Connect with us

Lajme nga vendi

Punonjësit shqiptarë më punëtorët e Evropës, renditen të parët për orët më të gjata të punës

Published

on

Punonjësit shqiptarë, si meshkuj, ashtu dhe femra, kanë oraret më të gjata të punës në Evropë, që arrijnë deri në 50 orë në javë. Gjetjet për orët e punës janë publikuar në një raport të fundit të Komisionit Evropian për kushtet e punës dhe implikimet në të ardhmen. Sondazhi realizohet një herë në pesë vjet nëpërmjet anketimeve me 70,000 punëtorë në 36 vende evropiane.

Këtu përfshihen shtetet anëtare të BE-së, Mbretëria e Bashkuar, Norvegjia, Zvicra, Shqipëria, Bosnjë dhe Hercegovina, Kosova, Mali i Zi, Maqedonia e Veriut dhe Serbia.

Meshkujt shqiptarë punojnë rreth 50 orë në javë, ndërsa femrat rreth 45 orë në javë. Pas shqiptarëve renditen grekët, serbët, malazezët, rumunët dhe shtetasit e Kosovës.

Orët e larta të punës në Shqipëri duken të lidhura me dy faktorë, së pari puna edhe gjatë fundjavave dhe së dyti niveli i lartë i të vetëpunësuarve, që Shqipëria e ka rekord në rajon me rreth 36% të totalit të të punësuarve (shënim i Monitor).

Advertisement

Sipas raportit, mesatarisht, në BE-27 burrat raportuan se punonin pak më shumë se 42 orë në javë, ndërsa gratë punonin afërsisht 37 orë. Java klasike 40-orëshe mbeti standard në vitin 2021 në shumicën dërrmuese të vendeve, përveç Francës (35 orë), Danimarkës (37 orë), Norvegjisë (38 orë) dhe Zvicrës (42 orë). Rreth 20% e të gjithë punëtorëve (31% e grave dhe 12% e burrave) punonin 34 orë ose më pak në javë.

Në vitin 2021, rreth gjysma e burrave dhe grave punonin midis 35 dhe 40 orë në javë. Mesatarisht, të vetëpunësuarit shpenzuan 6.4 orë më shumë në punë me pagesë (4.3 orë më shumë për gratë dhe 6.9 orë më shumë për burrat) sesa punonjësit.

Raporti thekson se orët e gjata të punës shoqërohen me kushte shëndetësore si depresioni, ankthi, çrregullimet e gjumit dhe sëmundjet koronare të zemrës dhe mund të ndikojnë ekuilibrin midis punës dhe aspekteve të tjera të jetës.

Në vitin 2021, 19% e punëtorëve në BE27 (13% e femrave dhe 24% e meshkujve) raportuan se punonin 48 orë ose më shumë në javë. Përqindjet mes të vetëpunësuarve ishin më të mëdha: 52% e meshkujve dhe 35% e femrave.

Orari i zgjatur i punës është raportuar nga më shumë se gjysma (58%) e të vetëpunësuarve me të punësuar, 40% e të vetëpunësuarve të vetëm dhe rreth 14% e të punësuarve.

Advertisement

Orët e gjata janë raportuar më shpesh nga punëtorët në bujqësi, menaxherët dhe operatorët e impianteve dhe makinerive, si dhe në sektorët e bujqësisë, transportit dhe ndërtimit. Orët e gjata ishin gjithashtu më të zakonshme në mikro-vendet e punës sesa në vendet më të mëdha të punës.

Përqindja e punëtorëve që raportuan se punonin 48 orë ose më shumë në javë ndryshonte shumë sipas vendit: 34% e punëtorëve në Greqi, 26% në Rumani, 24% në Poloni dhe 23% në Çeki, por vetëm 10% e punëtorëve në Holandë dhe 9% në Danimarkë.

Në vitin 2021, një javë pune pesë-ditore ishte normë për burrat dhe gratë në të gjitha Shtetet Anëtare të BE-së.

Gratë në Holandë janë një përjashtim, pasi shumica e tyre zakonisht punojnë katër ditë në javë.

Shumica dërrmuese e punëtorëve (70%) raportuan se kishin një javë pune pesë-ditore, ndërsa pjesa tjetër ndahej pothuajse në mënyrë të barabartë midis punës katër ditë ose më pak (16%) dhe punës gjashtë ose shtatë ditë (15%) në javë.

Advertisement

Një javë pune katër-ditore, e cila është diskutuar kryesisht si një mekanizëm për të përmirësuar mirëqenien e punëtorëve dhe ekuilibrin punë-jetë dhe për të krijuar potencialisht më shumë vende pune dhe për të reduktuar papunësinë, u raportua nga afërsisht 8 % e punëtorëve në BE27 (6% e burrave dhe 10% e grave)./Monitor

Advertisement

Lajme nga vendi

Aksion policor si nëpër filma, arrestohen dy persona në pik pagesën afër Tetovës

Published

on

Ministria për Punë të Brendshme njofton se gjatë ditës së sotme policia e Shkupit në bashkëpunim me atë të Tetovës ka arrestuar dy persona nga Haraçina, pasi të njëjtit janë kapur duke transportuar 35 kilogramë drogë. Nga MPB bëjnë të ditur se pas dokumentimit të plotë të rastit ndaj dy personave në fjalë po ngritët kallëzim përkatës.

“Në orët e paradites në pikën pagesore në magjistralen Gostivar – Tetovë, zyrtarët policorë i kanë dhënë shenjë ndalimi automjetit të pasagjerëve “Range Rover”, me targa të Shkupit, i drejtuar nga K.A.(32), në të cilin O.A. (23) ishte pasagjer, të dy nga fshati Haraçinë i Shkupit. Personat nuk i janë bindur urdhrit të policisë për ndalimin e mjetit, por janë larguar me vrap duke dëmtuar një automjet të policisë, por shumë shpejt janë ndaluar dhe privuar nga liria. Gjatë kontrollit në bagazhin e automjetit janë gjetur 4 thasë me marihuanë, me peshë totale të rreth 35 kilogramëve, me vlerë të rreth 100 mijë eurove”, njoftojnë nga MPB.

 

Advertisement

Continue Reading

Lajme nga vendi

Do të rritet çmimi për nxjerrjen e pasaportave, letërnjoftimeve dhe lejeve për vozitje në Maqedoni

Published

on

Ministria për Punë të Brendshme informon se duke vepruar sipas përfundimit të Qeverisë, zbaton procedurë për ndryshimin e vendimit për çmimet për formularët për nxjerrjen e dokumenteve personale. Nga MPB për “360 shkallë” thonë se për momentin dokumentet personale nxirren me çmimet që kanë qenë deri tani.

Çmimet do të ndryshohen kur vendimi të hyjë në fuqi dhe të publikohet në Gazetën zyrtare të RMV-së, përcjell Telegrafi Maqedoni.

Çmimi i pasaportës për personat deri në 27 vjeç do të mbetet i pandryshuar dhe do të jetë 1.500 denarë, por pasaporta për personat mbi 27 vjeç do të jetë 2.000 denarë, që është rritje prej 500 denarë. Çmimi i letërnjoftimit do të jetë 310 denarë, që është rritje prej 120 denarë. Çmimi i patentë shoferit do të jetë 410 denarë, që është rritje prej 130 denarë.

Do të ketë ndryshime edhe në çmimet dhe formularët për procedurat me urgjencë.

Advertisement

Çmimi i pasaportës me procedurë urgjente do të jetë 6.100 denarë, që është rritje prej 1.600 denarë.

Çmimi i patentë shoferit me procedurë urgjente do të jetë 1.230 denarë, që është rritje prej 390 denarë.

Nga MPB thonë se ndryshimi i çmimeve vjen si pasojë e rritjes së çmimeve të blerjes së formularëve të importuar, rritjes së kostove për mirëmbajtjen e sistemit, që kryhet nga një operator ekonomik i huaj, si dhe blerjes së makinerive të reja për shkak të nevojës për zëvendësimin makinerive për personalizim.

Ndryshe, deri në shkurt të vitit 2024, qytetarët kanë detyrim ligjor të ndryshojnë të gjitha dokumentet personale të cilat i kanë me emrin e vjetër të shtetit “Republika e Maqedonisë”.

Advertisement
Continue Reading

Lajme nga vendi

Nuk vdes nga sheqeri 19, pretendojnë mjekët – Nga se vdiq atëherë 6-vjeçarja Jana, e kishin gabuar mjekët?

Published

on

Pse vdiq 6-vjeçarja Jana? Spitali klinik në Manastir është nën mbikëqyrje të jashtëzakonshme inspektuese. Dokumentacioni i plotë është duke u krehur nga prokuroria, policia, por pritet edhe një kontroll i jashtëzakonshëm nga një komision i formuar posaçërisht nga Ministria e Shëndetësisë.

Ndërkohë po merren deklarata nga stafi i përfshirë dhe po bisedohet me të gjithë ata që kanë pasur kontakt me vajzën.

Drejtori i spitalit në Manastir, Aleksandar Obednikovski, ka kërkuar nga ministri që të dërgohet një komision nga Shkupi që të mos ketë dyshim se diçka po fshihet.

Lajmi shqetësoi opinionin, sidomos pasi babai i Janës së vogël zbuloi se sipas analizave të gjakut ajo kishte sheqer 9 dhe më pas i dhanë glukozë me infuzion, e cila e rriti më tej sheqerin në 19, më pas ajo vdiq. Shkaqet e vdekjes komentohen edhe nga mjekët në rrjetet sociale.

Advertisement

Mjeku Nenad Lazarov thotë në statusin e tij në Facebook “Nuk vdes akute nga glicemia 19”.

Në postimin e tij, kolegët mjekë komentojnë situatën dhe thonë:

“Ju nuk vdisni nga glicemia, por vdisni nga ketoacidoza. Një humbje e rëndë për prindërit, por një ndërlikim i hiperglicemisë në fëmijëri, një gjendje akute ku shfaqet rezistenca ndaj insulinës, e ka këtë ndërlikim”.

Advertisement
Continue Reading

Më të lexuarat