Lajme nga vendi

Vrasja e hendbollistit kroat, të akuzuarit dënohen me 52 vite burg

Published

4 months ago

November 30, 2022

Të pandehurit e kanë mohuar fajësinë për veprën penale vrasje. Ata kanë kërkuar të gjykoheshin për rrahje dhe jo për vrasje. Sipas tyre, ata nuk kanë pasur qëllim vrasjen e hendbollistit kroat Tot

Të akuzuarit për vrasjen e hendbollistit kroat Denis Tot, sot nga Gjykata Penale Shkup, janë shpallur fajtor dhe janë dënuar me gjithsej 52 vite burg. Të akuzuarit Anxhelo Gjorgjievski dhe Klementina Levkovska janë dënuar me nga 18 vjet burg, ndërsa i akuzuari Andrej Kostovski me 16 vjet burg. Gjatë vendimit, gjykatësja tha se janë marrë parasysh të gjitha rrethanat, derisa ata rënduese janë shkalla e përgjegjësisë penale, privimi nga jeta. Për Anxhelon dhe Klementinën, rrethana më rënduese janë pasi që kanë goditur vazhdimisht Denis Totin. Derisa masat lehtësuese për të akuzuarit janë pasi ata janë të rinj dhe nuk kanë pasur më parë vepra penale si dhe për Anderj Kostovskin, masa lehtësuese është pasi ai është paraqitur vet në stacionin policor.

Gjatë vendimit gjykatësja tha se të pandehurit nuk e kanë denoncuar rastin në polici dhe nuk kanë treguar që e kanë goditur viktimën. Sipas saj, Gjykata ka marrë parasysh dhe rrethanat dhe si masë lehtësuese ka paraparë pasi të pandehurit janë të rinj dhe nuk kanë pasur më parë vepra penale. Derisa si masë rënduese është marr goditja e vazhdueshme e të pandehurve ndaj viktimës. “Prova më e besueshme për gjykatën janë video incizimet nga kamerat e sigurisë të disa lokaleve në vendin e ngjarjes. Të gjitha veprimet individuale dhe të përbashkëta të të pandehurve duken qartë. Është e qartë se ata kanë qenë në dijeni për pasojat që kanë ndodhur. Rënia e Denis Totit në tokë, i cili ishte atletik dhe i fortë, tregon qartë fuqinë e goditjeve të Anxhelos”, tha gjyqtarja.

Në anën tjetër, të pandehurit e kanë mohuar fajësinë për veprën penale vrasje. Ata kërkuan të gjykoheshin për rrahje dhe jo për vrasje. Sipas tyre, ata nuk kanë pasur qëllim vrasjen e hendbollistit kroat Tot.

Ndryshe, vendimi i gjykatës vjen katër muaj pas seancës së parë për vrasjen e hendbollistit kroat, Denis Tot. Gjatë gjykimit u dëgjuan dëshmitarë të shumtë të ngjarjes, por edhe ekspertë. Pamjet e vëzhgimit video, si nga klubi para të cilit u vra Tot, ashtu edhe pamjet nga kamerat e qytetit, kanë luajtur rol të rëndësishëm. Të gjithë të akuzuarit kanë kërkuar falje për krimin që kanë kryer. koha. Zenel MIFTARI

Lajme nga vendi

Saiti: Vendimet e Gjykatës Kushtetuese doemos të respektohen

Published

1 day ago

March 31, 2023

TetovaExpres

Vendimi i Gjykatës Kushtetuese duhet të respektohet. E lexova deklaratën e tyre dhe është e vërtetë, ato nuk përcaktojnë pagën, por kanë korrigjuar dispozita që sipas tyre konsiderojnë se mund të korrigjohen, deklaroi kryetari i Shoqatës së gjyqtarëve, Xhemali Saiti.

Në pyetjen e gazetarëve në kuadër të Konferencës së sotme të gjyqtarëve 2023, me rastin e 31 Marsit – Ditës së gjyqësorit, Saiti theksoi se çështja është nëse shteti për momentin ka kapacitete ekonomike për t’i përmbushur ato kërkesa.

“Kjo mënyrë e përllogaritjes së pagës e cila ekzistonte deri më tani është bllokuar me një dispozitë e cila duhej të ketë karakter të përkohshëm, por ajo dispozitë ka që zbatohet tashmë 15 vite. Çështje tjetër është se a ka për momentin shteti kapacitet ekonomik për t’i përmbushur këto kërkesa, atë çështje me siguri e dinë njerëz nga qeveria dhe mund të përgjigjen”, tha Saiti.

Ai shprehu edhe indinjatën e tyre për mospërmbushjen e obligimeve të Qeverisë ndaj gjyqtarëve lidhur me rritjen e pagave.

“Ju e dini se jemi në një proces të gjatë negociatash me Qeverinë, duke hequr dorë nga kërkesat tona legjitime që të miratohet Ligj për pagat e gjyqtarëve i cili një ditë para vendimit të Gjykatës Kushtetuese u dorëzua në Komisionin para Kuvendit dhe u bllokua përmes amendamenteve, pastaj pasoi vendimi i Gjykatës Kushtetuese”, sqaroi Saiti, duke shtuar se pushteti ekzekutiv dhe legjislativ duhet ta përmbushin obligimin e tyre.

Gjykata Kushtetuese me vendim për shfuqizimin e dy neneve të Ligjit për paga dhe kompensim të funksionarëve, mundësoi rritjen e pagave të funksionarëve shtetërorë për 78 për qind. Me vendimin, përveç kryeministrit, presidentit, kryetarit të Kuvendit dhe të gjithë kryerësve të funksioneve publike përfshihen edhe gjyqtarët kushtetues.

Lajme nga vendi

Zhduket një vajzë 12-vjeçare nga Shkupi, prindërit e saj kërkojnë ndihmë

Published

1 day ago

March 31, 2023

TetovaExpres

Një vajzë 12-vjeçare nga Shkupi është zhdukur që nga dje. Thirrje për ndihmë kanë publikuar edhe prindërit që kanë denoncuar rastin në polici mbrëmjen e djeshme në rrjetet sociale.

Familja e 12-vjeçares Anisa Ajro nga Shkupi që nga mëngjesi i sotëm është në kërkim të saj në rrjetet sociale dhe janë lënë numra telefoni që kushdo që e sheh të telefonojë të afërmit e saj. Të dhënat zyrtare thonë se vajza është larguar disa herë nga shtëpia dhe me ndihmën e policisë është kthyer pranë familjes.

“Më datë 30.03.2023 në Stacionin Policor Bit Pazar në ora 20:30, E.A.(38) ka raportuar se vajza e tij A.A.(12) ka ikur, ndërsa rreth orës 22:00 G.O.(39) ka lajmëruar se vajza e tij ka ikur vajzën MK (15). ). MK dhe më parë në disa raste ajo është larguar nga shtëpia dhe është kthyer mbrapsht. “Po merren masa për gjetjen e personave”, tha MPB për “A1on”.

Lajme nga vendi

Në rrugën magjistrale Shkup-Bllacë gjendet një trup i pajetë

Published

1 day ago

March 31, 2023

TetovaExpres

Në rrugën magjistrale Shkup-Bllacë, mbrëmë rreth orës 23:30 (30.03.2023) është denoncuar se tek qarkorja në Vizbeg është gjetur një trup i pa jetë, pa kokë. Në vend ngjarje ka dalë ekip i mjekësisë ligjore dhe prokuror publik.

Sipas informacioneve të para, me siguri bëhet fjalë për migrant ilegal i cili është rrëzuar nga kamioni në të cilin ka qenë duke udhëtuar, ndërsa më pas është shkelur nga një makinë e rëndë që nuk është ndaluar në vendin e ngjarjes. Më tepër informacione pritet gjatë ditës.