Connect with us

Lajme nga vendi

Tryeza më të vobekta për festën e fundvitit. Çmimet në qiell, qytetarët blejnë më pak

Published

on

Kështu është atmosfera në tregun e gjelbër në Shkup, një ditë para ndërrimit të moteve.
Qytetarët po mendohen dy herë përpara se të blejnë, sepse siç thonë, çmimet janë më të larta, kështu që tryezat këtë fundvit nuk do të jenë të begata si zakonisht.

“Çmimet super, kush ka blen, kush nuk ka, vrapon pas mizave. Sigurisht se më dobët, nuk kanë para qytetarët.”

“Çfarë të them, katastrofë!”

“Ka dallim të madh, të themi diku 50-60% janë më shtrenjtë. Tryeza a do të jetë plotë këtë nuk e di, do të jetë më e vobektë sigurisht.”

‘Më vështirë po bëhet, varfëri, politika nuk na bën.”

Advertisement

“Për këtë ditë qytetarët gjinden dhe blejnë.”

Shitësit thonë se nuk ka njerëz si dikur kur tregu ishte përplot, e konsumatorët tani marrin sasi më të vogla të produkteve krahasuar me vitet paraprake.

“Vitet e kaluara ka pasur tepër njerëz, nuk mund të arrinim, megjithatë varfëria e njerëzve… Nuk kanë para, çfarë të blejnë më përpara, pagat e ulëta, pensionet edhe më të ulëta. Çmimet? Çmimet deri në qiell. A jeni të kënaqur nga shitja? I kënaqur megjithatë nuk është siç ka qenë.”

“Jo shumë dobët, këtë vit është shumë dobët shitja, ndërsa për pandemi ishte 100% më mirë se këtë vit. Çmimet si janë? Ky çmim ka qenë edhe në pandemi edhe tani, 20-25 denarë, nuk ka ndryshuar, vetëm te mollët tjerët kanë ndryshuar.”

“Gështenjat janë 100 denarë, janë të sjella nga fshati Skudrinë i Dibrës. Apo ka punë? Krahasuar me vitet e kaluara gështenjat janë më lirë, falë Zotit po harxhohen. Populli nuk ka shumë para marrin ka gjysmë kilogrami, një kilogram e dikush nga dy. “

Advertisement

“A po ka punë? Ka. A nuk ankohen qytetarët për çmimet? Jo, Jo, njëherë është Viti i Ri. A janë ngritur çmimet? Jo, asgjë nuk është shtrenjtuar.”

Këshilltari për energjetikë në Qeveri, Viktor Andov, dje tha se me uljen e çmimit të rrymës, qytetarët do të presin që nga muaji shkurt të vitit të ardhshëm të ulen edhe çmimet e shërbimeve që japin kompanitë e vogla dhe të mesme./TV21

Advertisement

Lajme nga vendi

Bastisje për vrasjen e mjekut në Shkup – arrestohet dy persona

Published

on

Policia ka realizuar bastisje sot në Shkup, për vrasjen e mjekut ditë më parë afër Poliklinikës në “Hekuranë” në Shkup, përcjell TV21.

Ministri i Punëve të Brendshme, Pançe Toshkovski, në podkastin “Pretres”(Bastisje), njoftoi se tashmë janë arrestuar edhe dy persona.

“Po bëhet bastisje në një lokacion. Kemi persona të dyshuar për vrasjen, kemi dëshmi materiale dhe dy persona janë arrestuar dhe shpresoj se në kohë sa më të shkurtër të mund të dalim me detaje për këtë pjesë të hetimeve”, tha Toshkovski, ministër teknik.

Ai shtoi se sipas të dhënave të para, motivi i vrasjes ndërlidhet me profesionin.

Continue Reading

Lajme nga vendi

Shkollat fillore në Tetovës pa salla sportive

Published

on

Rreth shtatë shkolla fillore në komunën e Tetovës nga gjithsej 12 sa janë nuk kanë salla sporti.Ndërsa nga shkollat e mesme vetëm Gjimnazi 7 marsi nuk ka sallë sporti. Kështu thonë nga sektori për arsim në komunën e Tetovës, prej nga bëjnë të ditur se shkollat fillore që nuk kanë salla sporti janë në pjesën qendrore të Tetovës. Bëhet fjalë për shkollën fillore Migjeni, shkollën fillore Liria, shkollën fillore Istikball, shkollën fillore Kirili dhe Metodi, shkollën fillore Naim Frashëri, shkollën fillore në fshatin Sellcë dhe Shkolla në fshatin Reçicë të Vogël Besa.Aplikimi është bërë në Ministrinë e arsimit dhe Shkencës por deri më tani nuk ka ndonjë përgjigje, thonë nga Sektori për Arsim në komunën e Tetovës. Deri më tani nuk ka asnjë lloj përgjigje nga ana e Ministrisë së Arsimit dhe Shkencës se kur do të miratohen kërkesat për ndërtimin e sallave të sportit.“Ministria e Arsimit dhe Shkencës në bashkëpunim me Agjencionin për Rini dhe Sport, vit për viti hapin thirrje për aplikim për ndërtimin e sallave në të gjithë territorin e Maqedonisë së Veriut. Zakonisht thirrja hapet në kuadër të projektit për ndërtimin e 145 sallave sportive ku selektimi bëhet nga ana e tyre. Nuk e di se në çfarë mënyre bëhet selektimi, neve si komunë kemi bërë aplikim për gjashtë shkollat pra për ndërtimin e sallave të sportit.Baza e aplikimi është vetëm fleta e pronësisë, ku ata kanë dy lloje projektesh, njëra është sallë me tribunë dhe tjetra është pa tribunë”, deklaroi Valedin Ademi, udhëheqës I Sektorit për Arsim në komunën e Tetovës.Nga komuna e Tetovës njoftuan se sa I përket sallës sportive në Gjimnazin e Tetovës janë siguruar mjetet dhe punimet do të vazhdojnë deri në përfundimin e së njejtës. Në ndërkohë, pyetje dërguam edhe në Ministrinë e Arsimit dhe Shkencës lidhur me mungesën e sallave sportive në shkollat fillore të Tetovës, por ende nuk ka përgjigje.TV KOHA

Continue Reading

Lajme nga vendi

Toshkovski: Jam i shqetësuar për procesin zgjedhor në njësinë numër 6

Published

on

Ministri i MPB-së, Pançe Toshkovski thotë se është jashtëzakonisht i shqetësuar për njësinë zgjedhore numër gjashtë, gjegjësisht siç tha, në Tetovë, Gostivar, Bërvenicë dhe rrethinën e këtyre vendeve.

Sipas tij, alarmante është fakti se qeveria nuk lejon të bëhen ndryshime të njeriut të parët të policisë në qytetet që përfshinë njësinë zgjedhore numë gjashtë.

“Nuk kanë lejuar të bëhet një ndryshim në sistemim, i cili do të mundësonte emërimin e një shefi nga ana ime, si dhe një shef shtesë nga ana e ministrit shtesë. Ai është dashur të garantojë një proces zgjedhor të drejtë dhe demokratik në territorin e Tetovës, Gostivarit, Bërvenicës etj”, tha Toshkovski.

Pikërisht për njësinë zgjedhore numër gjashtë në referendum ishte vendosur rekordi botëror ku në çdo kuti në një qendër votimi hidhej një fletë votimi çdo 2 sekonda.

Continue Reading

Më të lexuarat