Lajme nga vendi

Komisioni për parandalimin dhe mbrojtjen nga diskriminimi hyri në klubin bullgar “Vanço Mihajllov”

Published

2 years ago

August 5, 2022

Komisioni për parandalimin dhe mbrojtjen nga diskriminimi sot ka inspektuar lokalet e klubit bullgar “Vanço Mihajllov” në Manastir. Vesna Bendevska – anëtare e Komisionit që kreu inspektimin, në një deklaratë për media tha se po veprojnë pas ankesës për diskriminim, të cilën e ka parashtruar një shoqatë civile me interes të arsyetuar, transmeton Portalb.mk.

“Sipas pretendimeve në ankesë, ne jemi të detyruar të dëgjojmë palën tjetër ndaj së cilës është bërë ankesa, për të marrë dokumentet. Erdhëm për këqyrje, e cila është paralajmëruar një javë më parë dhe kemi inspektuar hapësirat e diskriminuesit potencial, siç thotë parashtruesi në ankesë”, tha Bendevska dhe theksoi se Komisioni nuk do të paragjykojë pretendimet, por do ta publikojë mendimin pasi të përfundojë procedura.

Ajo theksoi se kanë bazë ligjore për inspektime të paparalajmëruara dhe të paralajmëruara, ndërsa për këtë ankesë do të marrin dokumentacion edhe nga institucionet tjera.

Klubi bullgar “Vanço Mihajllov” u hap zyrtarisht më 16 prill të këtij viti, në prani të një delegacioni të lartë nga Bullgaria, kryesuar nga kryeministri i atëhershëm Kiril Petkov. Akti shkaktoi reagime të ashpra në opinion dhe hapja u pasua me protesta në Manastir. Dy muaj më vonë, derën hyrëse të Klubit e dogji këngëtari Lambe Alabakoski, i cili dyshohet për veprën penale – shkaktim të rrezikut të përgjithshëm.

Lajme nga vendi

BDI mbledh organet e partisë, pritet të vendosë për format e protestës

Published

1 hour ago

September 10, 2024

TetovaExpres

BDI-ja ka thirrur mbledhjen e të gjitha strukturave partiake sot në Tetovë nga ku pritet të dalë plani konkret mbi masat që do të ndërmerr BDI-ja për siç thonë ata, mbrojtje të legjitimitetit. Në mbledhjen e thirrur prite të vendoset për protestat e mundshme të cilat BDI-ja i paralajmëron në kuadër të 100 ditëshit të Qeverisë VMRO-VLEN dhe qëndrimin e tyre mbi iniciativën kushtetuese për Ligjin e përdorimit të gjuhëve. Jo zyrtarisht mbledhja e organeve dhe strukturave partiake është thirrur në orën 14 në Tetovë.

Lajme nga vendi

Fronti Europian do t’i mbështesë ndryshimet në Ligjin për Vetëqeverisje Lokale

Published

1 hour ago

September 10, 2024

TetovaExpres

BDI-ja si parti opozitare sot do t’i mbështesë ndryshimet në Ligjin për Vetëqeverisje Lokale, për miratimin e të cilit kërkohet shumicë parlamentare prej dy të tretave, njoftoi TV 24.

Ndryshimet ligjore parashikojnë zgjatjen e mandatit të ushtruesve aktual të detyrës kryetarë komunash në Saraj, Aerodrom dhe Gostivar deri në zgjedhjet e rregullta lokale në tetor të vitit të ardhshëm.

Ndryshe, në qershor të këtij viti, deputetët e koalicionit “Fronti Evropian” udhëhequr nga BDI-ja votuan edhe për Ligjin për riorganizimin e organeve të administratës shtetërore, për miratimin e të cilit kërkohej edhe një shumicë prej dy të tretash.

Për t’u miratuar, amendamentet duhet shumicë prej dy të tretave, si dhe shumicë e Badenterit, nga deputetët, dhe nëse projektligji nuk kalon, zgjedhjet e jashtëzakonshme për kryetarë komunash duhet të mbahen në Saraj, Aerodrom dhe Gostivar. deri në fund të vitit.