Një ngjarje e rëndë ka tronditur mëngjesin e sotëm komunitetin në San Felice a Cancello, në provincën e Casertës, në Itali. Një 30-vjeçar shqiptar raportohet ka vrarë bashkëshorten e tij duke e mbytur gjatë një gindjeje mes të dyve rreth orës 05:00 të mëëngjesit të kësaj të mërkure.

Ajo që e bën tragjedinë edhe më të rëndë është fakti që akti brutal ka ndodhur në prani të dy fëmijëve të tyre të vegjël, vetëm 4 dhe 6 vjeç.

Autori i krimit është ndaluar menjëherë nga forcat e rendit, dhe është dërguar në komisariat, ku po mbahet në pritje të hetimeve nga Prokuroria e Santa Maria Capua Vetere.

Policia nuk ka dhënë ende detaje të mëtejshme për motivet që çuan shqiptarin më mbytjen e bashkëshortes së tij.
Ndërkohë, fëmijët, që u bënë dëshmitarë të këtij akti të tmerrshëm, po u jepet ndihma e nevojshme psikologjike dhe sociale nga autoritetet përkatëse.

Advertisement

Vitin e kaluar, e gjithë bota u tund nga vdekjet tragjike në këtë maje, ku katër vajza brenda ekipit me të cilin alpinistja jonë ishte nisur, ndërruan jetë nga orteqet e avalanshet.

Tre muaj më parë, Uta u nis përsëri drejt Kinës me synimin për të ngjitur majën Shisha Pangma.

Megjithatë, ekspertët konstatuan se rreziqet ishin të shumta, duke e bërë të pamundur nisjen e ekspeditës. Pa humbur kohë, Uta vendosi të vazhdojë përpara dhe sfidoi majën Gasherbrum 2, duke e ngjitur me sukses këtë majë të lartë.

Ndërsa sot, me datën 9 tetor 2024, Uta Ibrahimi arriti një tjetër moment historik në karrierën e saj të alpinizmit, duke ngjitur me sukses majën Shisha Pangma, një ndër majat më të vështira dhe rrezikshme të Himalajave. Pas dy tentativave të mëparshme, Uta me këmbëngulje dhe përkushtim triumfoi, duke shtuar një tjetër arritje të jashtëzakonshme në listën e saj të sukseseve.

Kjo ngjitje u bë në kuadër të një ekspedite ndërkombëtare të organizuar nga Seven Summit Treks (SST), ku morën pjesë 29 alpinistë dhe Sherpa nga vende të ndryshme të botës. Sipas raportimeve të SST, të gjithë pjesëtarët e ekipit arritën majën e Shisha Pangma me sukses në orën 6:00 të mëngjesit, me kohën lokale.

Advertisement

Kjo arritje përbën një moment të rëndësishëm për 12 nga alpinistët që përfunduan sfidën e ngjitjes së 14 majave më të larta të botës, duke u bashkuar në klubin ekskluziv të 8000- metërsheve. Një sfidë të cilën Uta pritet ta arrijë vitin tjetër duke u bërë e vetmja në Ballkan që ka arritur këtë sukses në Alpinizëm.

Ky sukses i afrohet Uta Ibrahimit përfundimit të një misioni të jashtëzakonshëm, duke mbetur vetëm edhe një majë për të përmbushur qëllimin e saj të ngjitjes së të gjitha 14 majave më të larta të Himalajave. Duke u bërë një nga gratë e pakta në botë që arrin këtë, Uta forcon

pozicionin e saj si një nga alpinistet më të shquara ndërkombëtarisht dhe një frymëzim për shumë të rinj e të reja që ndjekin rrugën e saj drejt lartësive.

Maja Shisha Pangma, me lartësinë e saj prej 8,027 metrash, është e njohur për kushtet sfiduese dhe rreziqet e mëdha që paraqet për alpinistët. Uta, përmes guximit dhe përkushtimit të saj të pandërprerë, dëshmoi edhe një herë se asgjë nuk është e pamundur kur ndjek një qëllim me përkushtim dhe vendosmëri.

Jemi jashtëzakonisht krenarë për arritjet e ekipit tonë dhe presim shumë ekspedita të tjera të suksesshme në të ardhmen," deklaroi SST. "Seven Summit Treks është i nderuar të ketë një ekip kaq të jashtëzakonshëm."

Advertisement

Ndërkohë që e gjithë bota e alpinizmit ndjek me interes këtë rrugëtim, Uta mbetet një simbol i fuqisë dhe qëndrueshmërisë, jo vetëm për gratë, por për të gjithë ata që guxojnë të ëndërrojnë lart.

Rreth 13 nxënëse në Gjakovë kanë lënduar vetën të ndikuar nga një video- lojë një rrjetin social Tik – Tok.

Lidhur me këtë rast, zëdhënësi i policisë për Rajonin e Gjakovës, Sheremet Elezi tha për portalin rtv21.tv se fillimisht më 7 tetor rasti në polici është lajmëruar nga Drejtoresha e Arsimit në Gjakovë, e cila ka njoftuar për tri nxënse të dyshuara se janë viktima të vetlëndimit.

“Viktimat femra kosovare të mitura, janë dërguar në tretman mjekësor. Më vonë, me datën 08.10.2024 janë intervistuar edhe dhjetë nxënëse të tjera, mbi dyshimin se edhe këto kanë lënduar veten në periudha të ndryshme kohore.”, tha Elezaj.

Drejtoresha e Arsimit në Gjakovë, Eranda Kumonova Baçi i tha portalit rtv21.tv se janë ndërmarrë masa pas këtij rasti.

“Pas një informate jo zyrtare (nga një prind) te premten ne mbrëmje për vetëlëndim nga vajzat kemi lajmëruar drejtoret e shkollave qe te hënën te fillojnë edhe kontrollet ne shkolla bashke me psikologë dhe me kujdestaret e klasave. Ne ndërkohë kemi lajmëruar edhe zyrtarët policor, dhe veç ne kontrollet e djeshme dhe pardje ka rezultuar te identifikohen 13 nxënëse me vetëlëndime të mëhershme.”, tha ajo.

Advertisement

Më tej Kumonova Baçi shtoi se nga sot do të ndalohen telefonat celularë në shkolla.

“ Zyrtaret policor po merren me te gjitha procedurat dhe mjeket me ekzaminimin e kohës se plagëve te shkaktuara. Kjo ka te bej me një sfidë të rrjetit social “Tik Tok”, dhe zakonisht e bëjnë vajzat. Nxënëset janë të shkollave te mesme te ulëta. Shkollat sot janë duke zhvilluar kontrolle ne te gjitha klasat, dhe nga sot e tutje do te ndalohet rreptësishtë mbajtja e telefonave mobil nga nxënësit. Në rast se psikologet apo kujdestaret vërejnë shenja te dyshimta ne duar te nxënësve atëherë do te lajmërohen menjëherë zyrtaret policor dhe do te vazhdojnë me procedurat hetimore.”, deklaroi ajo.

Në anën tjetër Prokuoria Themelore në Gjakovë njoftoi se është inicuar rast shtytje në vetëvrasje.

“Prokurori i Shtetit së bashku me Policinë e Kosovës, janë duke i ndërmarr të gjitha veprimet e duhura hetimore, ashtu që veprimet hetimore për këtë rast janë duke vazhduar në bashkëpunim me policinë. Për shkak të ndjeshmërisë së rastit nuk mund të japim më shumë informata lidhur me këtë rast.”, thuhet në përgjigjen e Prokurorisë Themelore të Gjakovës për portalin rtv21.tv

Ky nuk është rasti i parë i raportuar për lëndimet e nxënësve të nxitur nga Tik- Tok, në maj të këtij viti është raportuar për 17 raste të nxënëseve të shkollave fillore të mesme të ulët “Mihal Grameno” dhe “Daut Bogujevci” në Fushë-Kosovë./21Media

Advertisement