Lajme nga vendi

Gjatë vitit 2022 në Maqedoni u importuan 24,944 vetura, shumica të përdorura

Published

1 year ago

January 19, 2023

Pas shumë viteve, në Maqedoni vitin e kaluar në mënyrë drastike është ulur numri i veturave të importuara nga jashtë vendit. Të dhënat e Drejtorisë Doganore për vitin 2022 tregojnë se vitin e kaluar janë importuar gjithsej 24,944 vetura me çka 18,042 prej tyre janë importuar si të vjetra apo të përdorura, ndërsa sallonet e veturave kanë importuar 6902 vetura, informon Zhurnal.

Edhe përskaj asaj që në këto shifra nuk bën pjesë dhjetori, sepse shifrat janë deri në fund të nëntorit, prej kësaj mund të shihet se është rritur interesi i qytetarëve për blerje të veturave të reja. Për krahasim prej vitit 2021 kur ishin importuar 5815 vetura të reja, tani në vitin 2022 janë importuar 1100 vetura të reja më tepër. Në vitin 2010 kjo shifër ishte më i elartë kur ishin importuar 71832 vetura të reja.

Gjithsesi, që nga viti 2009 e deri më sot, çdo vit veturat e përdorura gjithmonë janë shitur më tepër se ato të rejat. Në vijim keni tabelën ku me të kuqe janë veturat e përdorura ndërsa me të kaltërt veturat e reja.

Lajme nga vendi

Zjarret në Parkun Kombëtar “Sharr”, për një muaj digjen mbi 400 hektarë

Published

15 hours ago

April 19, 2024

TetovaExpres

Të punësuarit e parkut kombëtar “Mali Sharr” për një javë janë trajnuar nga një ekip amerikan se si duhet të përballen me zjarret në pyje. Sipas drejtorit të parkut kombëtar vetëm për një muaj në malin Sharr janë djegë mbi 400 hektarë, ndërsa për katër ditë 220 hektarë pyje edhe kullota.

Tash më të punësuarit e parkut kombëtar nacional mali Sharr kanë marrë një trajnim nga një ekip, nga këto shërbime morëm orientime se si të ballafaqohemi me zjarre që muajin e fundit kanë qenë aktive në mali Sharr ku janë djegur 400 hektarë dhe në rastin e fundit në Sellcë janë djegë 220 hektarë ku për katër ditë kanë sjell shumë dëme në biodiversitet, në atë që quhet natyrë, janë djegur pyje të niveli të lartë, të ulëta livadhe, shkurre të ndryshme dhe të mos flasim për botë të egër dhe insekte të caktuara”, është shprehur Ibrahim Dehari, drejtor i Parkut Kombëtar “Mali Sharr”.

Lajme nga vendi

VLEN takon mërgatën shqiptare në Berlin dhe Cyrih

Published

15 hours ago

April 19, 2024

TetovaExpres

Koalicioni VLEN do të qëndroj në Berlin të Gjermanisë dhe në Cyrih të Zvicrës këto ditë për të takuar mërgatën në prag të zgjedhjeve presidenciale dhe parlamentare me 24 prill dhe 8 maj.

Lajme nga vendi

46 raste të reja me kollën e keqe

Published

15 hours ago

April 19, 2024

TetovaExpres

Nga data 12 deri më 18 prill në vend janë raportuar 46 raste të reja me kollën e keqe, me rritje prej 4,5 për qind krahasuar me javën e kaluar, njoftoi pasditen e sotme Instituti i Shëndetit Publik (ISHP).

Shumica e rasteve janë raportuar si pjesë e epidemisë në Shkup – 37, ndërsa raste janë raportuar edhe në Manastir – tre, Kumanovë – dy dhe nga një në Tetovë, Kriva Pallankë, Prilep dhe Strumicë.

Mosha e pacientëve varion nga një muaj deri në 73 vjeç, ndërsa numri më i madh i rasteve janë nga grupmosha 10 deri në 14 vjeç. Sa i përket statusit të vaksinimit të të sëmurëve, 31 persona janë të pa vaksinuar, të pavaksinuar ose me status të panjohur vaksinimi, 13 janë të vaksinuar plotësisht dhe dy janë të vaksinuar sipas moshës.

Nga 46 rastet e reja, nëntë raste janë shtruar në spital.

Deri më 18 prill, në vend janë regjistruar gjithsej 489 raste me kolln e keqe, me një incidencë prej 26.6/100 mijë banorë.

Kjo paraqet një rritje të disafishtë të numrit të të sëmurëve krahasuar me pesëvjeçarin e kaluar 2019-2023, kur janë regjistruar gjithsej 10 raste.