Lajme nga vendi

Vazhdimisht shënon rritje përdorimi i kartelave bankare gjatë pagesave

Published

1 year ago

January 3, 2023

Qytetarët gjithnjë e më shumë po i përdorin kartave të pagesës për blerje. Të dhënat e Bankës Popullore për tremujorin e tretë të vitit 2022 tregojnë rritje të vlerës dhe të numrit të transaksioneve të realizuara për 14.9 dhe për 8.5 për qind.

“Rritja vjetore e numrit të pagesave në tregti, që del para së gjithash nga rritja më e lartë vjetore e numrit të pagesave me karta pagesash në pikat e shitjes virtuale (internet) (10.1 për qind), edhe pse më e dobët, vazhdon edhe në tremujorin e tretë të vitit 2022, ndërsa vazhdon edhe rritja vjetore e numrit të pagesave në pikat fizike të shitjes (8.3 për qind). Te pagesat e qytetarëve me transfertë kreditore, në të njëjtën periudhë është shënuar rënie vjetore e numrit të pagesave për 8.6 për qind, gjatë rritjes së vlerës prej 5.6 për qind”, kumtuan sot nga Banka Popullore.

Ndryshimi i shprehive të qytetarëve krahas bankingut elektronik vërehet edhe në atë që në tremujorin e tretë ka një rritje prej 5.2 për qind te numri i pagesave elektronike, ndërsa një rënie vjetore prej 12.5 për qind të transaksioneve të kryera në sportel.

Gjatë pagesave elektronike më shpesh qytetarët i përdorin aplikacionet celulare (54.7 për qind)

Lajme nga vendi

Zjarret në Parkun Kombëtar “Sharr”, për një muaj digjen mbi 400 hektarë

Published

12 hours ago

April 19, 2024

TetovaExpres

Të punësuarit e parkut kombëtar “Mali Sharr” për një javë janë trajnuar nga një ekip amerikan se si duhet të përballen me zjarret në pyje. Sipas drejtorit të parkut kombëtar vetëm për një muaj në malin Sharr janë djegë mbi 400 hektarë, ndërsa për katër ditë 220 hektarë pyje edhe kullota.

Tash më të punësuarit e parkut kombëtar nacional mali Sharr kanë marrë një trajnim nga një ekip, nga këto shërbime morëm orientime se si të ballafaqohemi me zjarre që muajin e fundit kanë qenë aktive në mali Sharr ku janë djegur 400 hektarë dhe në rastin e fundit në Sellcë janë djegë 220 hektarë ku për katër ditë kanë sjell shumë dëme në biodiversitet, në atë që quhet natyrë, janë djegur pyje të niveli të lartë, të ulëta livadhe, shkurre të ndryshme dhe të mos flasim për botë të egër dhe insekte të caktuara”, është shprehur Ibrahim Dehari, drejtor i Parkut Kombëtar “Mali Sharr”.

Lajme nga vendi

VLEN takon mërgatën shqiptare në Berlin dhe Cyrih

Published

12 hours ago

April 19, 2024

TetovaExpres

Koalicioni VLEN do të qëndroj në Berlin të Gjermanisë dhe në Cyrih të Zvicrës këto ditë për të takuar mërgatën në prag të zgjedhjeve presidenciale dhe parlamentare me 24 prill dhe 8 maj.

Lajme nga vendi

46 raste të reja me kollën e keqe

Published

12 hours ago

April 19, 2024

TetovaExpres

Nga data 12 deri më 18 prill në vend janë raportuar 46 raste të reja me kollën e keqe, me rritje prej 4,5 për qind krahasuar me javën e kaluar, njoftoi pasditen e sotme Instituti i Shëndetit Publik (ISHP).

Shumica e rasteve janë raportuar si pjesë e epidemisë në Shkup – 37, ndërsa raste janë raportuar edhe në Manastir – tre, Kumanovë – dy dhe nga një në Tetovë, Kriva Pallankë, Prilep dhe Strumicë.

Mosha e pacientëve varion nga një muaj deri në 73 vjeç, ndërsa numri më i madh i rasteve janë nga grupmosha 10 deri në 14 vjeç. Sa i përket statusit të vaksinimit të të sëmurëve, 31 persona janë të pa vaksinuar, të pavaksinuar ose me status të panjohur vaksinimi, 13 janë të vaksinuar plotësisht dhe dy janë të vaksinuar sipas moshës.

Nga 46 rastet e reja, nëntë raste janë shtruar në spital.

Deri më 18 prill, në vend janë regjistruar gjithsej 489 raste me kolln e keqe, me një incidencë prej 26.6/100 mijë banorë.

Kjo paraqet një rritje të disafishtë të numrit të të sëmurëve krahasuar me pesëvjeçarin e kaluar 2019-2023, kur janë regjistruar gjithsej 10 raste.