Connect with us

Lajme nga vendi

Përsëriten premtimet e partive politike për Tetovën

Published

on

Fillimi i fushatës zgjedhore në Tetovë për zgjedhjet e 20 gushtit, dhe premtimet e partive politike që pothuajse aspak nuk dallojnë nga ato të zgjedhjeve të shkuara për Komunën e Tetovës, nga një pjesë e banorëve nuk priten aspak mirë.

Partitë përsërisin gjithnjë të njëjtat premtime, ujë, gjelbërim, rrugë, pastërti dhe rregull urbanistik dhe në komunikacion.

Por, sipas banorëve, partitë që deri tani kanë drejtuar komunën, asnjëherë nuk dhanë llogari se përse deri më tani nuk i realizuan premtimet e tyre më herët.

“24 vjet s`bënë asgjë, është turp i madh më të dalin sërish dhe të premtojnë nëpër fushata. Ju apeloj gjitha partive të na tregojnë 24 vjet çka kanë bërë për këtë popull, për rininë, ku e kanë arsimin, ku e kanë shëndetësinë? Kjo është vetëm maska që maskohen në fushata. Por, ata absolutisht nuk kanë moral nuk kanë fytyrë. Dhe kjo do zgjasë edhe shumë, edhe fëmijët e tyre në këtë mënyrë do punojnë”, tha një banor.

“Jo bre s’është normale kjo! Derisa një parti e ndërron partinë tjetër dhe nuk thotë do bëj ndryshime po thotë do e zëvendësojmë atë, pra që t’i plotësojmë ato që s`kanë mundur ata, domethënë këto të vjedhin edhe pak më tepër dhe popullin ta çojnë atje ku duan, ama ne shyqyr Zotit jemi shumë të durueshëm, por një ditë do zgjohen krejt, duhet të ngjallet populli. Por bëjnë kështu e dini pse, sepse varet populli si reagon, e ne populli flemë”, tha një tjetër banor.

Advertisement

“Eh tani, një herë nëse na gënjejnë ju arsyetohet edhe atyre edhe neve, por nëse na mashtrojnë dy herë atëherë ne i kemi fajet s`jemi mirë. Diçka që s`mundet, s`mundet, por, Tetova ujë mos ketë, gjitha parqet i mbushën me ndërtesa, ujë s`ka, pastërti s`ka”, shtoi një banor.

“Sipas meje nuk duhet të dalin ata që s`kanë bërë asgjë nuk duhet të dalin, pse dalin të na gënjejnë sërish. Le të bëjnë të paktën diçka. Populli duhet të zgjohet por s`ka kush e zgjon. Kush do e zgjoj popullin”, deklaroi një banor.

“Nuk kanë të drejtë hiç, shihe çka ndodh, e para herë komunikacioni askund nuk është, tutje, s`kanë bë asgjë deri më sot. Të njëjtat gjëra ndodhin asgjë nuk po përmirësohet nuk shohim asgjë, vetëm muhabete, të njëjta nga gjitha partitë politike. Le ta marrin rinia në dorë se jemi ngi më me këto, më mirë rinia le të futet, le t’i lirojnë ato vende që i kanë aty”, tha një tjetër banor.

Më 20 gusht në Tetovë do të mbahen zgjedhjet e parakohshme për zgjedhjen e këshillit komunal. Zgjedhjet u shpallën pasi këshilli paraprak nuk miratoi në kohë llogarinë vjetore të Komunës, gjë që sipas ligjit çon në shpërndarjen e këshillit dhe në zgjedhje të reja. /Alsat.mk

Advertisement
Advertisement
Click to comment

You must be logged in to post a comment Login

Leave a Reply

Lajme nga vendi

Taravari: Vala e ndryshimit nuk mund të ndalet, BDI ta pranojë rezultatin nga rivotimi

Published

on

Arben Taravari, njëri nga partnerët e koalicionit “VLEN” e që aktualisht është kryetar i Komunës së Gostivarit, ende nuk ka vendosur nëse do të jetë në qeverinë e ardhshme si ministër.

Ai ka konfirmuar se një pjesë e shkrimeve të disa mediave për ndarjen e dikastereve qeveritare dhe posteve zyrtare janë të sakta. Sipas Taravarit, ndoshta sot ose nesër do të shpallet marrëveshja përfundimtare mes partnerëve të ardhshëm qeveritar, VLEN-it dhe VMRO-DPMNE-së.

“Aleanca do të ketë dy ministri, një zëvendëskryeministër për qeverisje të mirë dhe transparencë dhe ministrin e shëndetësisë dhe dy zëvendësiministra, si dhe dy sekretar shtetëror, gjegjësisht zv.ministër për mbrojtje dhe zv.ministër për bujqësi. Sekretar shetëror në shëndetësi dhe një tjetër që tani nuk më kujtohet”, shprehet Taravari.

Taravari tha se emrat e kuadorve që do të emërkohen në këto pozita ende nuk i kanë definuar. I pyetur nëse do të jetë ministri i ardhshëm i Shëndetësisë, ai tha se nuk ka vendosur dhe ende është duke menduar nëse do ta pranojë këtë pozitë.

 “Nuk përjashtohet mundësia, por nuk është definitive”, tha Taravari.
Advertisement

Taravari komentoi edhe rezultatet nga rivotimi dhe theksoi se ata kanë qenë në avantazh më 8 maj dhe tani, siç tha ai, janë në avantazh të madh.

“BDI mund ta ankimon rezultatin, por rezultatet janë këto që janë. Ishte e pritshme dhe tani vala e ndryshimit është ajo që nuk mund të ndalet, prandaj BDI-ja duhet të pajtohet me rezultatin. Qytetarët tani janë liruar, votojnë pak më lirshëm se sa më parë dhe uroj që BDI-ja ta pranon këtë realitet. Tash VLEN-i ka një deputet më shumë, BDI-ja një deputet më pak”, deklaroi Taravari.

Continue Reading

Lajme nga vendi

Rivotimi/ VMRO s’ka vendosur për ankesa, Fronti Evropian do të ankohet për procesin e rivotimit në Llërcë

Published

on

VMRO-DPMNE-ja nuk ka vendosur akoma nëse do të dorëzojë ankesa në KSHZ rreth procesit të votimit ose mbledhjes së rezultateve në gjashtë vendvotime në njësinë e pestë zgjedhore.

Nga rivotimi i një dite më parë, kjo parti priste të marrë një deputet më shumë në njësinë e pestë por kjo nuk ndodhi.

Nga ana tjetër, Fronti Evropian është duke përgatitur ankesa për votimin e një ditë më parë në Llërcë.

Pas rivotimit, koalicioni humbi një mandat në zonën gjashtë, i cili shkoi në adresë të VLEN-it. Megjithatë, Fronti Evropian vlerëson se ka pasur parregullsi për të cilat do të ankohet në KSHZ.

Partitë dhe subjektet pjesëmarrëse në zgjedhje kanë afat 48 orë për ankesa në KSHZ.

Advertisement

Pas rivotimit në një vendvotim në Llërcë të Zhelinës, Fronti Evropian humbi një deputet nga rezultatet e 8 majit kurse VLEN fitoi një deputet më shumë.

Kurse rivotimi në gjashtë vendvotime në njësinë e pestë zgjedhore nuk përmbysi rezultatin e 8 majit.

Me këtë, VMRO-DPMNE-ja mbetet me 58 deputetë, Fronti Evropian dhe Koalicioni për Të Ardhme Evropian janë me nga 18 deputetë, VLEN ka 14 deputetë kurse ZNAM dhe E Majta kanë nga 6 deputetë.

118 deputetë kanë marrë certifikatat kurse 2 të tjerë do të certifikohen pasi të mbyllen të gjithë afatet e ankesave rreth zgjedhjeve.

Kreu i Kuvendit Jovan Mitrevski njoftoi se në koordinim me të gjitha partitë parlamentare të dala nga zgjedhjet e fundit, caktoi seancën konstituive të përbërjes së re të Kuvendit për më 28 maj. Seancën do ta drejtojë deputetja më e vjetër, Merita Kollçi Koxhaxhiku.

Advertisement

Pas konstituimit, partia që formon shumicën duhet të marrë mandatin për formimin e qeverisë së re. VMRO-DPMNE-ja beson se kjo do të ndodhë në gjysmën e dytë të muajit qershor. Deputeti Antonio Milloshoski, njoftoi sot në rrjetin X se qeveria e re pritet të formohet deri më 20 qershor, me shumë gjasë, mes VMRO-se, VLEN-it dhe ZNAM-it./ Alsat.mk

Continue Reading

Lajme nga vendi

Jo zyrtare, kjo është pakoja ekzekutive e koalicionit VLEN

Published

on

Pakoja ekzekutive e koalicionit VLEN përfshinë kryetarin e Kuvendit, zëvendëskryeministrin e parë, gjashtë ministri, shtatë zëvendësministra dhe rreth 400 drejtori. Sipas burimeve nga grupet e bisedimeve Afrim Gashi është paraparë në krye të ligjvënësit. Zëvendëskryeministër i parë do të jetë Izet Mexhiti, ndërsa ministria e Eurointegrimeve apo zëvendëskryeministri për Eurointegrime do t’i takon Alternativës. Ky subjekt do të ketë edhe dy zëvendësministra atë të Arsimit dhe të Ministrisë për marrëdhënie mes bashkësive etnike. Në kuadër të VLEN, Lëvizja Demokratike e Izet Mexhitit përveç zëvendëskryeministrit të parë do të ketë edhe Ministrinë e Ekologjisë dhe dy zëvendësministra edhe atë në MPB dhe Transport e lidhje.

Lëvizja Besa do të ketë dy ministri, atë të Ekonomisë dhe Ministrinë e Punës dhe Politikës Sociale. Partia e Bilall Kasamit i cili ka vendosur të mban mandatin e kreut të Tetovës do të kedhë zëvendësministër në Kulturë.
Aleanca për Shqiptarët, krahu i Arben Taravari do të ketë gjithashtu dy ministri. Ministria e Shëndetësisë dhe një ministri pa resor. Krahu i Taravarit do të ketë edhe zëvendësministër në Mbrojtje dhe Bujqësi. Arben Taravari nuk përjashtoi mundësinë që ai vet të udhëheqë me Shëndetësinë, por tha se akoma nuk është definitive. Në 24 deri 48 orët e ardhshme pritet zyrtarizimi i marrëveshjes VLEN me VMRO-DPMNE-në.

“Aleanca do të ketë dy ministri, një zëvendëskryeministër për qeverisje të mirë dhe transparencë dhe ministrin e shëndetësisë dhe dy zëvendësministra, si dhe dy sekretar shtetëror, gjegjësisht zëvendësministër për mbrojtje dhe zëvendësministër për bujqësi. Sekretar shtetëror në shëndetësi dhe një tjetër që tani nuk më kujtohet…Nuk përjashtohet mundësia, por nuk është definitive”, deklaroi Arben Tarvari, VLEN.Gazetar: Adrian Kerimi

Continue Reading

Më të lexuarat