanë blerë toka me qëllim që më pas t’i shesin më shtrenjtë.
“Njerëz të afërt me Boçvarskin, Dimitar Kovaçevskin, Artan Grubin dhe Kreshnik Bekteshin paraprakisht e kanë ditur nga do të jetë traseja dhe nga do të kalonte autostrada, kanë blerë toka me çmime më të lira, pa i treguar pse dhe me shpronësimin e paraparë do të fitojnë 5-10 herë më shumë nga vlera e blerjes”, deklaroi Antonio Milloshoski, VMRO-DPMNE.
Duke folur për ndryshimet e propozuara ligjore të cilët lidhen me realizimin e Korridorit 8 dhe 10-D, sipas Milloshoskit ndryshimet e tilla nuk shpejtojnë punimet por rrisin kostot. Lidhur me dërgimin e Marrëveshjes me Bechtel&Enka në Prokurori Publike, Milloshoski thotë se kjo bëhet me qëllim që Qeveria të blen kohë dhe t’i shmanget publikimit. /Alsat.mk
Lajme nga vendi
Skandalet përfshijnë Ministrinë e Bujqësisë, ministri i ri Tripunovski shpalos shpërdorimet
Ministri i Bujqësisë Cvetan Tripunovski, publikoi dy rastet e para, nga gjithsej 5 rastet e keqpërdorimit të parave të shtetit, të cilat kanë ndodhur gjatë kohës kur me ministrinë e bujqësisë e udhëhiqte Ljupço Nikollovski nga LSDM. Tripunovski tha se gjatë kësaj periudhe, persona të caktuar juridikë, edhe pas mosrespektimit të marrëveshjeve, kanë vazhduar të jenë shfrytëzues të parave të shtetit në formë subvencionesh. Ministri Tripunovski thotë se bëhet fjalë për dy subjekte juridike që kanë dëmtuar buxhetin e shtetit në vlerë prej 765 mijë euro. Ministri tha se aktualisht po punohet në 5 raste, por vetëm për dy rastet që u publikuan sot, janë siguruar dëshmi të forta. Tripunovski ftoi institucionet kompetente të punojnë në zbardhjen e plotë të këtyre rasteve. /Alsat.mk
Lajme nga vendi
Rrokulliset makina me të cilën udhëtonte trajneri dhe dy lojtarë të KF Bashkimit nga Kumanova
Makina me të cilën udhëtonin trajneri i ekipit te parë të KF Bashkimit, Bazhe Janakievski, si dhe dy lojtarët Memet Rizahamza dhe Borjan Panevski është rrokullisur sot në autostradën Shkup-Kumanovë, në afërsi të pikëpagesës rrugore në Rramanli, shkruan gazeta LAJM.
Njoftimin dhe videon në adresën elektronike të gazetës LAJM, e ka dërguar pronari i klubit, Burak Hyda.
Sipas tij, aksidenti ka ndodhur rreth orës 10;30 derisa Janakievski, Rizahamza dhe Panevski ishin duke udhëtuar drejt Kumanovës për të marrë pjesë në stërvitjet e paraditës.
Ata janë dërguar me urgjencë në Spitalin e Kumanovës, ku janë konstatuar lëndime të lehta trupore.
Sipas Hydës, makina ka dal nga rruga për shkak ujit të grumbulluar në autostradë nga reshjet e shiut.
“Është rrotullisur një makinë me 3 pasagjerë, në afërsi të pikëpagesës rrugore afër Kumanovës. Në makinë ishin trajneri dhe dy lojtar të KF Bashkimit. Makina është dëmtuar rëndë, ndërsa lojtarët me lëndime të lehta trupore. Trajneri ka disa lëndime të lehta por është në gjendje të mirë”, ka shkruar Hyda./Gazeta LAJM
BDI-ja ka thirrur mbledhjen e të gjitha strukturave partiake sot në Tetovë nga ku pritet të dalë plani konkret mbi masat që do të ndërmerr BDI-ja për siç thonë ata, mbrojtje të legjitimitetit. Në mbledhjen e thirrur prite të vendoset për protestat e mundshme të cilat BDI-ja i paralajmëron në kuadër të 100 ditëshit të Qeverisë VMRO-VLEN dhe qëndrimin e tyre mbi iniciativën kushtetuese për Ligjin e përdorimit të gjuhëve. Jo zyrtarisht mbledhja e organeve dhe strukturave partiake është thirrur në orën 14 në Tetovë.
Skandalet përfshijnë Ministrinë e Bujqësisë, ministri i ri Tripunovski shpalos shpërdorimet
Rrokulliset makina me të cilën udhëtonte trajneri dhe dy lojtarë të KF Bashkimit nga Kumanova
BDI mbledh organet e partisë, pritet të vendosë për format e protestës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve