Connect with us

Lajme nga vendi

Partitë shqiptare të RMV-së në takim me Edi Ramën, 5 vjet pas nënshkrimit të “Deklaratës së Tiranës”

Published

on

Partitë shqiptare nga Maqedonia e Veriut janë ftuar në Tiranë për takim nga kryeministri i Shqipërisë Edi Rama. Nuk dihet nëse bëhet fjalë për koktej, pritje festash apo darkë. Disa nga partitë shqiptare kanë konfirmuar se do të shkojnë në takimin në Tiranë. Alternativa, Aleanca për Shqiptarët dhe Besa thanë për MIA-n se kanë marrë ftesë për takim dhe se do të shkojnë, por nuk kanë specifikuar detaje. MIA ka kërkuar përgjigje edhe nga BDI, por deri më tani nuk ka asnjë përgjigje, transmeton Portalb.mk.

Kjo ishte platforma fillestare e partive të shqiptarëve në negociatat për formimin e qeverisë së re.

Gjashtë vjet më vonë, gama e çështjeve për diskutim në Tiranë është shumë më e madhe: perspektivat integruese, ndryshimet kushtetuese në RMV dhe mbështetja e tyre nga partitë shqiptare, tensionet mes Serbisë dhe Kosovës, situata në rajon…

Në takimin e së martës (10 janar) në Tiranë janë ftuar liderët e BDI-së – Ali Ahmeti, i Aleancës për Shqiptarët – Arben Taravari, i Lëvizjes Besa – Bilal Kasami, i Alternativës – Afrim Gashi dhe i PDSH-së – Menduh Thaçi.

Më 7 janar t vitit 2017-të, derisa vendi ishte në krizë të thellë politike, partitë shqiptare të Maqedonisë së Veriut në një takim në Kryeministrinë e Shqipërisë, nënshkruan një dokument të quajtur “Deklaratë e Përbashkët e Partive Politike Shqiptare në Republikën e Maqedonisë”, i cili kishte për qëllim mbrojtjen e interesave të popullatës shqiptare në vend dhe avancimin e të drejtave, paralelisht me angazhimin për përforcim të rrugës euroatlantike të vendit.

Advertisement

Vetëm një vjet pas nënshkrimit të kësaj deklarate, e cila mes tjerash parashikonte dhe takime të përbashkëta të partive shqiptare, liderët politik filluan të grinden mes vete dhe të mos shkojnë te njëri-tjetri në takimet e ftuara.

Sot, 5 vjet pas nënshkrimit asnjëra prej partive shqiptare në vend nuk e përmend Deklaratën dhe nuk thirret në zotimet e saj. Pavarësisht se disa prej pikave të këtij dokumenti janë realizuar, askush nuk mban evidencë apo llogari për atë që nuk është realizuar.

Nënshkrimi i Deklaratës, shkaktoi revoltë te pushteti i RMV-së, në krye me VMRO-DPMNE-në, e cila udhëhiqej nga Nikolla Gruevski. Presidenti i Gjorge Ivanov, doli me konferencë për shtyp dhe kërkoi që SHBA, NATO dhe Turqia ta heqin poshtë këtë Deklaratë pasi që është përgatitur në shtet të huaj. Për këtë, ai refuzoi t’ia jep mandatin kryetarit të atëhershëm të LSDM-së, Zoran Zaev. Në ndërkohë, tensionet politike u përcollën edhe nëpër rrugë ku simpatizantë të VMRO-së protestuan kundër si[ e quanin ata “Platforma Shqiptare”.

Deklarata e atij viti përmbante shtatë pika, si vijon:

Arritja e barazisë së plotë në përputhje me Marrëveshjen e Ohrit dhe Kushtetutën
Arritja e barazisë ekonomike dhe e mirëqenies shoqërore, sidomos nëpërmjet zhvillimit të barabartë rajonal
Përforcimi i sundimit të së drejtës, si parakusht për ecurinë e procesit të integrimit euro-atlantik
Krijimi i një fryme mirëbesimi në funksion të marrëdhënieve të mira ndëretnike si element thelbësor për stabilitetin politik të vendit
Zgjidhja e çështjes së emrit, në përputhje me vlerat europiane dhe parimet e së drejtës ndërkombëtare
Marrëdhënie të mira me fqinjët
Integrim i shpejtë në NATO dhe në Bashkimin Evropian.
Përmbushja e këtyre objektivave thuhej se do të mbikqyrej nëpërmjet krijimit të Tryezës së Partive Shqiptare Parlamentare.

Advertisement
Advertisement

Lajme nga vendi

Vrasja e mjekut në Zhelezarë, tre të arrestuar

Published

on

Është arrestuar edhe një person lidhur me vrasjen e mjekut amë në Zhelezarë, me çka shkon në tre numri total i të arrestuarve që dyshohen të kenë lidhje me këtë rast. Ministri Teknik i Punëve të Brendshme, Pançe Toshkovski njoftoi se hetimi për vrasjen e shkaktuar me thikë po vazhdon edhe më tej. “Sipas informacioneve të mia është arrestuar edhe një person, pra gjithsej 3 persona. Kërkimi ka përfunduar në orët e vona të natës, vazhdohet me veprime të tjera hetimore që të mund të konfirmohet gjendja faktike”, deklaroi Pançe Toshkovski, Ministër Teknik i punëve të brendshme.
Ministri Teknik, Toshkovski gjatë ditës së djeshme njoftoi se janë ndërmarrë 20 veprime hetimore, janë kontrolluar mbi 50 kamera, sipas të cilave, siç tha ministri, është konstatuar se motivi i vrasjes nuk lidhej me profesionin që ushtronte mjeku i vrarë. Më 21 mars në orët e vona të mbrëmjes, mjeku amë është gjetur brenda makinës së tij me 9 plagë thike në trup. Atë e kanë gjetur djemtë e tij, të cilët kishin filluar ta kërkonin që kur babai i tyre nuk ishte kthyer në shtëpi në kohën e
paraparë.TV KOHA
Continue Reading

Lajme nga vendi

Taravari për marrëveshjen e Selës me Ahmetin: Nëse mendojnë që BDI-ja duhet të vazhdojë në pushtet është e drejt e tyre legjitime

Published

on

Kryetari i ASH-së, Arben Taravari tha se në rast se krahu i Selës në ASH vendos që të shkojë vetë në zgjedhje, ai është i gatshëm të jep vulat e partisë dhe të nënshkruaj propozimet e tyre, përcjell TV21.

“Nëse është arsyeja vulat pse shkojnë me BDI-në, unë para se ta mbajnë Kuvendin sot ju them përsëri, në qoftë se e mbani qëndrimin ende se mund të shkoni vetë, unë jam këtu që t’i pranojë listat me emrat që do t’i propozojnë ato për t’i nënshkruar dhe për t’i vulosur që të dalin me logon e ASH-së”, tha Taravari.

I pyetur për marrëveshjen e mundshme të ASH-krahu i Selës me BDI-në, ku ASH-së pretendohet se i premtohen 5 deputetë, Taravari the se e respekton vendimin e secilit.

“Shumë legjitime. Pavarësisht se si janë marrë vesh, unë e respektoj mendimin e çdo kujt. Unë këto dyshime i kam pasur edhe më parë, që ka afërsi dhe e kam thënë publikisht, ka afërsi të disa funksionarëve të ASH-së e BDI-në, por kjo nuk është diçka që është e jashtëzakonshme. Ata ashtu mendojnë, mendojnë që BDI-ja duhet të vazhdojë me pushtet dhe është shumë legjitime”, deklaroi Taravari.

Continue Reading

Lajme nga vendi

Osmani: Mendoj që kjo do të jetë një ndër fitoret më të mëdha që kemi pasur si bllok

Published

on

Në takimin me punonjësit në arsim dhe studentët, kandidati shqiptar për president, Bujar Osmani ka argumentuar se pse kandidohet si president.

“Dalim me idenë e presidentit të parë shqiptar dhe kërkojmë mbështetjen e gjithëve atyre të cilët kanë qenë të privuar nga mundësia për të pasur president, për shkak se këtu ka pasur monopole etnike dhe politike në 30 vitet e fundit, të cilët po i rrënojmë një nga një, mision pas misioni, duke e demonopolizuar shtetin dhe duke krijuar barazi të plotë. Asnjëherë duke tentuar që të dominojmë mbi të tjerët, por duke e kërkuar hisen tonë që secili të ketë mundësi të barabartë. Mendojë që kjo do të jetë një ndër fitoret më të mëdha që kemi pasur si bllok.

Ministri Osmani potencoi se këto zgjedhje do jenë jashtëzakonisht të rëndësishme. “Kujtoj që jemi në një udhëkryq të rëndësishëm historik, ku parashikueshmëria strategjike do të jetë përcaktuese se si do të jetë e ardhmja jonë e përbashkët. Një karakteristikë e veçantë e këtyre zgjedhjeve, dhe do të flas nga perspektiva partiake, për herë të parë po ridefinohet skena politike. Deri më tani, kemi pasur dy blloqe të mëdha politke, multietnike, që kanë pretenduar të udhëheqin shtetin, dhe keni pasur partitë politike shqiptare duke garuar, duke qenë partneri i vogël i blloqeve të mëdha”, tha ministri Osmani.

Continue Reading

Më të lexuarat