Connect with us

Lajme nga vendi

RMV, rreth 800 vendime në ditë jepen për izolim: “Askush nuk na kontrollonë nëse qëndrojmë në shtëpi”

Published

on

Gjatë kësaj periudhe, Inspektorati Shtetëror Sanitar dhe Shëndetësor jep rreth 800 vendime në ditë, mpërveç fundjavës kur numri i rasteve pozitive është më i ulët, gjegjësisht aq sa ka të regjistruar zyrtarisht pacientë pozitivë me koronavirus, raporton Faktor.mk, transmeton Portalb.mk.

“Personave që janë konfirmuar se kanë Covid-19 me test PCR ose një test të shpejtë të antigjenit në një nga laboratorët e që nuk kanë shfaqur simptoma të sëmundjes, pra janë raste asimptomatike, u caktohet izolim në shtëpi për shtatë ditë nga ditën e testimit, ndërsa ata që kanë krijuar pasqyrë klinike që korrespondon me virusin, përkatësisht janë raste simptomatike, izolohen për shtatë ditë nga dita e testit plus tre ditë rresht nëse personi nuk ka rritje të temperaturës”, thotë drejtoresha e Inspektoratit Shtetëror Sanitar Shëndetësor, Irina Buhova, duke theksuar se me vendim të Qeverisë u reduktua numri i ditëve të izolimit, ndërsa pas rekomandimit të Komisionit për Sëmundjet Infektive që në janar të këtij viti.

“Për dallim nga më parë, kur vendimet pë izolim të qytetarëve dërgoheshin në Viber, tani pacientët i shkarkojnë ato përmes www.vakcinacija.mk. Ajo që dua të theksoj është se pas përfundimit të periudhës së izolimit, kërkohen edhe tre ditë të tjera respektim të rreptë të masave të mbrojtjes personale, pra vendosja e maskës mbrojtëse, sidomos kur qëndron në ambiente të mbyllura me persona të tjerë, madje edhe jashtë nëse ka prani të madhe të njerëzve”, thotë doktoresha Buhova.

Numri i ditëve për izolim varet nga raporti i mjekëve amë për pasqyrën klinike të pacientëve.

“Kontrolloe kryejmë çdo ditë. Gjatë kësaj periudhe ka transmetim të madh të virusit, por jo të gjithë pacientët testohen edhe pse simptomat tregojnë se janë pozitivë për kovid. I këshillojmë që të paktën të jenë të vetëdijshëm për rrezikun e kësaj sëmundjeje dhe të qëndrojnë në shtëpi për të paktën tre deri në pesë ditë. Sa i përket kontakteve, sigurisht që nuk parashikohet izolim për ta, sidomos për ata që janë vaksinuar, por edhe ata duke e ditur se kanë qenë në kontakt të ngushtë me një person të infektuar, në mos tjetër të paktën duhet të mbajnë maskë nëse lëvizin mes një numër të madh njerëzish”, thotë Maqedonka Popova Spaseska, mjeke amë nga ordinanca Mastesa.

Advertisement

Në një prononcim për Faktor, nga ana tjetër, një pjesë e pacientëve të infektuar, veçanërisht ata që kanë simptoma, gjegjësisht kanë temperaturë, kollë, rrufë, thonë se e kanë kryer si duhet testin PCR dhe sipas procedurës atyre u është lëshuar vendimi izolimi që e respektojnë maksimalisht, por gjatë gjithë ditëve që kanë qëndruar në shtëpi, askush nuk erdhi t’i kontrollonte.

“Nuk ka kontrolle. Në periudhën paraprakeishte shumë më rreptë dhe me sa mbaj mend gjobat për thyerjen e izolimit ishin shumë të larta. Tashmë gjithçka i është lënë ndërgjegjes së vetë pacientit, por për fat të keq jo të gjithë jemi shumë të vetëdijshëm, ndoshta kjo është arsyeja pse numri i të infektuarve të rinj është i madh. Mesiguri ka të paktën pesë herë më shumë të infektuar se numri zyrtar i shpallur nga Ministria e Shëndetësisë, të cilët as nuk janë testuar dhe as nuk i respektojnë ato masa themelore mbrojtëse”, thonë personat me të cilët ka kontaktuar Faktor.

Ndryshe, numri i rasteve aktive me kovid-19 në vend është 4.379. Shkupi është qyteti me më shumë raste aktive, pasuar nga Manastiri, Kavadari dhe Kumanova.

Nga fillimi i pandemisë janë regjistruar 332.667 të infektuar, 318.890 të shëruar dhe 9.398 të vdekur.

Advertisement
Advertisement
Click to comment

You must be logged in to post a comment Login

Leave a Reply

Lajme nga vendi

Taravari: Vala e ndryshimit nuk mund të ndalet, BDI ta pranojë rezultatin nga rivotimi

Published

on

Arben Taravari, njëri nga partnerët e koalicionit “VLEN” e që aktualisht është kryetar i Komunës së Gostivarit, ende nuk ka vendosur nëse do të jetë në qeverinë e ardhshme si ministër.

Ai ka konfirmuar se një pjesë e shkrimeve të disa mediave për ndarjen e dikastereve qeveritare dhe posteve zyrtare janë të sakta. Sipas Taravarit, ndoshta sot ose nesër do të shpallet marrëveshja përfundimtare mes partnerëve të ardhshëm qeveritar, VLEN-it dhe VMRO-DPMNE-së.

“Aleanca do të ketë dy ministri, një zëvendëskryeministër për qeverisje të mirë dhe transparencë dhe ministrin e shëndetësisë dhe dy zëvendësiministra, si dhe dy sekretar shtetëror, gjegjësisht zv.ministër për mbrojtje dhe zv.ministër për bujqësi. Sekretar shetëror në shëndetësi dhe një tjetër që tani nuk më kujtohet”, shprehet Taravari.

Taravari tha se emrat e kuadorve që do të emërkohen në këto pozita ende nuk i kanë definuar. I pyetur nëse do të jetë ministri i ardhshëm i Shëndetësisë, ai tha se nuk ka vendosur dhe ende është duke menduar nëse do ta pranojë këtë pozitë.

 “Nuk përjashtohet mundësia, por nuk është definitive”, tha Taravari.
Advertisement

Taravari komentoi edhe rezultatet nga rivotimi dhe theksoi se ata kanë qenë në avantazh më 8 maj dhe tani, siç tha ai, janë në avantazh të madh.

“BDI mund ta ankimon rezultatin, por rezultatet janë këto që janë. Ishte e pritshme dhe tani vala e ndryshimit është ajo që nuk mund të ndalet, prandaj BDI-ja duhet të pajtohet me rezultatin. Qytetarët tani janë liruar, votojnë pak më lirshëm se sa më parë dhe uroj që BDI-ja ta pranon këtë realitet. Tash VLEN-i ka një deputet më shumë, BDI-ja një deputet më pak”, deklaroi Taravari.

Continue Reading

Lajme nga vendi

Rivotimi/ VMRO s’ka vendosur për ankesa, Fronti Evropian do të ankohet për procesin e rivotimit në Llërcë

Published

on

VMRO-DPMNE-ja nuk ka vendosur akoma nëse do të dorëzojë ankesa në KSHZ rreth procesit të votimit ose mbledhjes së rezultateve në gjashtë vendvotime në njësinë e pestë zgjedhore.

Nga rivotimi i një dite më parë, kjo parti priste të marrë një deputet më shumë në njësinë e pestë por kjo nuk ndodhi.

Nga ana tjetër, Fronti Evropian është duke përgatitur ankesa për votimin e një ditë më parë në Llërcë.

Pas rivotimit, koalicioni humbi një mandat në zonën gjashtë, i cili shkoi në adresë të VLEN-it. Megjithatë, Fronti Evropian vlerëson se ka pasur parregullsi për të cilat do të ankohet në KSHZ.

Partitë dhe subjektet pjesëmarrëse në zgjedhje kanë afat 48 orë për ankesa në KSHZ.

Advertisement

Pas rivotimit në një vendvotim në Llërcë të Zhelinës, Fronti Evropian humbi një deputet nga rezultatet e 8 majit kurse VLEN fitoi një deputet më shumë.

Kurse rivotimi në gjashtë vendvotime në njësinë e pestë zgjedhore nuk përmbysi rezultatin e 8 majit.

Me këtë, VMRO-DPMNE-ja mbetet me 58 deputetë, Fronti Evropian dhe Koalicioni për Të Ardhme Evropian janë me nga 18 deputetë, VLEN ka 14 deputetë kurse ZNAM dhe E Majta kanë nga 6 deputetë.

118 deputetë kanë marrë certifikatat kurse 2 të tjerë do të certifikohen pasi të mbyllen të gjithë afatet e ankesave rreth zgjedhjeve.

Kreu i Kuvendit Jovan Mitrevski njoftoi se në koordinim me të gjitha partitë parlamentare të dala nga zgjedhjet e fundit, caktoi seancën konstituive të përbërjes së re të Kuvendit për më 28 maj. Seancën do ta drejtojë deputetja më e vjetër, Merita Kollçi Koxhaxhiku.

Advertisement

Pas konstituimit, partia që formon shumicën duhet të marrë mandatin për formimin e qeverisë së re. VMRO-DPMNE-ja beson se kjo do të ndodhë në gjysmën e dytë të muajit qershor. Deputeti Antonio Milloshoski, njoftoi sot në rrjetin X se qeveria e re pritet të formohet deri më 20 qershor, me shumë gjasë, mes VMRO-se, VLEN-it dhe ZNAM-it./ Alsat.mk

Continue Reading

Lajme nga vendi

Jo zyrtare, kjo është pakoja ekzekutive e koalicionit VLEN

Published

on

Pakoja ekzekutive e koalicionit VLEN përfshinë kryetarin e Kuvendit, zëvendëskryeministrin e parë, gjashtë ministri, shtatë zëvendësministra dhe rreth 400 drejtori. Sipas burimeve nga grupet e bisedimeve Afrim Gashi është paraparë në krye të ligjvënësit. Zëvendëskryeministër i parë do të jetë Izet Mexhiti, ndërsa ministria e Eurointegrimeve apo zëvendëskryeministri për Eurointegrime do t’i takon Alternativës. Ky subjekt do të ketë edhe dy zëvendësministra atë të Arsimit dhe të Ministrisë për marrëdhënie mes bashkësive etnike. Në kuadër të VLEN, Lëvizja Demokratike e Izet Mexhitit përveç zëvendëskryeministrit të parë do të ketë edhe Ministrinë e Ekologjisë dhe dy zëvendësministra edhe atë në MPB dhe Transport e lidhje.

Lëvizja Besa do të ketë dy ministri, atë të Ekonomisë dhe Ministrinë e Punës dhe Politikës Sociale. Partia e Bilall Kasamit i cili ka vendosur të mban mandatin e kreut të Tetovës do të kedhë zëvendësministër në Kulturë.
Aleanca për Shqiptarët, krahu i Arben Taravari do të ketë gjithashtu dy ministri. Ministria e Shëndetësisë dhe një ministri pa resor. Krahu i Taravarit do të ketë edhe zëvendësministër në Mbrojtje dhe Bujqësi. Arben Taravari nuk përjashtoi mundësinë që ai vet të udhëheqë me Shëndetësinë, por tha se akoma nuk është definitive. Në 24 deri 48 orët e ardhshme pritet zyrtarizimi i marrëveshjes VLEN me VMRO-DPMNE-në.

“Aleanca do të ketë dy ministri, një zëvendëskryeministër për qeverisje të mirë dhe transparencë dhe ministrin e shëndetësisë dhe dy zëvendësministra, si dhe dy sekretar shtetëror, gjegjësisht zëvendësministër për mbrojtje dhe zëvendësministër për bujqësi. Sekretar shtetëror në shëndetësi dhe një tjetër që tani nuk më kujtohet…Nuk përjashtohet mundësia, por nuk është definitive”, deklaroi Arben Tarvari, VLEN.Gazetar: Adrian Kerimi

Continue Reading

Më të lexuarat