Lajme nga vendi
Gjykata Apelit tregon pse i hoqi dënimin me burg Sasho Mijallkovit
Këshilli i Gjykatës së Apelit Shkup njofton se aktgjykimi i shkallës së parë për rastin e njohur si “Target-Fortesa” është anuluar për shkak të shkeljeve esenciale të dispozitave të procedurës së Ligjit për procedurë penale, si dhe shkelje për të cilat gjykata kujdeset me detyrë zyrtare, e të cilat shkelje kanë ndikuar mbi vërtetimin e gjendjes faktike dhe zbatimin e drejtë të së drejtës materiale
Këshilli, siç thuhet në njoftimin e sotëm nga Gjykata e Apelit, ka konstatuar se ka mospërputhje ndërmjet aktgjykimit të shqiptuar dhe asaj që thuhet në kopjen e tij me shkrim, përkatësisht në burimin e aktgjykimit nuk ka përshkrim të veprimeve të kundërligjshme për secilin nga të pandehurit.
Rasti i Gjykatës Themelore Penale Shkup KOK nr. 47/17 dhe 39/18 është dorëzuar për vendimmarrje në Gjykatën e Apelit në Shkup, pas ankesave të parashtruara nga PTHP dhe të pandehurit, më 10.08.2021, kur sipas Ndarjes automatike të lëndëve, e njejta është ndarë për veprim te një gjykatës-raportues. Më 14 tetor 2021, lënda me të gjitha shkresat është dorëzuar në Prokurorinë e Lartë Publike Shkup, me qëllim të shqyrtimit dhe dorëzimit të propozimit lidhur me ankesat e paraqitura. Më 30 nëntor 2021 shkresat e lëndës janë kthyer në Gjykatën e Apelit Shkup, pas së cilës më 21 janar 2022 është lëshuar urdhër për caktimin e seancës publike për 7 mars 2022, thuhet në njoftim.
Pas seancës publike të mbajtur më 07.03.2022, siç thotë Gjykata, për të vendosur për ankesat, Këshilli i kësaj Gjykate është mbledhur disa herë duke vlerësuar se bëhet fjalë për një çështje komplekse, në të cilën janë disa persona të akuzuar për disa vepra penale dhe materiale të shumta provuese.
Vendimi për lëndën është marrë në seancë me dyer të mbyllura, më datë 05.12.2022, kur është përpiluar dhe nënshkruar procesverbali i konsultimit dhe duke qenë se ndaj disa prej të pandehurve janë marrë masa për të siguruar praninë, këshilli i Gjykatës së Apelit Shkup në kuptim të nenit 436 paragrafit 5 të Kodit të procedurës penale, ka vendosur edhe për masën e paraburgimit, përkatësisht arrest shtëpiak, ndaj disa të akuzuarve. Pas përpilimit dhe verifikimit të vendimeve për masën e paraburgimit, gjegjësisht arrest shtëpiak, ato i janë dorëzuar gjykatës së shkallës së parë për veprime të mëtutjeshme dhe të njëjtën ditë është shpallur shpallje publike për vendimin e marrë, thuhet në njoftim.
Duke pasur parasysh se në përputhje me Ligjin për Menaxhimin e Lëvizjes së Çështjeve në gjykata nga data 16.02.2020, vetëm vendimet e formës së prerë janë anonimizuar dhe publikohen në ueb faqen e Gjykatës, dhe në rastin konkret, siç ka qenë vendimi i shkallës së parë, shfuqizohet me aktvendim, Gjykata e Apelit Shkup, siç thuhet në njoftim, nuk ka mundësi ligjore që vendimet e kundërligjshme të publikohen në ueb faqen e gjykatës.
-Për shkak të interesimit të madh të opinionit, Këshilli i Gjykatës së Apelit Shkup njofton se aktgjykimi i shkallës së parë është anuluar për shkak të shkeljeve materiale të dispozitave të procedurës nga neni 415 paragrafi 1 pika 11 paragrafi 2 dhe paragrafi 3 të Kodit Penal, si dhe shkeljet që gjykata i kushton vëmendje detyrës zyrtare në kuptim të nenit 427 c.v. neni 375 i Kodit penal dhe cilat shkelje ndikuan në përcaktimin e drejtë të gjendjes faktike dhe zbatimin e drejtë të së drejtës materiale.
Konkretisht, sipas detyrës zyrtare, këshilli i Gjykatës së Apelit në Shkup konstatoi se ekziston mospërputhje në mes aktgjykimit të shqiptuar dhe asaj që thuhet në kopjen e tij me shkrim, gjegjësisht në burimin e aktgjykimit nuk ka përshkrim të veprimeve të kundërligjshme për secilin nga të pandehurit. Kjo është veçanërisht e vërtetë pasi aktgjykimi me shkrim duhet t’i përgjigjet plotësisht dënimit të shënuar në procesverbal dhe për këtë arsye shpallja e aktgjykimit duhet të jetë e qartë dhe precize, përkatësisht fjalia e shpallur publikisht e aktgjykimit duhet të përmbajë të gjitha elementet e nevojshme nga neni 408 të Kodit Penal. Një shkelje e tillë thelbësore është e natyrës absolute dhe e bën gjykimin të paqartë, të pakuptueshëm dhe të papërshtatshëm për shqyrtim të mëtejshëm, shtohet në deklaratë./Zhurnal.mk
Lajme nga vendi
Nga shtatori do të ketë përsëri rritje të pensioneve, ende nuk kemi biseduar nëse do të jetë lineare ose procentuale, thotë Koçoska
Nga shtatori do të ketë përsëri rritje të pensioneve, por ende, nuk kemi biseduar për atë nëse ajo do të jetë rritje lineare ose procentuale, edhe pse e dini qëndrimin tim se unë jam ithtare për atë që të ketë rritje lineare të pensioneve, deklaroi sot në konferencë për media ministrja e Financave, Dimitrieska Koçoska.
Duke e prezantuar propozim ribalancin e Buxhetit për vitin 2025, në konferencë për media në Qeveri, Koçoska tha se transferimi i përgjithshëm nga Buxheti ndaj FSPIM këtë vit do të jetë diku rreth 50 miliardë dhe se me propozim ribalancin parashikohen edhe rreth 2,5 miliardë.
Fondi për SPIM, theksoi Koçoska, pranon të ardhura sa i përket kontributeve të cilat i realizon buxheti dhe ata, edhe pse kalojnë nëpërmjet Buxhetit, drejtpërdrejtë transferohen në FSPIM.
“Në gjysmën e parë të vitit pati një realizim më të dobët se sa ishte parashikuar për ne deri në fund të vitit, sepse ne e parashikuam, dhe projeksioni do të realizohet sepse nuk patëm përputhshmëri me pagën minimale dhe pagat vazhdojnë të rriten dhe tani ndihet tashmë nga muaji në muaj, se si kemi një mbledhje më të madhe të kontributeve, kështu që është planifikuar 2,5 miliardë, por kjo është vetëm rezultat i atyre mungesave të likuiditetit që ka SPIM në aspektin se sa realizon nga të ardhurat e veta”, sqaroi Koçoska.
Koçoska, gjithashtu, konfirmoi se në propozim ribalancin e Buxhetit ka paraparë edhe rritje të mjeteve për pagat në sektorin publik.
“ Flasim për realizimin e buxhetit dhe zërin paga. Po, ka rritje. Më së shumti këtu efekti është për shkak të Ministrisë së Punëve të Brendshme, e cila kishte rritje të pagave prej 10 për qind, ndërsa MPB në thelb numëron numrin më të madh të administratës. Ata kanë rreth 12 mijë të punësuar”, sqaroi Koçoska.
Për paga në sektorin publik, Koçoska tha se janë diku rreth 800 milionë, prej të cilave rreth 600 milionë janë për MPB.
Lajme nga vendi
Ribalanci i buxhetit në mbledhje të Qeverisë, paralajmërohen më shumë mjete për komunat dhe për paga më të larta
Në mbledhje të Qeverisë sot do të shqyrtohet ribalanci i Buxhetit, paralajmëroi kryeministri Hristian Mickoski, i cili u përgjigj në pyetje ku do të shkurtohet dhe ku do të ketë më shumë para me ribalancin e ri. Ai theksoi se në ribalancin e ri të buxhetit do të ketë më shumë para për komunat, paga më të mëdha, pensione, si dhe për shëndetësinë.
“Aty janë mjetet për ato projekte, të cilat janë në kuadër të njësive të vetëqeverisjeve lokale, mjete për më shumë subvencione, paga më të larta, pensione, etj, dhe shëndetësi. Por, pastaj të themi pas miratimit të Propozim-buxhetit në lexim të parë në kuadër të mbledhjes së qeverisë kjo supozoj do të sqarohet para mediave”, deklaroi Mickoski.
I pyetur për raportin e Entit Shtetëror të Statistikave në lidhje me bujqësinë, ku janë shënuar inpute më të mëdha dhe autpute më të mëdha dhe është pozitive për bujqit dhe çka mund të presin nga ribalanci i buxhetit, Mickoski u përgjigj se kjo është absolutisht e saktë, ka rritje të çmimeve ndaj blerësve dhe më shumë para për bujqit në investime të reja.
“Absolutisht kjo është e saktë dhe këtë e tregon Raporti i ri i Entit Shtetëror të Statistikave dhe kemi rritje dyshifrore të autputit, gjegjësisht rritje të çmimeve ndaj blerësve, që në përgjithësi shkon për eksport dhe do të thosha të parëndësishëm prej 1,2 për qind input të rritur, kjo në shpenzimet, në anën e shpenzimeve të bujqve dhe kjo është tashmë disa muaj dhe kjo është e shkëlqyer, parametër i shkëlqyer. Kjo nënkupton më shumë para për investime, më shumë para për bujqit”, tha Mickoski.
Sa i përket mbështetjes të cilën e jep Qeveria, kryeministri Mickoski theksoi se vitin e kaluar është dhënë mbështetje për bujqit më shumë se 8,6 miliardë denarë.
Në seancën e sotme të Këshillit të Komunës së Koçanit, ndodhën momente tensionuese, të shoqëruara me incidente dhe përpjekje për konfrontime fizike midis disa prej këshilltarëve.
Atmosfera ishte jashtëzakonisht e elektrizuar, ndërsa debati midis anëtarëve të Këshillit përshkallëzoi deri në konflikt të drejtpërdrejtë verbal dhe fizik.
Në konfrontimin fizik u përfshinë këshilltarët Aki Akiov dhe koordinatori i grupit të këshilltarëve të VMRO-DPMNE-së, Mirce Stojkov.
Siç raportohet, në këtë incident ka intervenuar edhe policia.
Nga shtatori do të ketë përsëri rritje të pensioneve, ende nuk kemi biseduar nëse do të jetë lineare ose procentuale, thotë Koçoska
Ribalanci i buxhetit në mbledhje të Qeverisë, paralajmërohen më shumë mjete për komunat dhe për paga më të larta
Përplasje fizike në mes këshilltarëve në Komunën e Koçanit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve