Lajme nga vendi
Turisti i dytë që u gjet i vdekur në malin Pirin është shtetas i Austrisë, me prejardhje nga Maqedonia
Shërbimet kompetente bullgare kumtuan se është konstatuar se trupi i turistit të dytë të vdekur, i gjetur rrëzë majës Vihren në malin Pirin i takon 55-vjeçarit Dragan Glishiq, banor i Austrisë me prejardhje nga Maqedonia e Veriut.
Siç informon bTV, pas pothuajse aksionit 20-orësh shpëtimtar rrëzë malit Pirin, trupi i Glishiqit dhe të vdekurit të dytë, 69-vjeçarit, shtetasit bullgar, Pllamen Hristov janë dërguar për obduksion.
Korrespondenti i MIA-s nga Sofja lajmëroi se është konstatuar se Glishiq dhe Hristov kanë vdekur si pasojë e lëndimeve gjatë rrëzimit.
Glishiq ka udhëtuar i vetëm në Bankso para Vitit të Ri me automobilin e ti me targa austriake, Sipas mikut të tij Goran Bezeniq, ai dhe Glishiq njihen që fëmijë dhe shpesh kanë udhëtuar nëpër Evropë. Bezeniq thekson se Glishiq paraprakisht ka qenë zyrtarisht në vend, prej ku është nisur për skijim në Bansko.
Mediumet bullgare theksojnë se mbetet mister se si trupat e dy të vdekurve kanë përfunduar njëri pranë tjetrit, duke pasur parasysh se sipas informatave të disponueshme ata nuk janë njohur dhe Glishiq nuk ka pasur miq në Bullgari.
Prokuroria publike e Bullgarisë filloi hetim për vdekjen e Glishiqit dhe Hristovit.
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve