Connect with us

Lajme nga vendi

Sela: Me vendimin e Gjykatës u ndërprenë qëllimet dashakeqe, secili ka të drejtë ta ankimojë vendimin

Published

on

Aleanca për Shqiptarët krahu i Arben Taravarit sot përmes një konference për shtyp ka hedhur dyshime për krim të organizuar në sjelljen e vendimit nga ana e Gjykatës së Tetovës e cila ka vendosur në favor të kërkesës së Aleancës për Shqiptarët krahu i Ziadin Selës që Sela të jetë kryetar i partisë.

Ndërkohë Ziadin Sela, poashtu në një konferencë për media tha se se ky ishte një vendim i shumëpritur. Sipas tij ajo që ndodhi dje, ndërpreu qëllimet dashakeqe, të cilët sipas tij, kishin për qëllim ta rrënuar këtë strukturë politike.

“Secili ka të drejtë ta ankimojë vendimin, por në vendim thuhet se hyn në fuqi kërkesa e Kongresit që Ziadin Sela të përfaqësojë partinë. Pra nuk bëhet fjalë për mosmarrëveshje mes meje dhe Taravarit, por për vendimin e Kongresit, që është dokumentuar me dokumente dhe nënshkrime. Tani e drejta e tij është të ankojë vendimin e Gjykatës. Ai duhet të ishte i kujdesshëm jo vetëm tani që të mos e keqpërdorë vulën e partisë dhe nënshkrimin e tij,  kur ende kishte vendim Kongresi. Ai nuk i shfaqi, për fat të keq qëndrimet e tij as në Kongresin e partisë dhe në Komitetin qendror, por siç duket nga deklaratat që japin, ai është pjesë e hallkës kundër ASh-së që në qershor 2023”, tha Sela.

Lajme nga vendi

MPB: 188 gjoba në Shkup, 17 vozitës pa patentë shoferi

Published

on

Sektori për Punë të Brendshme-Shkup gjatë ditës së djeshme (15.04.2024) ka vazhduar me kontrolle të shtuara në trafik me çrrastë vetëm në territorin e qytetit të Shkupit janë shqiptuar gjithsej 188 gjoba, nga të cilat 25 për tejkalim të shpejtësisë, 17 për drejtim të automjetit pa patentë shoferi, shtatë sanksione për kalim në semafor të kuq, katër gjoba për drejtim të automjetit nën ndikimin e alkoolit.

“Kontrollet në komunikacion do të vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thuhet në njoftimin e MPB-së.

Continue Reading

Lajme nga vendi

CIVIL me kritika: Mos abuzoni fëmijët për fushatë zgjedhore! Duhet të ndalohet menjëherë

Published

on

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për Mbrojtjen e Fëmijëve: “Ndalohet keqpërdorimi i fëmijëve për shkak të organizimit dhe veprimit politik apo fetar”.

Ekipi monitorues i CIVIL-it ka konstatuar më shumë raste të keqtrajtimit të fëmijëve dhe të miturve gjatë fushatës zgjedhore sesa pothuajse të gjithë kandidatët në garën për president të Republikës së Maqedonisë së Veriut.

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për mbrojtjen e fëmijëve:

“Abuzimi i fëmijëve për shkak të organizimit dhe veprimit politik apo fetar është i ndaluar”.

CIVIL u kujton partive politike, prindërve, mediave dhe institucioneve se çdo fëmijë, pa përjashtim, ka të drejtën për një jetë dinjitoze dhe të gëzojë të gjitha të drejtat e përcaktuara në Deklaratën e të Drejtave të Fëmijëve dhe Ligjin për Mbrojtjen e Fëmijëve. Ata kanë të drejtën e një fëmijërie të pakujdesshme, të lirë nga ngjarjet e përditshme politike.

Advertisement

Vendi i fëmijëve është jashtë politikës! Partitë politike dhe mbështetësit e tyre duhet të kontribuojnë në mbrojtjen e fëmijëve dhe jo në abuzimin e tyre politik. Shteti dhe institucionet kanë detyrimin t’u sigurojnë fëmijëve zhvillim fizik, mendor, shpirtëror, moral dhe social, një mënyrë jetese të shëndetshme dhe normale në kushte lirie dhe dinjiteti!

CIVIL në vazhdimësi alarmon opinionin, institucionet, partitë politike dhe mediat për abuzimin e fëmijëve për qëllime politike dhe kërkon nga institucionet që të sanksionojnë të gjithë ata që në çfarëdo mënyre i përfshijnë fëmijët në politikë.

CIVIL kërkon nga institucionet që të marrin sanksione vendimtare ndaj kujtdo që përpiqet të vendosë fëmijët dhe të miturit në listën e tyre të aktiviteteve. Thjesht duhet të ndalet, menjëherë!

Continue Reading

Lajme nga vendi

Kalendari i imunizimit/ Demiri: Qytetarët t`i marrin vaksinat e nevojshme!

Published

on

Kalendari për imunizimin e rregullt është përditësuar me vaksinën nëntëvalente HPV-Gardasil 9, e cila pas një muaji do të jetë në pikat e vaksinimit. Krahas faktit që po kalojmë nga një vaksinë katërvalente në një vaksinë nëntëvalente për HPV-në, risia e këtij viti është se do të jetë e disponueshme edhe për djemtë, deklaroi sot në një konferencë për media ministri i Shëndetësisë , Ilir Demiri. Ai theksoi se kjo vaksinë do të ofrojë parandalim më të mirë të infeksioneve nga virusi papilloma humane (HPV), lezionet prekanceroze, si kanceri i qafës së mitrës. Ministri Demiri, apeloi deri tek qytetarët që të pranojnë të gjitha vaksinat enevojshme, sepse siç tha, më mirë të bëhet parandalim, se sa kurim.Duke folur për vaksinimin, Demiri tha se planifikon të kërkojë ndryshime ligjore të cilat do të ndalonin regjistrimin në shkoll të fëmijëve të pavaksinuar.

“Megjithatë, nuk ka ligj që do të sanksiononte prindërit, të cilët nuk i vaksinojnë fëmijët e tyre. Këtu është kontradikta. 09:32 Prandaj, shfrytëzoj çdo mundësi që kam që t’u bëj thirrje që t’i vaksinojnë fëmijët e tyre. Shpresoj që pas zgjedhjeve do të përgatitit ndonjë kornizë ligjore që do të mundësojë sanksionimin e prindërvëe që nuk vaksinojnë fëmijët”, tha Ilir Demiri.

Continue Reading

Më të lexuarat