Lajme nga vendi
Nuk ka ende Plan Detal Urbanistik të ri për Kodrën e Diellit, Kasami: Procedura drejt fundit
Kreu i Komunës së Tetovës, Bilall Kasami në fillim të vitit deklaroi se deri në fund të vitit 2022 do të miratohet Plani Detal Urbanistik për Kodrën e Diellit. Ka ngelur edhe një muaj e gjysmë deri në mbarim të vitit ndërsa kjo nuk është bërë ende. I pyetur nga Portalb.mk ai tha se kjo është në fazën finale por pa precizuar afat konkret.
Në debatin e organizuar për Kodrën e Diellit me 28 janar të këtij viti, Kasami deklaroi kështu:
“Përkushtimi jonë është që atë që e kemi si përgjegjësi sa i përket përpilimit të Planit Detal Urbanistik është që në vitin 2022 përfundimisht të kemi një plan të miratuar urban për Kodrën e Diellit, nga i cili çdo kush do të përfundojë sepse do të ndërpriten ndërtimet pa leje dhe njëherë e përgjithmonë gjithçka që do të ndërtohet do jetë e bazuar në një Plan të Detajuar Urban.”
Por, sot që jemi një muaj e gjysmë larg vitit të ri, pyetëm Kasamin se deri në çfarë pike është kjo procedurë. Kështu u përgjigj Kasami:
“Sa i përket Kodrës së Diellit jemi në përfundim të procedurës së miratimit të planit për Kodrën e Diellit, gjithashtu opinioni është i njoftuar që veç më kemi përgatitur edhe projekt për një rrugë të re e cila do jetë komplet e re rreth tre kilometra, me të cilën ne vlerësojmë që do të zgjidhet pjesërisht problemi i Kodrës së Diellit. Gjithashtu, ditët e kaluara unë kam pasur edhe ekspert të urbanizmit nga Turqia të cilët janë të angazhuar në Komunën e Tetovës me të cilët përpilojmë një plan për një zonë të re turistike që do të ndërlidh një pjesë në qytet, gondolën nga qyteti deri në Kodrën e Diellit dhe një pjesë turistike në Kodrën e Diellit.”
Përndryshe, Kodra e Diellit konkretisht lagja e vikend-shtëpizave përballet me probleme të ndryshme, si ajo e ndërtimeve pa leje, infrastrukturë rrugore e dëmtuar, kaos në trafik gjatë sezonës dhe të tjera. Sipas Sektorit të Urbanizmit në Komunën e Tetovës për momentin po procedohen 125 lëndë për legalizimin e objekteve në Kodrën e Diellit. Nga këto, për 60 duhet të dilet në terren dhe të konstatohet gjendja faktike, ndërsa 65 të tjerëve u mungon dokumentacioni të cilin ato duhet ta dorëzojnë. Ndërkaq së fundmi nga inspektorati komunal u shembën dy ndërtime pa leje.
Rikujtojmë që gjatë seancës së djeshme të qeverisë u miratua propozim-projekti për një projekt investimi strategjik në qendrën e skijimit Kodra e Diellit ka marrë dritën e gjelbër. Ministri Nuredini tha se kompania evropiane, TechnoAlpin, merret me prodhimin dhe instalimin e sistemeve të borës artificiale dhe projektimin e fushave dhe terreneve të skijimit ka dhënë ofertë serioze për zhvillimin e qendrës së skijimit Kodra e Diellit. Investimi parashikohet të jetë 186 milionë euro
nvestimi duhet të realizohet duke filluar nga viti 2023 dhe do të realizohet në 6 faza investimi, e para prej të cilave kap shumën rreth 55 milionë euro.
Në fazën e parë do të realizohet:
Investim në vendosjen e dy teleferikëve të rinj me 6/8 ulëse
Dy shtigje të reja skijimi
Instalim i sistemeve për borë artificiale
Adventure Park, kënd lojërash, hapësirë për rekreacion dhe relaksim
Parking i ri i asfaltuar me hapësirë për parkim të 600 veturave
Ndërtimin e rrugëve të reja qasëse
Ndërtimi i dy hoteleve të reja, të kategorisë me 4*
Investim në dy mjete të reja për rregullimin e shtigjeve të skijimit
Lajme nga vendi
Njëmbëdhjetë persona në kontakt me të punësuaren e hospitalizuar në Klinikën infektive nën mbikëqyrje 14-të ditore

Njëmbëdhjetë persona në kontakt me një të punësuare të shtruar në Klinikën infektive janë nën mbikëqyrje 14-të ditore, pasi ajo është diagnostikuar me ethe hemorragjike krimea kongo, informoi sot Renata Mlladenovska, drejtore e Inspektoratit Shtetëror Sanitar dhe Shëndetësor (ISHSSH).
“Pas marrjes së informacionit nga Instituti për Shëndet Publik, të njëjtën ditë, pra më 5 gusht, ekip i epidemiologëve nga Qendra për Shëndet Publik – Shkup, ka kryer kontroll epidemiologjik, janë bërë anketa dhe kontakte. Informacioni është ndarë dhe me ISHSSH-në dhe si institucion lëshuam edhe 11 zgjidhje, ato janë kontakte të tashmë pacientes së shtruar e cila është edhe e punësuar në Klinikën infektive. Ato 11 kontakte do të jenë nën mbikëqyrje shëndetësore 14-ditore”, tha Mlladenovska.
Ajo sqaroi se çfarë nënkupton mbikëqyrja shëndetësore.
“Pacientja, përkatësisht kontaktet do të duhet të paraqiten dhe të jenë në kontakt të vazhdueshëm me epidemiologun kujdestar nga Qendra për Shëndet Publik – Shkup, nuk është izolim klasik, megjithatë nuk duhet të kenë kontakt me të tjerët – nëse është familja e ngushtë, thjesht të durojnë këto 14 ditë që të mos përhapet ky infeksion dhe shpresoj që ky të jetë rasti i fundit. Sa u përket 29 kontakteve të mëparshme, nga ato 29 kontakte, një është konfirmuar si rast, kemi mbikëqyrje shëndetësore, vendime të marra për 40 persona”, ka thënë Mlladenovska.
E pyetur nëse këta 11 kontakte janë të gjithë nga Klinika infektive apo familja, ajo sqaroi se nga këta 11, dhjetë persona janë nga familja e ngushtë e pacientes dhe një kontakt është e një kolege të saj poashtu nga Klinika infektive.
Më herët, kryetari i Komisionit për Sëmundje Infektive, Zllate Mehmedoviq, tha për MIA-n se Komisioni absolutisht qëndron prapa asaj që është bërë nga Instituti i Shëndetit Publik, masat e ndërmarra dhe rekomandimet që jepen.
Nga ajo që kanë parë, shtoi ai, rasti i parë është rast i infektimit të drejtpërdrejtë, ndërsa i dyti me gjasë është gjatë transmetimit përmes gjakut të kontaminuar.
Në rastin e parë të infeksionit të drejtpërdrejtë ndërroi jetë një paciente 27-vjeçare, pas infektimit nga pickimi i rriqrës.
Lajme nga vendi
Dogana e Maqedonisë ka konfiskuar fletobligacione në vlerë 92 milionë dollarë nga një shtetas i Turqisë

Drejtori i Doganave, Stefan Bogoev në një konferencë të jashtëzakonshme për shtyp njoftoi se Doganat e Maqedonisë së Veriut kanë konfiskuar fletobligacione në vlerë të 92 milionë dollarëve, shkruan TV21. Bogoev tha se janë konfiskuar 184 fletobligacione me vlerë të veçantë nominale prej 500 mijë dollarëve.
“Obligacionet janë gjetur tek një udhëtar, shtetas i Turqisë, i cili ka ardhur me fluturim të rregullt nga Stambolli dhe është përcaktuar për të kaluar në të ashtuquajturin “kanal i gjelbër”, respektivisht se nuk ka mall për të deklaruar, ndërsa gjatë kontrollit me skaner dhe kontrollit shtesë të detajuar, tek i njëjti janë gjetur në 4 dosje brenda një çante të zezë”, tha mes tjerash Bogoev duke shtuar se personi në fjalë është dënuar nga gjykata e vendit, ndërsa fletobligacionet i janë dorëzuar Agjencisë për Menaxhim me Pronë të Konfiskuar.
Lajme nga vendi
100 ushtarë nesër nisen për në Slloveni, janë kërkuar mjete materiale dhe teknike

Nesër në mëngjes ushtarët maqedonas duhet të nisen për në Slloveni, ku do të ndihmojnë në përballimin e përmbytjeve katastrofike. Këtë e theksoi sot ministrja e Mbrojtjes, Slavjanka Petrovska, duke theksuar se nuk ka pasur vonesa në ndihmën e ofruar.
Që në momentin e parë kur ndodhi aksidenti, e gjithë maja e shtetit kontaktoi autoritetet atje dhe ne i dhamë mbështetjen tonë vetëmohuese. Nga ata na thanë se sapo të bëjnë analizat do të dorëzohen kërkesat dhe kanë mbërritur dje. Për këtë kemi reaguar menjëherë dhe sot në seancën e Qeverisë do të marrim vendim që të dërgohen 100 ushtarë nga përbërje të ndryshme, të cilët do t’u përgjigjen nevojave të ushtrisë dhe shtetit slloven, tha Petrovska.
Ministri sqaroi se ushtarët tanë tashmë janë gati. Në kërkesë thuhet se kërkohen 200 ushtarë.
Sipas saj, janë kërkuar mjete të tjera materialo-teknike të cilat nuk jemi në gjendje t’i dorëzojmë.
Presidenti Stevo Pendarovski dje në bisedë me presidenten sllovene Natasha Pirc-Musar shprehu keqardhje dhe keqardhje për Slloveninë dhe gjithë banorët e saj për humbjet dhe dëmet e pësuara nga vërshimet, të cilat ishin të përmasave të mëdha, dhe shprehu gatishmërinë për të ndihmuar.
-
Lajme nga vendi1 year ago
Zyra e Avokatit të Popullit në Tetovë sot do të jetë e hapur
-
Lajme nga vendi1 year ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi11 months ago
Kovaçevski paralajmëroi drejtor të ri të Drejtorisë për Zbatimin e Sanksioneve