Lajme nga vendi
LSDM: Mickoski duhet t’u kërkojë falje qytetarëve për të gjitha gënjeshtrat deri tani
Hristijan Mickoski me vite me radhë po e gënjen anëtarësinë e vet, i gënjen qytetarët.
Kështu shprehen sot mes tjerash nga Lidhja Social Demokrate e Maqedonisë, informon Zhurnal.
Sipas asaj që thuhet në komunikatën e partisë, para dy muajve Mickoski ishte i bindur se ka 61 deputetë dhe se në janar apo shkurt do të ketë shumicë të re parlamentare që të shpërbëhet Kuvendi dhe të shpallen zgjedhje të parakohshme.
“Ja pra erdhi janari, erdhi shkurti, Mickoski nuk ka 61 deputetë, as nuk ka shumicë të re, e as shpërbërje të Kuvendit. E shumica qeveritare vazhdon të rritet.
Mickoski i gënjente dhe frikësonte qyetarët edhe për krizën energjetike se nuk do të ketë rrymë të mjaftueshme, se energjia elektrike do të shtrenjtohet e se do të ketë restriksione.
E gjitha kjo është demantuar nga realiteti, ashtu sikur iu fundosën gënjeshtrat për asimilim dhe bullgarizim, për gjuhën maqedonase dhe dialektin bullgar dhe disa gënjeshtra të tjera nga Mickoski”, thuhet në kumtesën e LSDM-së.
Nga LSDM konsiderojnë se Mickoski me gënjeshtra tenton të vie në pushtet dhe të shpëtojë ulësen e tij në pallatin e bardhë, por se askush më nuk i beson.
“Më e pakta që mund të bëjë Mickoski është të kërkojë falje nga qytetarët”, thuhet në kumtesën e LSDM-së./Zhurnal.mk
Lajme nga vendi
Vrasja e mjekut në Zhelezarë, tre të arrestuar
Lajme nga vendi
Taravari për marrëveshjen e Selës me Ahmetin: Nëse mendojnë që BDI-ja duhet të vazhdojë në pushtet është e drejt e tyre legjitime
Kryetari i ASH-së, Arben Taravari tha se në rast se krahu i Selës në ASH vendos që të shkojë vetë në zgjedhje, ai është i gatshëm të jep vulat e partisë dhe të nënshkruaj propozimet e tyre, përcjell TV21.
“Nëse është arsyeja vulat pse shkojnë me BDI-në, unë para se ta mbajnë Kuvendin sot ju them përsëri, në qoftë se e mbani qëndrimin ende se mund të shkoni vetë, unë jam këtu që t’i pranojë listat me emrat që do t’i propozojnë ato për t’i nënshkruar dhe për t’i vulosur që të dalin me logon e ASH-së”, tha Taravari.
I pyetur për marrëveshjen e mundshme të ASH-krahu i Selës me BDI-në, ku ASH-së pretendohet se i premtohen 5 deputetë, Taravari the se e respekton vendimin e secilit.
“Shumë legjitime. Pavarësisht se si janë marrë vesh, unë e respektoj mendimin e çdo kujt. Unë këto dyshime i kam pasur edhe më parë, që ka afërsi dhe e kam thënë publikisht, ka afërsi të disa funksionarëve të ASH-së e BDI-në, por kjo nuk është diçka që është e jashtëzakonshme. Ata ashtu mendojnë, mendojnë që BDI-ja duhet të vazhdojë me pushtet dhe është shumë legjitime”, deklaroi Taravari.
Lajme nga vendi
Osmani: Mendoj që kjo do të jetë një ndër fitoret më të mëdha që kemi pasur si bllok
Në takimin me punonjësit në arsim dhe studentët, kandidati shqiptar për president, Bujar Osmani ka argumentuar se pse kandidohet si president.
“Dalim me idenë e presidentit të parë shqiptar dhe kërkojmë mbështetjen e gjithëve atyre të cilët kanë qenë të privuar nga mundësia për të pasur president, për shkak se këtu ka pasur monopole etnike dhe politike në 30 vitet e fundit, të cilët po i rrënojmë një nga një, mision pas misioni, duke e demonopolizuar shtetin dhe duke krijuar barazi të plotë. Asnjëherë duke tentuar që të dominojmë mbi të tjerët, por duke e kërkuar hisen tonë që secili të ketë mundësi të barabartë. Mendojë që kjo do të jetë një ndër fitoret më të mëdha që kemi pasur si bllok.
Ministri Osmani potencoi se këto zgjedhje do jenë jashtëzakonisht të rëndësishme. “Kujtoj që jemi në një udhëkryq të rëndësishëm historik, ku parashikueshmëria strategjike do të jetë përcaktuese se si do të jetë e ardhmja jonë e përbashkët. Një karakteristikë e veçantë e këtyre zgjedhjeve, dhe do të flas nga perspektiva partiake, për herë të parë po ridefinohet skena politike. Deri më tani, kemi pasur dy blloqe të mëdha politke, multietnike, që kanë pretenduar të udhëheqin shtetin, dhe keni pasur partitë politike shqiptare duke garuar, duke qenë partneri i vogël i blloqeve të mëdha”, tha ministri Osmani.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve