Lajme nga rajoni
(VIDEO) Aksident i rëndë në veri të Greqisë: Përplasen trenat, të paktën 32 të vdekur, 85 të plagosur
Një tren pasagjerësh me disa qindra persona është përplasur mbrëmë me një tren mallrash pranë Tempit afër Larisës, raportojnë mediat greke. Sipas të dhënave të fundit, në këtë aksident katastrofik kanë humbur jetën 32 persona, ndërsa të paktën 85 janë lënduar.
Përplasja shkaktoi shkatërrimin e disa vagonave me pasagjerë. Në vendngjarje, ekipet e shpëtimit gjetën skena tronditëse: trupa njerëzish dhe njerëz të plagosur ishin rreth e rrotull pistës, dhe të tjerë ishin në rrënojat e vagonave.
Siç shkruan gazeta greke Kathimerini, aksidenti ka ndodhur pak para mesnate në afërsi të qytetit të Tempit dhe ekipet e shpëtimit kanë konfirmuar deri më tani se ka 32 viktima dhe 85 pasagjerë të plagosur. Mirëpo, ata janë ende në kërkim të vagonëve, ndaj dyshohet se numri i të vdekurve dhe të plagosurve do të jetë më i madh.
Sipas zjarrfikësve të cilët kanë mbërritur me shpejtësi në vendngjarje, zjarri në pjesën më të madhe është shuar, ndërsa operacioni i shpëtimit është duke vazhduar. Ekipet mjekësore janë duke pritur që zjarrfikësit të lirojnë hyrjen në vagona dhe më pas të evakuojnë të lënduarit.
Aksidenti ka ndodhur pak para mesnatës, raporton Kathimerini dhe ende nuk janë zbardhur rrethanat në të cilat ka ndodhur. Treni i pasagjerëve ishte në linjën Athinë-Selanik.
Nxjerrja e të plagosurve dhe operacioni i shpëtimit zgjati gjithë natën dhe në të morën pjesë më shumë se 150 zjarrfikës dhe rreth 40 autoambulanca. Në terren ndodhen edhe 32 policë me 15 mjete patrullimi, si dhe mjete me vinça, të cilat përdoren për të ngritur mbetjet e trenave.
Sipas kreut të shërbimit zjarrfikës Vassilis Vatrakoiannis, pasagjerët në gjendje të qëndrueshme po transportohen me autobus për në Selanik.
– Vagoni 1 dhe 2 nuk ekzistojnë. Për shkak të forcës së goditjes ata janë hedhur jashtë pista – tha Kostas Agorastos, guvernator i rajonit të Thesalisë.
Shefi i turnit në Larisa, në turnin e të cilit ndodhi aksidenti, është ndaluar për t’u marrë në pyetje në komisariatin e Larisës.
Pasagjerët që u evakuuan nga treni i vdekjes pa lëndime folën për mediat greke për momentin e aksidentit:
– U dëgjua një zhurmë e madhe… Treni ishte plot… E di që treni ishte vonë, dhe më pas u dëgjua një zhurmë – tha një nga pasagjerët.
Ministri i Mbrojtjes Civile, Christos Stylanidis, ndodhet në Qendrën e Krizave me përfaqësues të tjerë të qeverisë greke që në momentin e parë të aksidentit. U aktivizua Ushtria e Parë e Ushtrisë Greke, si dhe spitalet ushtarake në Athinë dhe Selanik.
Sipas Hellenic Train, në momentin e përplasjes në trenin e pasagjerëve ndodheshin të paktën 350 persona.
Dhe kjo kompani doli me një deklaratë:
“Në Evangelismos pati një përplasje kokë më kokë mes dy trenave: një treni mallrash dhe treni IC 62 në linjën Athinë-Selanik. Në momentin e përplasjes në përbërje kishte rreth 350 pasagjerë. Zjarrfikësit dhe personeli i kompanisë kanë dalë në terren dhe po marrin pjesë në operacionin e shpëtimit”.
Lajme nga rajoni
KSHZ jep detaje për përqindjen e daljes së votuesve deri në fund të procesit zgjedhor
Komisioni Shtetëror i Zgjedhjeve doli me informacioni mbi daljen e votuesve deri në ora 19:00 ose në fund të procesit të votimit.
Kryetari i KSHZ-së, Aleksandar Dashkovski në konferencë për shtyp tha se deri 19:00 kanë votuar 801.074 votues, ose 48.46%.
Dashkovski shtoi se Novaci është komuna me daljen më të madhe.
Ndërsa më pak në Qendër Zhupë.
Lajme nga rajoni
Deri ora 15:00 dalja në zgjedhjet presidenciale në RMV është 34.96 % kurse në Tetovë 32.80%
Jehona e votuesve në rrethin e parë të zgjedhjeve presidenciale, deri në ora 15:00, sipas të dhënave të përpunuara deri më tani të KSHZ-së për rajonin e Tetovës dhe Gostivarit me rrethinë ;
TETOVË 32.80% prej numrit të përgjithshëm 86.405 kanë votuar 26.840 votues
GOSTIVAR 25.41% prej numrit të përgjithshëm 81.517 kanë votuar 20.687 votues
BOGOVINË 22.07% prej numrit të përgjithshëm 28.583 kanë votuar 6.305 votues
BËRVENIC 27.48% prej numrit të përgjithshëm 15.898 kanë votuar 4.366 votues
VRAPÇISHT 10.35 % prej numrit të përgjithshëm 26.778 kanë votuar 2.769 votues
ZHELINË 20.22 % prej numrit të përgjithshëm 25.132 kanë votuar 5.079 votues
JEGUNOVC 29.43 % prej numrit të përgjithshëm 10.007 kanë votuar 2.943 votues
TEARCË 27.62 % prej numrit të përgjithshëm 22.421 kanë votuar 6.191 votues
Kurse në gjithë teritorin e Republikës së Maqedonis së Veriut deri ora 15.00 dalja e votuesve është 34.96 % prej numrit të përgjithshëm 1.814.317 votues, kanë votuar 566.073 votues. Të dhënat e publikuara janë marur nga faqja krzesore e KSHZ-së .
Lajme nga rajoni
BE-ja mbështet Serbinë për muri – nëse e pengon Kosovën në organizatat ndërkombëtare, do t’i ndërpritet procesi i anëtarësimit
Bashkimi Evropian i ka vendosur kushte Serbisë, për Kosovën.
Siç raporton Euronews, Serbia ose duhet të lejojë përfshirjen e Kosovës në organizatat kryesore ndërkombëtare ose të ballafaqohet me pezullimin e aspiratave të saj për të u bashkuar me Bashkimin Evropian.
Sipas mediumit ndërkombëtar, rruga e Serbisë drejt BE-së tani është direkt e lidhur me pëlqimin e heshtur për anëtarësimin e Kosovës në organizata të tilla si OKB-ja dhe Këshilli i Europës.
Ky vendim erdhi në dritë pasi ministrat e Punëve të Jashtme të BE-së, të mbledhur në Luksemburg më 22 prill, ranë dakord të ndryshojnë një pjesë kyçe të Kapitullit 35, i cili merret me negociatat e Serbisë për anëtarësim.
Beogradi deri më sot ka qenë kundër asaj që Kosova të bëhet pjesë e organizatave ndërkombëtare, duke pasur frikën se një gjë e tillë do të implikonte njohjen e saj si shtet.
Në dorë të Qeverisë Serbe mbetet tani të zgjedhë mes njohjes së indirekte të shtetit të Kosovës përmes anëtarësimit të saj në këto organizata ose të frenojë ambiciet për t’u bërë pjesë e bllokut evropian.
Vendimi i ministrave të Jashtëm i shton presionin mbi një marrëveshje të re të Ohrit, e cila synon të “normalizojë” marrëdhëniet e tensionuara që nga dekadat e fundit mes dy shteteve.
Marrëveshja e Ohrit, e cila u nënshkrua në pranverën e vitit 2023, u shihet si një rifirmim i marrëveshjes së Brukselit të vitit 2013. Kjo marrëveshje njohu autoritetin qeverisës të institucioneve kosovare, por deri më sot vetëm disa nga zotimet janë zbatuar nga të dy palët.
Një nga aspektet kritike të marrëveshjes së re është se Serbia duhet jo vetëm të shmangë bllokimin e Kosovës në rrugën e saj ndërkombëtare, por edhe të njohë dokumentet zyrtare administrative si targat dhe pasaportat kosovare.
Kushtet e reja që janë vendosur nga BE-ja paraqesin një dilemë të vështirë për Beograd – është një sfidë e re politike që kërkon nga liderët politikë dhe shoqëria serbe të përballet me një zgjedhje të rëndësishme: të nisë një proces të njohjes së ngadaltë dhe progresive të Kosovës ose të heqë dorë nga perspektiva e anëtarësimit në BE.
Kjo situatë e re diplomatike dhe politike që po zhvillohet në Ballkanin Perëndimor është një element thelbësor që do të përcaktojë rrugëtimin dhe marrëdhëniet e ardhme mes Serbisë, Kosovës dhe BE-së, duke pritur të shohim se si do të vepronte Beogradi në ditët dhe muajt e ardhshëm./Telegrafi/
Prokuroria Publike e RMV-së; Deri në mbylljen e vendvotimeve nuk është pranuar asnjë kallëzim për krim lidhur me zgjedhjet
Toshkovski: Dita e votimit ka kaluar në atmosferë të qetë, të sigurtë dhe demokratike
Kasami: BDI është fajtore pse shqiptarët nuk arritën të dërgojnë kandidat shqiptar në raundin e dytë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve