Lajme nga vendi
Jovica Stojanoviq Emërohet U.D. Drejtor I Drejtorisë Për Ekzekutimin E Sanksioneve
Qeveria sot në mbledhje e pranoi propozimin e ministrit të Drejtësisë dhe për u.d. drejtor të Drejtorisë për Ekzekutimin e Sanksioneve e emëroi Jovica Stojanoviqin deri në zgjedhjen e drejtorit të ri.
Siç bëri të ditur shërbimi për informim, Qeveria në mbledhjen e 120-të e pranoi edhe propozimin e ministrit të Drejtësisë që të shpallë konkurs publik për emërim të drejtorit të ri në Drejtorinë për Ekzekutimin e Sanksioneve, siç është sqaruar, sipas nenit 27, paragrafi (2) të Ligjit për Ekzekutimin e Sanksioneve.
Stojanoviq është emëruar u.d. drejtor i Drejtorisë për Ekzekutimin e Sanksioneve pasi në mbledhje dje Qeveria e shkarkoi nga detyra drejtorin e deritanishëm, Marjan Spasovski pas arratisjes së të dënuarit Bekim Memeti nga burgu “Idrizovë”.
Për arratisjen e Memetit ishin suspenduar nga puna edhe komandanti i departamentit dhe pjesëtarët e policisë së burgut të cilët e kryenin përcjelljen e të burgosurit. Tetë ditë paraburgim morën komandanti dhe dy policë të burgut, ndërsa të dyshuarit të katërt iu shqiptua masa e kujdesit.
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve