Lajme nga vendi
Kovaçevski: Medikamenti Trikafta pas votimit të ndryshimeve ligjore në Kuvend, i kapshëm për të gjithë pacientët të cilëve u nevojitet

Medikamenti Trikafta të cilin tashmë e morën pacientët në gjendje më kritike, pas procedurës së zbatuar urgjente, pas votimit të ndryhsimeve ligjore të cilat janë në procedurë kuvendore shumë shpejtë do të mund të caktohen mjete financiare edhe për të gjithë pacientët e tjerë të cilët kanë nevojë nga ky medikament, deklaroi kryeministri, Dimitar Kovaçevski.
“Siguruam medikament në pajtim me analizat e Ministrisë së Shëndetësisë, para së gjithash Klinilës për sëmundje të fëmijëve dhe Klinikës për pulmologji. Furnizim urgjent para së gjithash për pacientët më kritik. Ata i identifikuan se janë tetë në gjendje më kritike. Dh është mirë që furnizuesi arriti ta sjellë medikamentin edhe para 30 ditëve të parapara, sa duhej të prodhohej medikamenti tek prodhuesi”, tha Kovaçevski nëp pyetjen e gazetarëve pas vizitës në një market në Kapishtec.
Lidhur me ndryshimet ligjore, nënvizoi se ato bëhen sepse bëhet fjalë për medikament i cili prodhohet nga ana e vetëm një prodhuesi, i cili e ka patentën, dhe se kjo është praktikë edhe tek shtetet në rrethinë.
“Shtetet dhe disa nga shtetet në rrethinën tonë në ligjet e veta parashikuan se kur bëhet fjalë për medikament të cilin e prodhon një prodhues Ministria e Shëndetësisë, Fondi për shëndetësi përmes ekipeve të veta profesionale drejtpërdrejtë e furnizon medikamentin, sepse nëse shkoni përmes ndërmjetësve, atëherë çmimi i medikamentit vetëm rritet, bëni procedurë tenderi për diçka që e ofron vetëm një prodhues. Dhe për atë shkak janë përgatitur ato ndryshime, i përgatitën profesorë nga Fakulteti i Mjekësisë së bashku me kolegë nga Fondi për shëndetësi dhe Ministria e Shëndetësisë dhe janë para deputetëve në Kuvend. Unë jam i sigurt se atë do ta votojnë dhe në bazë të asaj Ministria dhe Fondi do të mund të hyjnë në negociata për furnizim të medikamentit për të gjithë pacientët, cila listë e pacientëve merret nga ana e klinikave të cilat kujdesen për shëndetin e atyre pacientëve dhe në bazë të analizave të cilat ata i bëjnë , e dinë saktësisht se për cilët pacientë kur, çfarë terapie duhet t’u jepet”, theksoi kryeministri Kovaçevski.
Ai potencoi se është mirë që edhe gjatë furnizimit të parë që është bërë, është arritur çmim i cili është më i ulët nga ai që ishte planifikuar fillimisht, kështu që përveç tetëve të cilët janë më kritik tashmë mund të merret edhe për katër pacientë të tjerë.
Kovaçevski informoi se tashmë është parë me anëtarët e Asociacionit pë fibrozë cistike, me disa nga prindërit e fëmijëve të cilët shprehën falënderim që për një kohë aq të shkurtë është siguruar medikamenti për këta pacientë ndërsa për një kohë të shkurtë edhe për të tjerët.
Lajme nga vendi
Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore

Njëmbëdhjetë persona në kontakt me një të punësuare të shtruar në Klinikën infektive janë nën mbikëqyrje 14-të ditore, pasi ajo është diagnostikuar me ethe hemorragjike krimea kongo, informoi sot Renata Mlladenovska, drejtore e Inspektoratit Shtetëror Sanitar dhe Shëndetësor (ISHSSH).
“Pas marrjes së informacionit nga Instituti për Shëndet Publik, të njëjtën ditë, pra më 5 gusht, ekip i epidemiologëve nga Qendra për Shëndet Publik – Shkup, ka kryer kontroll epidemiologjik, janë bërë anketa dhe kontakte. Informacioni është ndarë dhe me ISHSSH-në dhe si institucion lëshuam edhe 11 zgjidhje, ato janë kontakte të tashmë pacientes së shtruar e cila është edhe e punësuar në Klinikën infektive. Ato 11 kontakte do të jenë nën mbikëqyrje shëndetësore 14-ditore”, tha Mlladenovska.
Ajo sqaroi se çfarë nënkupton mbikëqyrja shëndetësore.
“Pacientja, përkatësisht kontaktet do të duhet të paraqiten dhe të jenë në kontakt të vazhdueshëm me epidemiologun kujdestar nga Qendra për Shëndet Publik – Shkup, nuk është izolim klasik, megjithatë nuk duhet të kenë kontakt me të tjerët – nëse është familja e ngushtë, thjesht të durojnë këto 14 ditë që të mos përhapet ky infeksion dhe shpresoj që ky të jetë rasti i fundit. Sa u përket 29 kontakteve të mëparshme, nga ato 29 kontakte, një është konfirmuar si rast, kemi mbikëqyrje shëndetësore, vendime të marra për 40 persona”, ka thënë Mlladenovska.
E pyetur nëse këta 11 kontakte janë të gjithë nga Klinika infektive apo familja, ajo sqaroi se nga këta 11, dhjetë persona janë nga familja e ngushtë e pacientes dhe një kontakt është e një kolege të saj poashtu nga Klinika infektive.
Më herët, kryetari i Komisionit për Sëmundje Infektive, Zllate Mehmedoviq, tha për MIA-n se Komisioni absolutisht qëndron prapa asaj që është bërë nga Instituti i Shëndetit Publik, masat e ndërmarra dhe rekomandimet që jepen.
Nga ajo që kanë parë, shtoi ai, rasti i parë është rast i infektimit të drejtpërdrejtë, ndërsa i dyti me gjasë është gjatë transmetimit përmes gjakut të kontaminuar.
Në rastin e parë të infeksionit të drejtpërdrejtë ndërroi jetë një paciente 27-vjeçare, pas infektimit nga pickimi i rriqrës.
Lajme nga vendi
Dogana e Maqedonisë ka konfiskuar fletobligacione në vlerë 92 milionë dollarë nga një shtetas i Turqisë

Drejtori i Doganave, Stefan Bogoev në një konferencë të jashtëzakonshme për shtyp njoftoi se Doganat e Maqedonisë së Veriut kanë konfiskuar fletobligacione në vlerë të 92 milionë dollarëve, shkruan TV21. Bogoev tha se janë konfiskuar 184 fletobligacione me vlerë të veçantë nominale prej 500 mijë dollarëve.
“Obligacionet janë gjetur tek një udhëtar, shtetas i Turqisë, i cili ka ardhur me fluturim të rregullt nga Stambolli dhe është përcaktuar për të kaluar në të ashtuquajturin “kanal i gjelbër”, respektivisht se nuk ka mall për të deklaruar, ndërsa gjatë kontrollit me skaner dhe kontrollit shtesë të detajuar, tek i njëjti janë gjetur në 4 dosje brenda një çante të zezë”, tha mes tjerash Bogoev duke shtuar se personi në fjalë është dënuar nga gjykata e vendit, ndërsa fletobligacionet i janë dorëzuar Agjencisë për Menaxhim me Pronë të Konfiskuar.
Lajme nga vendi
100 ushtarë nesër nisen për në Slloveni, janë kërkuar mjete materiale dhe teknike

Nesër në mëngjes ushtarët maqedonas duhet të nisen për në Slloveni, ku do të ndihmojnë në përballimin e përmbytjeve katastrofike. Këtë e theksoi sot ministrja e Mbrojtjes, Slavjanka Petrovska, duke theksuar se nuk ka pasur vonesa në ndihmën e ofruar.
Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.
Ministri sqaroi se ushtarët tanë tashmë janë gati. Në kërkesë thuhet se kërkohen 200 ushtarë.
Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.
Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.
-
Lajme nga vendi1 year ago
Zyra e Avokatit të Popullit në Tetovë sot do të jetë e hapur
-
Lajme nga vendi1 year ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi11 months ago
Kovaçevski paralajmëroi drejtor të ri të Drejtorisë për Zbatimin e Sanksioneve