Connect with us

Lajme nga vendi

Vërshimet në Tetovë, Kasami: Të gjitha resurset komunale janë shpenzuar, kemi nevojë për ndihmën e Qeverisë

Published

on

Në Tetovë dhe disa fshatra përreth, pas reshjeve të rrëmbyeshme të mbrëmshme një numër i madh i oborreve dhe bodrumeve të shtëpive janë përmbytur, ndërsa janë dëmtuar edhe vetura. Gjatë ditës qytetarët vazhduan me largimin e ujit dhe rrëshqitjeve të cilat mbrëmë nuk arritën t’i largojnë.

Më të prekur, sipas Komunës së Tetovës, janë banorët e fshatit Gjermo, si dhe në vendbanimin Çarshia e Epërme, ku dhjetë qytetarë është dashur ta kalojnë natën në ndërtesën e zjarrfikësve, pas çka janë kthyer në shtëpi paradite.

Rrugët rreth kazermës në Tetovë përmbyten shpesh, ashtu ishte edhe mbrëmë.

Kryetari i Komunës së Tetovës, Bilall Kasami, deklaroi se shumë pika kritike, si tek kazerma, sërish janë vërshuar. Kështu ishte edhe me autobusët në dalje drejt Shkupit dhe drejt Falishes.

Advertisement

“Nuk ka kanalizim adekuat, kjo është arsyeja. Ne sot në takim të Shtabit të krizës vendosëm që të ndiqen situatat dhe në mënyrë parandaluese ​​në pikat kritike të intervenohet, pasdite nëse ka sërish reshje shiu të mos përsëriten përmbytjet. Kërkojmë nga Qeveria të ndihmojë në sanimin e dëmeve. Paraprakisht nuk na ndihmoi Qeveria dhe shpresojmë se tani do t’u ndihmojnë qytetarëve të cilët kanë pësuar dëme nga vërshimet. Të gjitha resurset komunale janë shpenzuar, kemi nevojë seriozisht për ndihmën e Qeverisë”, tha Kasami.

Për zgjidhje afatgjate, kryetari i komunës Kasami tha se diku bëhen më shumë aktivitete, ndërsa disave u nevojitet ndihmë.

“Përgatisim kanalizimin atmosferik tek kazerma dhe tek nënkalimet planifikojmë ndërhyrje serioze që të mos ketë vërshime. Në Shipkovicë me një projekt të UNDP-së duam të rregullohet shtrati i lumit. Me vite të tëra nuk është investuar asgjë dhe prandaj duhet tani të investohet dhe të intervenohet”, tha Kasami.

Për atë pse qytetarët nuk kanë marrë ndihmë gjatë vërshimeve në muajin maj, Kasami paralajmëroi se do të ketë në seancën e parë të Këshillit të ri./tv21.tv/

Advertisement
Advertisement
Click to comment

Leave a Reply

Your email address will not be published. Required fields are marked *

Lajme nga vendi

Aksion policor si nëpër filma, arrestohen dy persona në pik pagesën afër Tetovës

Published

on

Ministria për Punë të Brendshme njofton se gjatë ditës së sotme policia e Shkupit në bashkëpunim me atë të Tetovës ka arrestuar dy persona nga Haraçina, pasi të njëjtit janë kapur duke transportuar 35 kilogramë drogë. Nga MPB bëjnë të ditur se pas dokumentimit të plotë të rastit ndaj dy personave në fjalë po ngritët kallëzim përkatës.

“Në orët e paradites në pikën pagesore në magjistralen Gostivar – Tetovë, zyrtarët policorë i kanë dhënë shenjë ndalimi automjetit të pasagjerëve “Range Rover”, me targa të Shkupit, i drejtuar nga K.A.(32), në të cilin O.A. (23) ishte pasagjer, të dy nga fshati Haraçinë i Shkupit. Personat nuk i janë bindur urdhrit të policisë për ndalimin e mjetit, por janë larguar me vrap duke dëmtuar një automjet të policisë, por shumë shpejt janë ndaluar dhe privuar nga liria. Gjatë kontrollit në bagazhin e automjetit janë gjetur 4 thasë me marihuanë, me peshë totale të rreth 35 kilogramëve, me vlerë të rreth 100 mijë eurove”, njoftojnë nga MPB.

 

Advertisement

Continue Reading

Lajme nga vendi

Do të rritet çmimi për nxjerrjen e pasaportave, letërnjoftimeve dhe lejeve për vozitje në Maqedoni

Published

on

Ministria për Punë të Brendshme informon se duke vepruar sipas përfundimit të Qeverisë, zbaton procedurë për ndryshimin e vendimit për çmimet për formularët për nxjerrjen e dokumenteve personale. Nga MPB për “360 shkallë” thonë se për momentin dokumentet personale nxirren me çmimet që kanë qenë deri tani.

Çmimet do të ndryshohen kur vendimi të hyjë në fuqi dhe të publikohet në Gazetën zyrtare të RMV-së, përcjell Telegrafi Maqedoni.

Çmimi i pasaportës për personat deri në 27 vjeç do të mbetet i pandryshuar dhe do të jetë 1.500 denarë, por pasaporta për personat mbi 27 vjeç do të jetë 2.000 denarë, që është rritje prej 500 denarë. Çmimi i letërnjoftimit do të jetë 310 denarë, që është rritje prej 120 denarë. Çmimi i patentë shoferit do të jetë 410 denarë, që është rritje prej 130 denarë.

Do të ketë ndryshime edhe në çmimet dhe formularët për procedurat me urgjencë.

Advertisement

Çmimi i pasaportës me procedurë urgjente do të jetë 6.100 denarë, që është rritje prej 1.600 denarë.

Çmimi i patentë shoferit me procedurë urgjente do të jetë 1.230 denarë, që është rritje prej 390 denarë.

Nga MPB thonë se ndryshimi i çmimeve vjen si pasojë e rritjes së çmimeve të blerjes së formularëve të importuar, rritjes së kostove për mirëmbajtjen e sistemit, që kryhet nga një operator ekonomik i huaj, si dhe blerjes së makinerive të reja për shkak të nevojës për zëvendësimin makinerive për personalizim.

Ndryshe, deri në shkurt të vitit 2024, qytetarët kanë detyrim ligjor të ndryshojnë të gjitha dokumentet personale të cilat i kanë me emrin e vjetër të shtetit “Republika e Maqedonisë”.

Advertisement
Continue Reading

Lajme nga vendi

Nuk vdes nga sheqeri 19, pretendojnë mjekët – Nga se vdiq atëherë 6-vjeçarja Jana, e kishin gabuar mjekët?

Published

on

Pse vdiq 6-vjeçarja Jana? Spitali klinik në Manastir është nën mbikëqyrje të jashtëzakonshme inspektuese. Dokumentacioni i plotë është duke u krehur nga prokuroria, policia, por pritet edhe një kontroll i jashtëzakonshëm nga një komision i formuar posaçërisht nga Ministria e Shëndetësisë.

Ndërkohë po merren deklarata nga stafi i përfshirë dhe po bisedohet me të gjithë ata që kanë pasur kontakt me vajzën.

Drejtori i spitalit në Manastir, Aleksandar Obednikovski, ka kërkuar nga ministri që të dërgohet një komision nga Shkupi që të mos ketë dyshim se diçka po fshihet.

Lajmi shqetësoi opinionin, sidomos pasi babai i Janës së vogël zbuloi se sipas analizave të gjakut ajo kishte sheqer 9 dhe më pas i dhanë glukozë me infuzion, e cila e rriti më tej sheqerin në 19, më pas ajo vdiq. Shkaqet e vdekjes komentohen edhe nga mjekët në rrjetet sociale.

Advertisement

Mjeku Nenad Lazarov thotë në statusin e tij në Facebook “Nuk vdes akute nga glicemia 19”.

Në postimin e tij, kolegët mjekë komentojnë situatën dhe thonë:

“Ju nuk vdisni nga glicemia, por vdisni nga ketoacidoza. Një humbje e rëndë për prindërit, por një ndërlikim i hiperglicemisë në fëmijëri, një gjendje akute ku shfaqet rezistenca ndaj insulinës, e ka këtë ndërlikim”.

Advertisement
Continue Reading

Më të lexuarat